1, 2. O bona nkare ke ntaba go rapela go le selo se segolo so Modimo a re neyyeng sona, fote ke ntaba di nyaka re tšibe gore Baebele yi re king ka taba yowa?

LEFASE ke le lenyana ka matla mo re le lekanisa le dinanedi tsa go tlala tso di leng hala sebakabakeng. Mo Jehova a lebelela lefase, o fo bona nkare batho bo ba leng ho ga lona go fo ba lethothi la meetši ka teng ga pakete. (Pisalema 115:15; Jesaya 40:15) Le mo re le ba banyana ka mokgonone, Pisalema 145:18, 19 yi re: “Jehova o thina le batho ka mokana ga bona bo ba mmitsang, ka mokana ga bona bo ba mmitsang tsa mannete. O kgotsofatsa so se nabelang ke bo ba mo tšhabang; o theetsela gabutši mo ba mo llela gore a ba gelepe, ke mokane a ba phonisa.” A yi go jabodisa ga tsona! Jehova, Papa wa matšhika ka moka, o nyaka go ba thina le rune fote o nyaka go re theetsela mo re mo rapela. Ka mokana ga rune re ka di kgona go rapela Jehova.

² Mara Jehova o nyoko re theetsela mo re ka fo bolabola naye ka mokgo yene a nyakang. Re ka di maka byang tsotsone? Tla re boneneng gore Baebele yi re king ka taba yowa ya go rapela.

3. Ke ntaba o tshwanele go rapela Jehova?

³ Jehova wa di nyaka gore o mo rapele, kela go bolabola naye. Re tšiba ka ying? Re kgopela o bale Mafilipi 4:6, 7. Nagana ka taba yone. Motho wa go lawola legedimong le lefaseng o re wene o mmotse ka mokgo o tikwang, o boye o mmotse le tso di go hlupang.

4. Go dula o rapela Jehova go maka gore senghana sa rune naye se tiye go segela kaye?

 ⁴ Go rapela go maka gore re be le senghana sa thina ka matla le Jehova. Mo banghana ba bolabola gatleletlele ka dilo tso ba di naganang, tso di ba hlupang le ka mokgo ba tikwang, senghana se tiya ka matla. Go ba ka mokgonone le mo re rapela Jehova. Ka ho Baebeleng, o go botsa tso yene a di naganneng le gore o tikwa byang, fote o go botsa tso a nyoko di makang ku mahlong. O ka boya wa bolabola naye gatleletlele ka dilo tso di leng ka ku tengteng ga pelo yago. Mo o kene o maka ka mokgonone, o nyoko ba le senghana sa go tiya le Jehova.—Jakobo 4:8.

5. Re tšiba ka ying gore Jehova aa theetsele batho ka mokana ga bona mo ba rapela?

⁵ Ayitsano Jehova o theetsela batho ka mokana ga bona mo ba rapela? Awwa. Ka dinako tsa moporofeta Jesaya, Jehova o yye a botsa Maisrayele gore: “Le mo le ka fo nrapela gatleletlele, nka sa ro le theetsela; matsogo ya lune ma tlele madi.”  (Jesaya 1:15) Byalo mo re ka fo sa pasope, re ka maka dilo tsa gore di ko re lahlela ku kgole le Jehova, ke mokane a fetsa a sa theetsele mo re rapela.

6. Ke ntaba di nyaka re be le tumelo? O šupetsa ka ying gore o na le tumelo?

⁶ Mo re nyaka gore Jehova a re theetsele mo re rapela, di nyaka re mo tshepa. (Mareka 11:24) Pawulo wa lepostola o hlatolla gore: “Di ka sa kgonege go jabodisa Modimo mo go se na tumelo, ka taba la gore ye a šutelang thina ga Modimo di nyaka a di dumele tsa gore o gona le tsa gore o rufa bo ba mo nyakang tsa mannete.” (Maheberu 11:6) Mara motho aa fo hlaya ka molomo a re o na le tumelo, gwa felela gana hone. Di nyaka re šupetse gore nnete re na le tumelo ka go theetsela Jehova ka moka matšatši.—Bala Jakobo 2:26.

7. (a) Ke ntaba re tshwanele re tinyanafatse ga Jehova re boye re mo hlompe mo re mo rapela? (b) Re ka šupetsa ka ying gore a re timakisi mo re rapela?

