1. Mo o šele o tšhutiye puku yowa o yi kwisisiye, o ka kraya o tiputsisa ying?

PUKU yowa yi go tšhutisiye dilo tsa go tlala tsa go tšwa ka ho Baebeleng, tsa go tshwana le lephelo la go ya go yye lo Modimo a le tshepisang, seyemo sa bo ba kgwileng le tshepo ya gore bakgu ba nyoko tsoga. (Mmolabodi 9:5; Luka 23:43; Johane 5:28, 29; Kutullo 21:3, 4) Di ka makega gore o šele o ya megahlanong le Dihlatse tsa Jehova ka taba la gore o tshepa gore ba tšhutisa nnete. (Johane 13:35) O šele o timakele senghana sa thina ka matla le Jehova fote o segelele le sepheto  sa gore o nyaka go mmerekela. Byalo o ka kraya o tiputsisa gore, ‘Nka maka ying mara gore ke berekele Modimo?’

2. Morene mongwana wa Leithopiya ke mo a tšhofa king mo a šinya a nyaka go kolobetsiwa?

² Morene mongwana wa Leithopiya wa gore o phidiye nakwela Jeso a sa le ho lefaseng ke mo a tiputsisa tsotsone. Nakwela go se botala Jeso a tsusiwwe, lelata la Jeso lo ba reng ke Filipi le yye la tšhomayelela morenewa wa Leithopiya. Filipi o yye a mo šupetsa gabutši ga morenewa gore Jeso ke yene Mesiya. Tsotsone di yye tsa le tikisa ka matla Leithopiya lowa la šinya le re: “Lebelela! Meetši ke yawa; king so se ntshwarelelang gore ke sa kolobetsiwi?”—Mebereko 8:26-36.

3. (a) King so Jeso a hlayyeng gore se make ke bo ba mo latelelang? (b) Motho o tshwanele a kolobetsiwe byang?

³ Baebele yi tšhutisa gore mo o nyaka go berekela Jehova, o tshwanele o kolobetsiwe. Jeso o butsiye bo ba mo latelelang gore: “Makaneng batho ba ditšhaba ka moka malata, le ba kolobetseneng.” (Matewu 28:19) Jeso o yye a šupetsa tsotsone ka gore le yene mong a kolobetsiwe. O yye a napa a ro phinya ka meetšing, a sanka ba fo mo fokela ka meetši mo hlogong. (Matewu 3:16) Le lekgono mo Mokreste a kolobetsiwa, o tshwanele a phinye a nape a ro felegelela ka ho meetšing.

4. Mo o šinya o kolobetsiwa, o šupetsa ba bangwana ying?

⁴ Mo o šinya o kolobetsiwa, o šupetsa ye mongwana le ye mongwana gore o nyaka go ba monghana wa Modimo fote o nyaka go mmerekela. (Pisalema 40:7, 8) Byalo o ka tiputsisa gore, ‘Ke tshwanele ke make ying gore ke thogo kolobetsiwa?’

5. (a) Di nyaka o thomise ka go maka ying mo o soko bane o kolobetsiwa? (b) Ke ntaba di nyaka re ye megahlanong ya Sekreste?

⁵ Mo o soko bane o kolobetsiwa, di nyaka o tšibe Jehova le Jeso. O šele o thomisiye go maka ka mokgonone ka go  tšhuta Baebele. (Bala Johane 17:3.) Mara a gwa napa go yenela. Baebele yi re o tshwanele o “tšibe mong yona nnete” ya so Jehova a se nyakang. (Makolose 1:9) Megahlano ya Dihlatse tsa Jehova yi nyoko go gelepa gore o be le senghana sa thina ka matla le Jehova. Sosone ke sona se segolo ka matla so se tshwaneleng go go tšhofa go dula o ya megahlanong.—Maheberu 10:24, 25.

6. Di nyaka o tšibe dilo tsa go segela kaye ka ho Baebeleng gore o thogo kolobetsiwa?

⁶ Phela Jehova aa yemela gore o tšibe selo se sengwana le se sengwana ka ho Baebeleng gore o thogo kolobetsiwa. Ke mo a sa yemela gore morenela wa Leithopiya a thomise ka go tšiba dilo ka mokana ga tsona gore a thogo kolobetsiwa. (Mebereko 8:30, 31) Di sa tlele dilo tso re sa nyoko di tšhutang ka Modimo go ya go yye. (Mmolabodi 3:11) Mara gore o thogo kolobetsiwa, di nyaka o tšibe dinnete tse dingwana tsa Baebele tso re ka fo reng di tshwana le fandhiši ke mokane o di yamogele dinnete tsone.—Maheberu 5:12.

