SETŠHUTO 47
Ayitsano o Šele o Nyaka go Kolobetsiwa?
Ga dilo tso re šeleng re bolabodiye ka tsona tsa go tšwa ka Bhayibeleng, o šele o tšhutiye tsa go tlala ka Jehova. Fote di ka makega gore o thomisiye go tšhentšha lephelo lago o berekisa tso o di tšhutiyeng. Mara, go ka fo ba go na le tso di go phiriketsang mo o re o liketsa go tineyela ga Jehova fote o kolobetsiwe. Setšhuto sowa se nyoko petapeta ka dintshitshire tso di thibelelang ba go tlala mo ba nyaka go kolobetsiwa le gore o ka maka byang gore o thogo di hlula.
1. Di nyaka o tšibe go segela kaye gore o thogo kolobetsiwa?
Mo o nyaka go kolobetsiwa, di nyaka o “tšibe mong yona nnete.” (1 Thimothi 2:4) Tsotsone a di rele gore motho o tshwanele a tšibe phetolo ya putsiso ye nngwana le ye nngwana ya go yelana le Bhayibele gore a thogo kolobetsiwa. Le mong Makreste ya gore ke botala ma kolobetsiwwe ma kene ma sa ya mahlong ma tšhuta. (Makolosi 1:9, 10) Mara di nyaka o kwisise tso Bhayibele yi di tšhutisang. Bagolo ba phutego ba nyoko go gelepa gore o pombhole mo nkare go segele nako ya gore o kolobetsiwe.
2. Mo o soko bane o kolobetsiwa, di nyaka o thomise ka go maka ying?
Mo o soko bane o kolobetsiwa, di nyaka o ‘tisole o boye o sokologe.’ (Bala Mebereko 3:19.) Tsotsone di rela gore o tisola di go baba ka dilo ka mokana ga tsona tso o di sinnyeng fote o kgopela Jehova gore a go tshwarele. Fote o karakara ka matla gore o kganele kgole le mekgwa ya go befa, o boya o tikemisela gore o jabodise Modimo ka maphelelo yago. Go tokegela gana hone, o šele o tšhela letsogo ga tso phutego yi di makang ka go tla megahlanong o maka mmereko wa go tšhomayela ka taba la gore ke wene motšhomayedi wa gore aa soko kolobetsiwa.
3. Ke ntaba di sa nyake o hlagasedisa ke go tšhoga?
Ba bangwana ba tshosanya ke gore di nyoko ba šita go maka tso ba di tshepisiyeng Jehova. Nnete ke gore di ko makegeng tsa gore o fele o kekemisa, le mong banna le basadi ba gore baa tshepega bo go bolabodiwang ka bona ka Bhayibeleng ke mo ba fela ba yi lahla. Mara Jehova wa tšiba gore bo ba mo rapelang ba nyoko fela ba kekemisa go gongwana ka taba la gore a baa felegelela. (Bala Pisalema 103:13, 14.) Fote wa jabola mo a go bona o karakara! O nyoko go gelepa. Gabutšibutši, Jehova aa tshwara ya go kgana mo a re tshepisa gore a se šiyo le ka ssoši sa gore se ka “re yahluganya le Modimo.”—Bala Maroma 8:38, 39.
KENELELA
Lebelela gore go tšiba Jehova gabutši le go mo lisetsa a go yetetse di ka go gelepa byang gore o hlule dintshitshire tso di ka go šitisang gore o kolobetsiwe.
4. Mo tšhute ga Jehova o mo tšibe
Mo o nyaka go kolobetsiwa, di nyaka ga Jehova o mo tšibe go segela kaye? Di nyaka o mo tšibe gabutši, o ko kweng le wene gore o thomisa go mo nyaka ka matla fote o nyaka go mo jabodisa. Kgana VIDIYO gore o bone gore bo ba tšhutisiwang Bhayibele lefaseng ka mokana ga lona ba di makamaka byang tsotsone. Ke mokane le petapete ka putsiso ya go latela.
-
Ga vidiyo yowa, ba bangwana ba gelepiye king gore ba thogo lukiselela go kolobetsiwa?
Bala Maroma 12:2, ke mokane le petapete ka diputsiso tsowa:
-
Ayitsano o kamaka tso Bhayibele yi di tšhutisang kela taba ya gore Dihlatse tsa Jehova di tšhutisa nnete?
-
Mo nkare go ka mokgonone, o nyoko fetsa o makiye byang?