⁷ Di nyaka re tinyanafatse ga Jehova re boye re mo hlompe mo re mo rapela. Ke ntaba? Mo re bolabola le kgoši kela phresidente, ga go tlala re bolabola re hlompa. Jehova ke Modimo wa Matšhika ka moka, byalo nje a o bone di nyaka gore re mo hlompe le go tinyanafatsa mo re bolabola naye? (Genesi 17:1; Pisalema 138:6) Di nyaka re rapele Jehova re resa, re sa timakisi, re sa boyelele mantsu yanala gatleletlele.—Matewu 6:7, 8.

8. Mo re rapelela selo, re tshwanele re make ying se sengwana?

⁸ Sa mafelelo ke gore mo re rapelela selo, di nyaka re karakare gore re make dilo tsa go yelana le so re se rapelelang. Mo re beyisa, mo re kgopela Jehova gore a re neye dilo tso re di nyakang ka moka matšatši, di ko ba di sa kwagale mo o kraya re tshwata go bereka re tseya nkare Jehova o nyoko fo re neya dilo ka mokana ga tsona le mo re na re kgona go tiperekela. Di nyaka re bereke di re baba fote re yamogele mmereko wo mongwana le wo mongwana wo re ka kgonang go wo maka. (Matewu 6:11; 2 Mathesalonika 3:10) Kela mo re ka fo ba re rapele Jehova re mo kgopele gore a re thuše re lesetse mokgwa wo  mongwana wa gore a wo gabutši, a di nyake re kganela thina le dilo tsa mohlobo wonone fote. (Makolosi 3:5) Gana byalo tla re fetoleneng diputsiso tse dingwana tsa go yelana le thapelo tso batho ba di butsisang ka matla.

9. Re tshwanele re rapele mang? Johane 14:6 yi re tšhutisa ying ka go rapela?

⁹ Re tshwanele re rapela mang? Jeso o tšhutisiye bo ba mo latelelang gore ba rapele “Papa wa rune wa magedimong.” (Matewu 6:9) Fote o yitseri: “Ke nna tsela le nnete le lephelo. Aa šiyo ye a ka tlang ga Papa a sa thomisa gaka.” (Johane 14:6) Di ra gore re tshwanele go yisa merapelo ya rune ga Jehova ka Jeso. Di ra gore king tsa gore re rapele ka Jeso? Mo re nyaka Jehova a re theetsela mo re rapela, di nyaka re hlompe seyemo sa go hlawolega so Jehova a beyyeng Jeso ga sona. Re tšhutiye gore nakwela Jeso a tla ho lefaseng ke mo a tl’le ntsha rune bobhantiting bya go kwana le go sinya le bya likgu. (Johane 3:16; Maroma 5:12) Fote Jehova o makiye Jeso gore go be Moprista ye Mogolo wa go Yahlula.—Johane 5:22; Maheberu 6:20.

10. Ayitsano go na le leyemo la ho re rapela? Hlatolla.

¹⁰ Ayitsano go na le leyemo la ho re rapela? Awwa, Jehova aa hlaya gore mo re rapela re kgotame, re dule kela re tlogamele. Baebele yi re botsa gore re ka mo rapela ga Jehova re le ga seyemo se sengwana le se sengwana sa go hlompega. (1 Dikoronika 17:16; Nehemiya 8:6; Daniyele 6:10; Mareka 11:25) Jehova o lebelele gore nje re ya mo hlompa fote re bolabola naye di re baba mo re mo rapela, aa tihlupi ka gore re mo rapela re yemme kela re duli. Re ka rapela re ntsha lentsu kela ra rapelela ka ho pelong go gongwana le go gongwana mo re leng gona, ka nako ye nngwana le ye nngwana, bošego kela motshegare. Mo re rapela Jehova, tla re tshepeneng gore  o ko re fetoleng le mo batho ba bangwana ba ka fo sa re kwe.—Nehemiya 2:1-6.