7. Di go thušiye ka ying mo o kene o tšhuta Baebele?

⁷ Baebele yi re: “Mo o gayela tumelo, a di kgonege go jabodisa Modimo.” (Maheberu 11:6) Byalo di nyaka o be le tumelo mo o soko bane o kolobetsiwa. Baebele yi re botsa ka batho ba bangwana ba ku botala polekeng ye ba reng ke Korente gore ba yye ba kwa so ne se tšhutisa ke malata ya Jeso ke mokane “ba tshepa ba boya ba kolobetsiwa.” (Mebereko 18:8) Le ho gago go ka mokgonone, mo o kene o tšhuta Baebele, o yye wa dumela ga tso Modimo a di tshepisiyeng le gore tso Jeso a di makiyeng nakwela a re lepolla di maka gore re ntshiwe bobhantiting bya go sinya le bya go kgwa.—Jošuwa 23:14; Mebereko 4:12; 2 Thimothi 3:16, 17.

8. O nyoko maka king mo o šinya o kwa di go tšhofa gore o botse ba bangwana so o se tšhutiyeng?

⁸ Mo o kene o tšhuta tsa go tlala ka ho Baebeleng o boya  o di bona gore ya go thuša mo o kene o phela, tumelo yago yi nyoko napa yi tiyelela. Di nyoko fo go tšhofa gore o botse batho ba bangwana ka so o se tšhutiyeng. (Jeremiya 20:9; 2 Makorente 4:13) Ke bafeng batho ba gona bo o tshwaneleng go ba botsa?

9, 10. (a) Ke bafeng ba gore o ka thomisa ka bona go ba botsa so o se tšhutiyeng? (b) Di nyaka o make ying mo o nyaka go ye tšhomayeleng o na le phutego?

⁹ So o se tšhutiyeng o ka fo kwa di go tšhofa gore o se botse bo o dulang nabo ka ho gaye kela mašaga, banghana, bayagelani kela bo o berekang nabo. Di gabutši ka matla go maka tsotsone, mara o ba kene gabutši mo o bolabola nabo fote o sa ba kgwasolanyi. Go se botala, o nyoko ba o šele o tšhomayela o na le phutego. Mo o šele o kwa nkare o nyaka go thomisa go maka ka mokgonone, bolabola le motho ye a go tšhutisang Baebele, o mmotse gore le wene o nyaka go sepela le phutego le ye tšhomayeleng. Mo nkare ye a go tšhutisang Baebele wa di bona gore o šele o butšwiye fote o kene wa garagara gore o phele ka mokgo Baebele yi tšhutisang, wene le yene le ko ya le gahlana le bagolo ka babedi ba phutego.

¹⁰ Go nyoko makega ying mo le gahlana le bagolo? Bagolo ba nyoko bolabodisana nago ba nyaka go bona gore nnete tso Baebele yi di tšhutisang wa di kwisisa fote wa di tshepa, maphelelo yago ya ka moka matšatši ma šupetsa gore wa di theetsela tso Baebele yi di bolabolang le gore nje ka nnete o nyaka go ba Hlatse ya Jehova. O sa lebale gore bagolo ba pasopa batho ka mokana ga bona ka ho phutegong, le wene o gana hone, byalo o sa hlagasele mo o nyaka go bolabola nabo ka se sengwana. (Mebereko 20:28; 1 Petro 5:2, 3) Mo le šele le gahlanne nabo, bagolo ke bona ba ko go botsang mo nkare o šele o le gabutši gore o ka thomisa go ya tšhomong le phutego.

11. Ke ntaba o ka fo kraya di nyaka re lukise hala le hala gore re thogo tšhomayela re na le phutego?

 ¹¹ Go gongwana bagolo ba ka fo leketsa go go yedisela taba ya gore o tshwanele o lukise hala le hala gore o thogo thomisa go tšhomayela o na le phutego. Ke ntaba o tshwanele o lukise dilo tsone mo ba ka fo go botsa tsona? Ka taba la gore mo re bolabola le batho ka Modimo, re ba re yemela yene mong Jehova, byalo di nyaka maphelelo ya rune ma make gore a thanakiwe.—1 Makorente 6:9, 10; Magalata 5:19-21.