5. Hlula tso di go kenang matolong mo o sa re o nyaka go kolobetsiwa
Mo re sa re re segelela sepheto sa gore re nyaka go tineyela ga Jehova ke mokane re kolobetsiwe, tsa go re ghula di fo re tlela di kene di pepulanne. Gore o thogo bona mošupetso, kgana VIDIYO, ke mokane le petapete ka diputsiso tsa go latela.
-
Ga vidiyo yowa, ke mathatha mafeng ya Narangerel ne di nyaka a ma hlula gore a thogo berekela Jehova?
-
Taba ya gore ga Jehova o mo nyaka ka matla, yi mo gelepiye byang gore a thogo hlula dintshitshire tsone?
Bala Diyema 29:25 le 2 Thimothi 1:7, ke mokane le petapete ka putsiso yowa:
-
Re maka king gore re šišimale gore re thogo hlula dintshitshire?
6. Tshepela ga Jehova, o nyoko go gelepa
Jehova o nyoko go gelepa gore o thogo mo jabodisa. Kgana VIDIYO, ke mokane le petapete ka diputsiso tsa go latela.
-
Ga vidiyo yowa, ye wa gore o tšhutisiwa Bhayibele o tshwarelela king gore a kolobetsiwe?
-
O tšhutiye ying sa gore se mo gelepiye gore a nape a mo tshepa ka matla ga Jehova?
Bala Jesaya 41:10, 13, ke mokane le petapete ka putsiso yowa:
-
O ka maka king gore o sa kamake gore o ko kgoneng go maka tso o di tshepisiyeng nakwela o tineyela?
7. O sa lisetse go mo leboga ga Jehova gore o go nyaka ka matla
Mo o kene o ghayela ka taba ya gore Jehova o go nyaka ka matla, o nyoko leboga ka matla wa boya wa kwa o nabela go mmerekela go ya go yye. Bala Pisalema 40:5, ke mokane le petapete ka putsiso yowa:
-
Jehova o go rufiye ka ying tsa gore o di leboga o sa fetsi?
Moporofeta Jeremiya ke mo a mo nyaka ka matla ga Jehova a boya a kwana le lentsu lage, fote ke mo a yi tseyela gedimo taba ya gore ba mmitsa ka lebitso la Jehova. O yitseri: “Lentsu lago le maka gore ke jabole tsa nkare ke moka, mong ka ku tengteng ga pelo, ka taba la gore ke yemela lebitso lago, Barena Jehova Modimo.” (Jeremiya15:16) Fetola diputsiso tsowa:
-
Ke ntaba re re go ba Hlatse ya Jehova ke selo sa gabutši ka matla?
-
Ayitsano le wene wa nyaka go kolobetsiwa gore o be Hlatse ya Jehova?
-
Ayitsano go na le so se go parakang?
-
Mo o lebelele, o bona nkare o tshwanele o make ying gore o feleletse o kolobetsiwwe?
BATHO BA BANGWANA BA RE: “Tsa go kolobetsiwa di nyoko nšita, a yi layini yaka.”
-
Ayitsano le wene o tikwa ka mokgonone?
MONOPO
Jehova a ka go gelepa gore o fete diparakong tso di liketsang go go thiba mo o nyaka go kolobetsiwa.
Tigopotse
-
Di nyaka o tšibe nnete ya Bhayibele go segela kaye gore o thogo kolobetsiwa?
-
Di nyaka o potolla-potolla kaye mo o šele o nyoko kolobetsiwa?
-
Ke ntaba di nyaka o sa lisetse letšhogo le go hlagasedisa?
NYAKELA
Tiputsise gore king so di nyakang se go tšhofe gore o kwe o nabela go kolobetsiwa.
“Ayitsano o Šele o le Gabutši Gore o ka Kolobetsiwa?” (Sewokamelo sa March 2020)
Lebelela gore tsa go maka gore o fatele nthago o ka di hlula byang.
“Anthe ke Šitisa King Gore ke Kolobetsiwe?” (Sewokamelo sa March 2019)
Lebelela gore morene mongwana o hludiye dintshitshire tsa go teya kaye gore a šinye a kolobetsiwe.
Morene mongwana ye ba reng ke Ataa o thomisiye ka go jikajika mo a tshwanele a kolobetsiwe. Lebelela gore king so se makiyeng gore a šinye a segelele sepheto sowa sa gabutši ka matla.