11. King tse dingwana tso re ka ga di botsang Jehova?

¹¹ Re ka rapelela ying? Re ka rapelela selo se sengwana le se sengwana so se yelanang le tso Jehova a kwanang natso. Baebele yi re: “Le mo go ka fo ba go le ying tso re di kgopelang, solanka di yelana le tso a di nyakang, wa re kwa.” (1 Johane 5:14) Nje re ka rapela re kgopela dilo tsa rune beng? Eya. Go rapela Jehova di nyaka re go tseye go tshwana le mo re bolabola le monghana. Re ka mmotsa ga Jehova dilo ka mokana ga tsona tso re di naganang le tso di leng ka ho dipelong tsa rune. (Pisalema 62:8) Re ka mo rapela, re kgopela gore a re neye moya wage wa go hlawolega gore o re gelepe go maka dilo tsa gabutši. (Luka 11:13) Fote re ka mo kgopela ga Jehova gore a re hlalefise re thogo segelela dipheto tsa gabutši, ra boya ra kgopela le matšhika ya go tiyisela tsa go baba tsa lephelo. (Jakobo 1:5) Di nyaka re kgopele Jehova gore a re tshwarele ga tso re mo sinyeleng. (Maefeso 1:3, 7) Di nyaka re rapedisa le batho ba bangwana, le mašaga ya rune le magageru ya ka phutegong.—Mebereko 12:5; Makolosi 4:12.

12. King tso re tshwaneleng go thomisa ka tsona ho re rapela?

¹² King so di nyakang re se yetisa mahlong mo re rapela? Ka matlamatla di nyaka re yetisa Jehova mahlong le go rapelela gore go makege tso yene a di nyakang. Di nyaka re sa timakisi mo re leboga dilo tso a re makeleng tsona. (1 Dikoronika 29:10-13) Taba yowa re ya yi tšiba ka taba la gore nakwela Jeso a le ho lefaseng, o tšhutisiye bo ba mo latelelang gore ba rapele byang. (Bala Matewu 6:9-13.) O yitseri di nyaka ba thomise ka go rapelela lebitso la Modimo gore le gadimisiwe, ke gore, ba le tseye go le la go hlawolega kela la seyemo sa gedimo ka matla. Fote Jeso o yye a hlaya gore di nyaka re rapelela Mmušo wa Modimo gore wo segele ho lefaseng le gore tso Jehova a di nyakang di makege lefaseng ka mokana ga lona. Mo Jeso a šele a bolabodiye ka dilo tsone tsa gore ke tse dikgolo  ka matla, o yye a re byalo gana hone thapelong re ka thomisa le go tšhela dilo tso di nyakang ke rune. Mo re ka fo maka gore ka ho mahlong re yetise Jehova le tso yene a di nyakang, re šupetsa gabutši gore king tso re di tseyelang hlogong ho lephelong.

13. Di nyaka re lefise go segela kaye mo re rapela?

¹³ Re tshwanele go lefisa go segela kaye ho re rapela? Baebele a yi hlaye. Re ka maka thapelo ya go lefa kela ye kopana,  di fo ya ka seyemo. Mo re beyisa, mo re ja ga go tlala a re lefisi mo re rapela mara re ka lefisanyana mo re leboga Jehova kela re mmotsa dilo tso di re šekedisang. (1 Samuwele 1:12, 15) A yi tsona tsa go kraya re lefisa mo re rapela re makela go kganyisela batho, go tshwana le bala ba yyeng ba maka ka mokgononeng nakwela Jeso a le ho lefaseng. (Luka 20:46, 47) Tsa mošaga wonone dithapelo a di mo jabodisi ga Jehova. Se segolo ka matla ga Jehova ke mo a bona re mo rapela di tšwa pelong.

14. Re tshwanele go rapela gakaye, fote sosone se re tšhutisa ying ka Jehova?

¹⁴ Re tshwanele go rapela gakaye? Jehova o re re dule re bolabola naye. Baebele yi re re “ye mahlong re rapela,” re “ngangarele thapelo,” le gore re “rapele le sa fetsi.” (Matewu 26:41; Maroma 12:12; 1 Mathesalonika 5:17) Jehova o fo dula  a yemele go re kwa re rapela. Re ka mo leboga ka moka matšatši gore o re nyaka ka matla fote aa konane. Re ka boya ra mo kgopela gore a re yetetse, a re neye matšhika le go re kgomoletsa. Mo re ka fo ba re di tshepa tsa gore le rune Modimo a ka re theetsela mo re rapela, re nyoko fo dula re ramele gore go thulege lešuba la go bolabola naye.