12. Ke ntaba di nyaka batho ka mokana ga bona ba tisole?

¹² Go na le se sengwana so o tshwaneleng o se make mo o soko kolobetsiwa. Petro wa lepostola o yitseri: “Byalo, tisoleneng, le sokologe gore tso le sinnyeng ga tsona di thogo sudiwa.” (Mebereko 3:19) Go tisola go ra gore king? Go ra go kwisa go baba ke dilo tsa go kekema tso o yyeng wa di maka. Tla re fo re ke mo o phela lephelo la go kraya o yetsela le motho mara go se monna kela mosadi wago, di nyaka o di lesetse tsotsone, o tisole. Le mo o ka fo kraya gore wene lephelo lago ka moka ke mo o karakara gore o make tsa gabutši, di sa na di fo nyaka gore o tisole, ka taba la gore ka mokana ga rune re ya sinya fote re tshwanele go kgopela Modimo gore a re tshwarele.—Maroma 3:23; 5:12.

13. Go ra gore king go “sokologa”?

¹³ Nje di ko ba di yenele mo o fo kwisa go baba ke so o se makiyeng? Awwa. Petro o yitseri di nyaka gore o boye o “sokologe.” Sosone se rela gore mo nkare maphelelo yago ke mo ma kekemme hala le hala, thomisa go ma wolola o make tsa gabutši. Yema re fo re ke wene yewa wa rwalagana o ya ga poleke ya gore o ro thoma go ya ga yona. Mo o kene o sepela, wa di bona gore nkare o lahlegiye. O nyoko maka byang? Nnete ke gore o nyoko poma lebelo, wa yema, wa sologa ke mokane wa kena pateng ya nnete. Le gana byalo mo o kene  o tšhuta Baebele go ka mokgonone, o ka yakgoswa o di bona gore go na le mokgwa kela se sengwana ho lephelong lago sa gore se nyaka o se lukisa. O sa sa jikajika, napa o fo “sokologa”—sosone se rela go lukisa ga nkare go kekemme—ke mokane o thomise go maka tsa gabutši.

14. O ka tineyela byang ga Modimo?

¹⁴ Selo se sengwana se segolo so o tshwaneleng go se maka mo o soko kolobetsiwa ke go tineyela ga Jehova. Mo o tineyela ga Jehova, o bolabola naye ka thapelo, wa mo tshepisa gore wene o nyoko rapela yene a ntoši fote ho lephelong lago ka mokana ga lona, ka ku mahlong o nyoko yetisa so yene a se nyakang.—Dotoronoma 6:15.

15, 16. Motho o tšhofa king mo a šinya a tineyela ga Modimo?

¹⁵ Go tshepisa Jehova gore o nyoko berekela yene a ntoši go tshwana le mo o tshepisa motho ye o mo nyakang ka matla gore o nyoko phela naye go ya go yye. O fo nagana ka mosogana le kgareba ke bowa ba thomisa go kgetisana. Mo mosogana yewa a kene a tšiba kgareba yowa gabutši, o kwa a napa a yi nyaka ka matla, a kwa a di nabela ka matla go yi tseya. Mosogana yewa wa di tšiba gore go tseya kgareba yowa a yi go kgana, mara o wa yi tseya ka taba la gore o yi nyaka ka matla.

¹⁶ Mo o kene o tšhuta ka Jehova, o fo kwa o šele o mo nyaka ka matla fote o kwa di go tšhofa gore o karakarele go mmerekela. Sosone se nyoko go tšhofa gore o mo rapele o mo tshepise gore o nyoko mmerekela. Baebele yi re motho ye a nyakang go latelela Jeso o tshwanele a “tiphige.” (Mareka 8:34) Sosone se rela gore king? Se rela gore go theetsela Jehova go ba selo sa mathomothomo lephelong lago. So Jehova a se nyakang ke sona se segolo go feta tso di nabelang ke wene mong kela tso o nyakang go di segelela.—Bala 1 Petro 4:2.

17. Ke ntaba batho ba bangwana ba jikajika go tineyela ga Jehova?

¹⁷ Batho ba bangwana baa tšhaba go tineyela ga Jehova ka taba la gore ba tšhoga gore ba ka ghulega ba sa sa maka tsela ba di tshepisiyeng. A ba nyake go tšebisa Jehova, kela ba ka fo re mo ba ka sa tineyele gage, Jehova a ka sa ba make selo le mo ba ka maka selo sa gore a yi sona.

18. O ka gelepa king gore o sa tshose ke gore kela o ka tšebisa Jehova?

¹⁸ Mo nkare ke nnete wa mo nyaka ga Jehova, sosone se nyoko maka gore o sa tshose ke gore o ka fo mo tšebisa. Akere wa mo nyaka, byalo o nyoko karakara gore o make so o mo tshepisiyeng. (Mmolabodi 5:4; Makolosi 1:10) O ka sa kwe nkare go maka tso Jehova a di nyakang di ya roba. Johane wa lepostola o ngwadiye gore: “Sowa ke so re šupetsang ka sona gore ga Modimo re ya mo nyaka, mo re theetsela melawo yage; fote melawo yage a yi robe.”—1 Johane 5:3.

