SETŠHUTO 37
Bhayibele yi re Mmereko le Tšheleta re di Tseye Byang?
Ayitsano o fela o šekela ka matla ka tsa mmereko kela ka tšheleta o šinye o kwa nkare le pelo a yi sa teya gabutši? Go ka ba ntshitshire go tipasopa ga tso re di gayelang re boya re rapela Jehova ka mokgo a nyakang. Bhayibele yi ka re logolla ga tsa mošaga wonone.
1. Bhayibele yi re king ka mmereko?
Modimo o nyaka gore mmereko wo re jabodise. Bhayibele yi re “a go na sa kawone go phala mo motho . . . a jabodisa ke gore o yye a karakara ga tso ne a di maka.” (Mmolabodi 2:24) Jehova aa tshwate. Mo re ka tseyela gage, re nyoko mo jabodisa fote re nyoko kwa re yitseri ‘tswee’.
Go bereka di gabutši. Mara a di nyake re tseya mmereko go le sona selo se segolo go phala go berekela Jehova. (Johane 6:27) O re tshepisa gore mo re ka yetisa yene mahlong, o nyoko re pasopa ga dilo ka mokana ga tsona tso re di gayelang.
2. Tšheleta di nyaka re yi tseya byang?
Bhayibele ya dumela gore ‘tšheleta ya re pasopa,’ mara fote yi re a re jabodisi ke tšheleta yi le ntoši. (Mmolabodi 7:12) Byalo, re tšhuta gore re sa kwane ka matla le tšheleta mara re “kgotsofale ka tso [re] nang natso.” (Bala Maheberu 13:5.) Mo re dula re kgotsofele ka tso re nang natso, go thušega rune beng ka taba la gore re ko ba re tšhabelela go ba le dipawu. Re nyoko ro khutsa le dikoloto. (Diyema 22:7) Fote re kganela kgole le melabo ya go bhetša le taba ya go lelekisana le go yakgoswa re ghanya.
3. O ka berekisa tšheleta ka mokgo mang go šupetsa gore a o konane?
Jehova Modimo aa konane, le rune re ko ba re tseyele gage mo re sa ‘konane, re tikemisele go neya ba bangwana tso re nang natso.’ (1 Thimothi 6:18) Mo re thega phutego, re boya re gelepa ba bangwana, ka matlamatla magageru, re ko ba re šupetsa gore re berekisa tšheleta gabutši fote a re konane. Jehova aa hlupi ke gore re ntsha go segela kaye, mara o lebelele gore re tšhofa king gore re ntshe. Mo re ntsha re sa kokole, re nyoko jabola re boya re jabodisa Jehova.—Bala Mebereko 20:35.
KENELELA
Lebelela gore go tseya mmereko gabutši le go kgotsofala di ka go berekela ka mokgo mang.
4. Thanakisa Jehova mo o kene o bereka
Di nyaka mo re nagana ka mmereko, re lebelele gore wo nyoko se maka ying senghana sa rune le Jehova. Kgana VIDIYO, ke mokane le petapete ka diputsiso tsa go latela.
-
Ga vidiyo yowa, ka mokgo Jason a titshwarang mo a le mmerekong, wene di go jabodisa mo di tla kaye?
-
O makiye byang gore a sa tipolayisi ka mmereko?
Bala Makolosi 3:23, 24, ke mokane le petapete ka putsiso yowa:
-
Go tseya mmereko gabutši a yi taba ya go kgana, ke ntaba re reyane?
Go bereka di gabutši. Mara re sa tseye mmereko go le sona selo se segolo go phala go berekela Jehova
5. Go kgotsofala gwa re berekela
Batho ba go tlala ba liketsa go kgobeketsa tšheleta ka masaka. Mara Bhayibele yi beya ditaba ka mokgo mongwana. Bala 1 Thimothi 6:6-8, ke mokane le petapete ka putsiso yowa:
-
Bhayibele yi re hlohletsela gore re make ying?
Re ka jabola le mo re se na selo. Kgana VIDIYO, ke mokane le petapete ka putsiso ya go latela.
-
Mitši yi maka king gore yi jabole le mo sekwetše se se šiyo gabutši?
Mo nkare di go tlalele mara o sa nyaka tse dingwana gee? Jeso o re beyisele ka kotsi ya gona. Bala Luka 12:15-21, ke mokane le petapete ka putsiso ya go latela:
-
O tšhutiye ying ga mošupetso wa Jeso?—Lebelela temanyana 15.
Bala o boye o tshwanise Diyema 10:22 le 1 Thimothi 6:10. Ke mokane le petapete ka diputsiso tsowa:
-
King so wene o se tseyelang gedimo? Ke go ba le senghana le Jehova kela ke go ba le tšheleta ya go tlala masaka? Ke ntaba o reyane?
-
Go lelekisana le tšheleta go nyoko go potlometsa kaye?
6. Jehova o nyoko re neya tso re di gayelang
Mo re na le mathatha ya mmereko kela ya tšheleta, tsotsone di ka maka gore re di bone gore ga Jehova re mo tshepiye go segela kaye. Kgana VIDIYO yowa gore o thogo bona tso re ka di makang mo re ka tlela ke tsa mohlobo wonone, ke mokane le petapete ka diputsiso tsa go latela.
-
Ga vidiyo yowa, mogageru yewa o gahlanne le dintshitshire tsa mošaga mang?
-
O makiye byang gore a teye a feta ga dintshitshire tsone?
Bala Matewu 6:25-34, ke mokane le petapete ka putsiso yowa:
-
Jehova o re bo ba yetisang tsage mahlong o nyoko ba makela ying?
BATHO BA BANGWANA BA RE: “Di nyaka ke karakara ka matla gore ke pasope ba mutši waka. Nka sa di kgone go ya mogahlanong wa phutego beke ye nngwana le ye nngwana.”
-
Ke lengwalo lefeng lo le makang gore o sa kamake le ka gonyana gore go yetisa tsa Jehova mahlong ke mong sona sepheto sa go di phala ka moka?
MONOPO
Mmereko le tšheleta ke dilo tso re di hlokang, mara a di nyake di re phiriketsanya mo re sa re re berekela Jehova.
Tigopotse
-
O ka gelepa king gore o tseye mmereko gabutši?
-
Go kgotsofala go ka go gelepa ka ying?
-
O ka šupetsa ka ying gore wa mo tshepa ga Jehova mo a re o nyoko neya batho bage tso ba di gayelang?
NYAKELA
Nyakolla gore ayitsano Bhayibele yi re tšheleta a ya loka.
Lebelela gore ke mohlobo wofeng wa go neya wa gore ga Modimo wa mo jabodisa.
“Bhayibele yi re King ka go sa Konane?” (Hlogotaba ya gore yi nyarela ga wepsayete)
Ayitsano go bhetša go fo ba taba ya go fokatsa?
“Tso Bhayibele yi di Hlayang ga Taba ya go Bhetša” (Hlahlama! ya March 2015)
Lebelela gore king so se tšhentšhiyeng lephelo la morene mongwana wa gore ke mo go le sekgohlane fote a bhetša.
“Bhayibele yi Tšhentšha Maphelo” (Sewokamelo sa November 1, 2011)