15. Ke ntaba re tshwanele gore “amene” mo re fetsa go rapela?

¹⁵ Ke ntaba di nyaka re re “amene” mo re fetsa go rapela? Lentsu la gore “amene” le rela gore “ka nnete” kela “go be ka mokgononeng.” Ke mokgwa wa go šupetsa gore re bolabodiye nnete ga tso re di rapeleleng, ke gore, a re kamake. (Pisalema 41:13) Baebele yi re tšhutisa gore di gabutši ka matla gore “amene,” mo re fetsa go rapela, re ka fo yi maka re rasa kela ra yi makela ka ho pelong mo go rapediwa re na le ba bangwana, go šupetsa gore re kwana le tso di hlayiwweng gana hone morapelong.—1 Dikoronika 16:36; 1 Makorente 14:16.

16. Nje ke nnete gore Jehova wa fetola mo re mo rapela? Hlatolla.

¹⁶ Nje ka nnete Jehova wa re fetola mo re rapela? Ka matla. Baebele yi re ke yene “Wa go theetsela merapelo.” (Pisalema 65:2) Jehova wa theetsela ke mokane a fetola mo batho ba go tilokela ba go teya ka ku ga dimiliyoni ba rapela, fote o fetola ka mekgwa ya go tlala.

17. Jehova o ma berekisa byang mangeloyi le malata yage ya ho lefaseng gore a re fetole ho re mo rapela?

¹⁷ Jehova o berekisa mangeloyi le malata yage ya ho lefaseng mo a fetola tso re di rapeleleng. (Maheberu 1:13, 14) Go na le batho ba go tlala bo ba yyeng ba rapela ba kgopela gore ba kwisise Baebele, go se botala gwa fo nyarela Dihlatse tsa Jehova. Baebele yi re mangeloyi le wona ma tšhela letsogo ga taba ya go tšhomayela “ditaba tsa go bafala” lefaseng ka mokana ga lona. (Bala Kutullo 14:6.) Ba go tlala re yye ra rapela Jehova re mmotsa gore re kwa nkare re kutetsiye ke tso di  re kgahleletsiyeng, ra fo bona mogageru ye mongwana wa Mokreste a re thuša.—Diyema 12:25; Jakobo 2:16.

18. Jehova o wo berekisa byang moya wage wa go hlawolega le Baebele mo a fetola merapelo ya rune?

¹⁸ Jehova o fetola tso re di rapelelang a berekisa moya wage wa go hlawolega. Mo re rapela re mo kgopela gore a re gelepe go tiyisela ga tso di re phiriketsang, a ka berekisa moya wage wa go hlawolega go re yetetsa le go re neya matšhika. (2 Makorente 4:7) Fote Jehova o berekisa Baebele gore a fetole merapelo ya rune le go re gelepa go segelela dipheto tsa gabutši. Mo re bala Baebele, re ka kraya mangwalo ya ma ka re gelepang. Fote Jehova a ka berekisa mogageru ye mongwana ka phutegong gore a fetole ka mantsu ya gore ke botala o nyaka go ma kwa, kela mogolo ka phutegong a ka ntsha taba ye nngwana ka Baebeleng ra šala re kwa re kgibiye.—Magalatiya 6:1.

19. Ke ntaba go gongwana di ka fo šupa nkare Jehova aa re fetole mo re rapela?

¹⁹ Mara go gongwana o ka kraya o tiputsisa gore, ‘Ke ntaba nkare Jehova aa soko mfetola ga tsela ke mo kgopeleng?’ O sa lebale gore ke yene a di tšibang tsa gore mo re rapela, o re fetola leng, byang. O di tšiba gabutši tsa gore re nyaka ying. Di ka fo nyaka gore re lefise pelo re kene re rapelela selo sone go šupetsa gore nnete so re se kgopelang re ya se nyaka le go šupetsa gore ka nnete re ya dumela gage. (Luka 11:5-10) Go gongwana Jehova o re fetola ka mokgwa wa gore ke mo re sa wo nagane. Mo re beyisa, re ka rapela ka taba ye nngwana ya go baba, mara wa kraya a sa tlose dilo tsone tsa go re babela, a fo re neya matšhika ya go tiyisela.—Bala Mafilipi 4:13.

20. Ke ntaba di nyaka re rapele Jehova gatleletlele?

²⁰ Taba yowa ya gore le wene Jehova a ka go theetsela mo o rapela yi jabodisa ka matla! Di nyaka re ro napa re mo tshepa gore nnete o nyoko re fetola. (Pisalema 145:18) Fote mo ga Jehova re mo rapela gatleletlele di re baba, re nyoko kweng gore senghana so re nang naso naye se napa re ba thina ka matla.