19. Ke ntaba di sa nyake o tshosa ke go tineyela ga Jehova?

¹⁹ Go tineyela ga Jehova a di nyake gore motho a be a felegelele ho mmeleng. Aa yemela gore re make dilo tsa gore re ka sa di segelele. (Pisalema 103:14) Ke yene a nyoko go gelepang gore o make tsa go loka. (Jesaya 41:10) Tshepa Jehova ka pelo yago ka mokana ga yona, yene “o nyoko wolola ditsela tsago.”—Diyema 3:5, 6.

20. Mo o šele o tineyele ga Modimo, di ra gore o šalele king?

²⁰ Nje o bona nkare o šele o le gabutši gore o tineyele ga Jehova? Mo o šele o tineyele ga Jehova, di ra gore o šalele ke selo se sengwana. Go šele gore o kolobetsiwe.

21, 22. O ka maka byang gore di “be lekgwaying” gore tumelo yago yi segela kaye?

²¹ Botsa mogahlanisi wa mogoba wa bagolo gore o šele o tineyele ga Jehova, byalo o nyaka go kolobetsiwa. Ke  mokane yene o nyoko maka gore bagolo ba bangwana ba tle ba bolabole nago ka dilo tso o di tšhutiyeng ka ho Baebeleng. Mo le bona ba dumela gore o butšwiye, ba nyoko go botsa gore o ka ya wa kolobetsiwa ga mogahlano wo mogolonyana kela mogahlano wo mogolo wa Dihlatse tsa Jehova. Ga mogahlano wone, go nyoko ba le polabolo yo yi nyoko hlatollang gore go kolobetsiwa go ra gore king. Ye a beyang polabolo o nyoko butsisa bo ba yang go  kolobetsiweng diputsiso ka dipedi tsa go sa hlupi. Mo o fetola diputsiso tsone, o maka gore di “be lekgwaying” gore o na le tumelo.—Maroma 10:10.

²² Ka nthago ga dilo tsone, o nyoko kolobetsiwa. Mo ba go tšhela ka ku meetšing o nyoko ro napa o phinya. Mo  o kolobetsiwa, o nyoko ba o šupetsa batho ka mokana ga bona gore o tineyele ga Jehova le gore ke wene Hlatse ya Jehova.

23. Di ra gore king go kolobetsiwa ka “ka lebitso la Papa le la Morwayi le la moya wa go hlawolega”?

²³ Jeso o yitseri bo go leng malata yage ba nyoko kolobetsiwa “ka lebitso la Papa le la Morwayi le la moya wa go hlawolega.” (Bala Matewu 28:19.) Di ra gore king tsotsone? Di ra gore a o yi takisi mahlo taba ya gore Jehova ke yene a lawolang, wa di tšiba gore Jeso o maka ying gore a thogo segelela tso Modimo a di nyakang, fote wa di tšiba tsa gore Modimo o wo berekisa byang moya wage wa go hlawolega gore a thogo segelela so a se nyakang.—Pisalema 83:18; Matewu 28:18; Magalata 5:22, 23; 2 Petro 1:21.

24, 25. (a) Go kolobetsiwa go šupetsa ying? (b) Re nyoko bolabola ka ying ga tema ya mafelelo?

²⁴ Go kolobetsiwa go šupetsa taba ye nngwana ye kgolo. Mo o phinya ka ku meetšing, di ra gore o šele o kgwile kela o lahliye maphelelo yago ya botala. Mo o yinuga ka ku meetšing, o thomisa lephelo la nyuwane ka go maka so Modimo a se nyakang. Di napa di šupetsa gore go tlugisela gana byalo, o thomisa go berekela Jehova. O sa lebale gore lephelo lago a wa le neya motho, mokgahlo kela selo se sengwana. O le neyye Jehova.

²⁵ Ka taba la gore o tineyele, o ko thogo maka gore senghana sago le Modimo go be sa thina ka matla. (Pisalema 25:14) Mara sosone a se rele gore motho o nyoko phona ka taba la gore a kolobetsiwwe. Pawulo wa lepostola o ngwadiye gore: “Go phonisiwa ga lune le ye mahlong le kene le go karakarela le tšhugiye fote le hlagasela.” (Mafilipi 2:12) Go kolobetsiwa go fo ba mathomo. Byalo o ka maka byang gore o dule o le thina ga Jehova? Putsiso yone yi nyoko fetola ke tema ya mafelelo ya puku yowa.