Ke belegiwwe dimitšaneng tsa Saxony, ga gore ka nako yone ne ba re ke German Democratic Republic (GDR). Gaye ke mo go jabodisa fote re nyakanana, babelegi baka ba ntšhutisiye go ba le mekgwa. Naga ya GDR ke mo go le ya Makhomanisi, byalo batho ba go tlala ba Saxony ke mo ba sa di tseyele hlogong tso tsa sedumedi. Nna ne ke re Modimo aa šiyo. Taba yo ya gore Modimo aa šiyo le ya Bokhomanisi ke dilo tsa gore ne ke phela ka tsona go segela ke ba le 18 ya mengwaga.

Yema ke le botse so ne se maka gore ke kwane le Bokhomanisi. Ne ke jabodisa ke taba ya gore batho ka mokana ga bona ba ko thogo lekana. Ke mo ke kwisisa gore batho ba tshwanele gore ba kraye dilo tsa go lekana ka taba la gore sosone ne se ko maka gore go sa be le ba go ghanya ka matla le ba go hlopega ka matla. Byalo ke yye ka kenela mokgahlo wa Makhomanisi wa bo ba sa ga gola. Mo ke na le 14 ya mengwaga, ke yye ka fetsa nako ya go tlala ke bereka mmereko wa go tseya maphephe ya gore ba ma lahliye ke mokane re ma maka ka bonyuwane. Mutši wa Aue o yye wa jabodisa ke gore ne ke karakara ka matla tsa gore le ba mmušo ba yye ba nneya se sengwana go šupetsa gore ba leboga mmereko waka. Le mo ne ke sa le ye monyana, ke yye ka tšiba batho ba dipolotiki ba gore ba ga mayemo ya gedimo ba ku GDR. Ke mo ke tseya gore ke karakara gore ke segelele tsa gabutši le gore ku mahlong lephelo laka le nyoko bafala.

Dilo tsaka di yye dya sinyega ka go yakgoswa. Ka 1989 Lepharo la Berlin le yye la wa, lego berekisana ga dinaga tsa Makhomonisi tsa ka Bohlabela bya Yuropo, go yye gwa fela. Ne go makega dilo tsa go makatsa ka go lategetsana. Ke ro napa ke di bona gore ga go tlala batho ke mo ba sa tshwariwi gabutši ku GDR. Mo re beyisa, batho ba gore ke mo ba sa thekge tsa Bokhomanisi ke mo ba ba tseyela fase. Ke mo ba di makela ying tsotsone? Anthe rune Makhomanisi ne re sa dumele taba ya gore batho ka moka baa lekana? Ayitsano tso tsa Bokhomanisi ke mo go le matsaka? Ke yye ka thomisa go šekela.

Byalo ka thomisa go yetisa tsa go yepelela le tsa go thala dithombhe mahlong. Ka gore ne ke tšhuta tsa go yepelela fote di šupa nkare ke nyoko ya yunivesithi, ke yye ka tipona ke šele ke bereka go yepelela. Fote ke yye ka lahla mekgwa yela ya go bafala yo ne ba ntšhutisiye ke sa le ye monyana. Ke mo ke fo dula ke naganne ka go tijabodisa, gana hone ke mo go kena le taba ya go kwana le bannyana ba go tlala ka nako ka yyoši. Mara go yepelela, go thala dithombhe le go fo tiphelela nje, a sanka gwa maka gore ke sa sa šekela. Le dithombhe tso ne ke di thala, ne di fo šupa gore ke na le letšhogo ka ho teng gaka. Ne ke tiputsisa gore go nyoko makega ying ku mahlong? Le gore anthe re phelela ying.

Ke yye ka šala ke makele mo ke kraya diphetolo tso ne ke di nyaka. Tšatši le lengwana mo re le sekolong ka malobana, ne ke duli le bo ke tšhutang nabo re bolabola ka tso di nyoko makegang ku mahlong. Mandy, * wa gore ke mo re tšhuta naye ne go le Hlatse ya Jehova. Tšatši lone, o n’gelepiye ka matla. O yitseri gaka: “Andreas, mo o nyaka go kraya diphetolo tsa diputsiso tso o nang natso ka lephelo le tso di nyoko go makega ku mahlong, tineye nako ya go bala Baebele.”

Ne ke sa nape ke mo tshepa, mara ka fore yema ke bale ša. Mandy o yitseri ke bale tema 2 ya Daniyele, tso ke di badiyeng mone di nšiye ke yahlamme. Seporofeto sowa se hlatolla ka mokgo memmušo yi lategetsanang ka gona, memmušo ya gore ke mo yi nyoko lawola go segela gana byalo. Mandy o nšupetsiye diporofeto tsa ka ho Baebeleng tsa gore di šupetsa tso di nyoko makegang ku mahlong. Ye barena! Ka tla ka kraya diphetolo tso ne ke di nyaka. Byalo ke mang wa gore o ngwadiye diporofeto tsowa, fote ke mang wa go ka korola ka mokgo, mo a bolabola ka tso di nyoko go makega ku mahlong? Ye lune! Ayitsano di ka makega gore Modimo o gona?

Mandy o n’gahlanisiye le Horst le mosadi wage ye ba reng ke Angelika ba gore ke Dihlatse. Ba n’gelepiye gore ke kwisise Lentsu la Modimo gabutši. Ke yakgoswiye ke di bona gore Dihlatse tsa Jehova, ke tsona di ntoši tsa gore di berekisa lebitso la Modimo la gore Jehova ka moka nako, fote di le tseyela gedimo. (Pisalema 83:18; Matewu 6:9) Ke tšhutiye gore Jehova Modimo o nyoko neya batho lephelo la go ya go yye pharadeyising ho lefaseng. Pisalema 37:9 yi re: “Ba gore ba tshepela ga Jehova, lefase go nyoko ba la bona.” Ne ke jabodiye ka matla mo ke tšhuta gore Modimo o nyoko makela motho ye mongwana le ye mongwana wa gore o phela ka melawo yage dilo tsowa, go ya ka mokgo Baebele yi hlatollang.

Mara ne di se lola gore ke tšhentšhe maphelelo yaka gore ke berekise tso ke di tšhutang Baebeleng. Taba ya gore ne ke phomelela ga tsa go yepelela yi makiye gore ke be le magetla, byalo sa mathomo sa gore ne ke tshwanele ke se tšhute, ke go tinyanafatsa. Go tokegela gana hone ke mo di se lola gore ke lesetse lephelo laka la dithila. Ke leboga gore Jehova o lefisa pelo, o kwelana go baba fote o kwisisa bo ba leketsang ka matla gore ba phele ka tso Baebele yi di tšhutisang.

Ne ke yetisa Bokhomanisi le taba ya gore Modimo aa šiyo mahlong go segela ke ba le 18 ya mengwaga, mara go tlugisela ka nako yonone, Baebele yi tšhentšhiye lephelo laka, le gana byalo yi sa fo maka ka mokgonone. Tso ke di tšhutiyeng di makiye gore ke sa sa šekela ka tso di nyoko makegang ku mahlong fote dya maka gore ke tšibe gore ke phelela ying. Ke kolobetsiwwe ka 1993 gore ke be Hlatse ya Jehova ke mokane ka 2000 ka tseya Tabitha wa gore le yene ke Hlatse, gore go be mosadi waka. Re fetsiye nako ya go tlala re gelepa batho gore ba tšibe Baebele. Ba go tlala bo re gahlanang nabo ba tshwana le nna, ba kwana le Bokhomanisi fote a ba dumele ga Modimo. Ke kwa ke kgotsofala ka matla mo ke ba gelepa gore ba tšibe Jehova.

Mo ke thomisa go ya Holong ya Dihlatse tsa Jehova, babelegi baka ke mo ba makele. Mara go tlugisela ka nako yonone, ba di bonne tsa gore lephelo laka le tšhentšhiye ka gore ke phela le Dihlatse tsa Jehova. Sa go njabodisa ke gore le bona gana byalo, ba bala Baebele fote ba ya megahlanong ya Dihlatse tsa Jehova.

Nna le Tabitha re jabodiye, ka taba la gore re leketsa go latelela so Baebele yi se hlayang ga taba ya gore batho bo ba šadhiyeng, di nyaka ba tshwarane byang. Go theetsela tso Baebele yi di hlayang tsa gore re tshwanele re tshepege mo re šadhiye, di tiyisa mošadho wa rune.—Maheberu 13:4.

A ke sa šekela ka lephelo le tso di nyoko makegang ku mahlong. Ke tikwa ke le selo ka ssoši le mutši wa lefaseng ka mokana ga lona wa magageru, wa gore wo bebiye fote wo mamarelanne. Ga mutši wowa, re tshwarana gabutši ka go lekanana. Sone ke so ne ke se tšiba fote go tlugisela go le nna, ne ke nyaka gore se makege.