SETŠHUTO 53
Tijabodise ka Tsa Gore Jehova o Kwana Natso
Jehova ke “Modimo wa gore o jabodiye.” (1 Thimothi 1:11) O nyaka gore re jabole fote re tikwise ka lephelo. O jabola ka matla mo re fela re beyela mmereko ka thoko ke mokane re ba le nako ya go tijabodisa. Ga setšhuto sowa, re nyoko bona ka mokgo re ka berekisang nako ya rune ya go khutsa ka mekgwa ya gore ya jabodisa yi boya yi re kgotsofatsa—le ya gore fote yi jabodisa Jehova.
1. Di nyaka re nagane ka ying mo re kgeta tsa go tijabodisa?
Wene o fokatsa ka go maka ying? Ba bangwana ba kwana le go fo tidulela ntlong—ba tipalela puku, ba theetsela dikoša, ba lebelela dimuvi kela ba kena ga Inthanete. Ba bangwana ba jabodisa ke go maka dilo ba na le banghana ba bona—ba sepela-sepela mašahleng ba kene ba bona hlago, ba hlapela kela ba le mekganong. So re kgetang go tijabodisa ka sona, di nyaka go be so “Morena a se yamogelang.” (Maefeso 5:10) Byalo, tsotsone a di nyake re di tseyela fase ka taba la gore dilo tsa go tlala tsa go tijabodisa lekgono di na le dilo tsa gore ga Jehova di mo silikisa ka matla, tsa go tshwana le bokgohlane, bonghwahla kela dilo tsa go yelana le madimona. (Bala Pisalema 11:5.) Byalo re ka gelepa king gore re thogo kgeta gabutši tso re tijabodisang ka tsona?
Mo re ka kgeta banghana ba gore ga Jehova ba mo nyaka ka matla, ba nyoko re hlohletsela go maka dilo tsa gabutši fote re ko kgeta gabutši tso re tijabodisang ka tsona. Setšhuto sa go fela se re tšhutisiye gore “ye a sepelang le ba go hlalefa, le yene o nyoko hlalefa.” Mara mo re ka fo dula re na le batho ba gore a ba kwane le melawo ya Modimo, re “nyoko rapogana go baba.”—Diyema 13:20.
2. Ke ntaba di nyaka re mete nako yo re yi fetsang mo re tijabodisa?
Dilo tso re tijabodisang ka tsona di ka fo ba di le gabutši, mara re sa di lisetse di re yamoga nako ya go tlala. Mo re ka sa pasope, re ka kraya re sa be le nako ya tso di tshwaneleng go yeta mahlong. Bhayibele yi re hlohletsela gore re “berekiseneng nako ya [rune] gabutši.”—Bala Maefeso 5:15, 16.
KENELELA
Lebelela gore o ka maka byang gore o thogo segelela dipheto tsa gabutši ga dilo tso o kgetang go tijabodisa ka tsona.
3. Kganela kgole le tsa go tijabodisa tsa gore a di ya loka
Ke ntaba di nyaka re gata gabutši mo re kgeta tsa go tijabodisa? Kgana VIDIYO, ke mokane le petapete ka diputsiso tsa go latela.
-
Mekgano ya botala ya go tulana ya ku Roma yi yelana byang le tsa go tijabodisa tsa matšatši yawa?
-
Ga vidiyo yowa, king so Kgabi a se tšhutiyeng ka tsa go tijabodisa?
Bala Maroma 12:9, ke mokane le petapete ka putsiso yowa:
-
Temanyana yowa yi ka go gelepa byang mo o kgeta tso o tijabodisang ka tsona?
Ke dilo difeng tse dingwana tso Jehova a di hloyyeng? Bala Diyema 6:16, 17 le Magalata 5:19-21. Mo le fetsa go bala lengwalo le lengwana le le lengwana, le petapete ka putsiso yowa:
-
Ditemanyana tsowa di bolabola ka dilo difeng tsa gore re tlwayele go bona batho ba tijabodisa ka tsona?
Ka mokgo o ka šupetsang gore o hlalefiye mo o kgeta tsa go tijabodisa
Nagana ka diputsiso tsowa tsa go latela:
-
King? Ayitsano di na le tso Jehova a di hloyyeng?
-
Leng? Ayitsano di tseya nako ya tso di tshwaneleng go yeta mahlong?
-
Bomang? Ayitsano di nšutetsa thina le batho ba gore ga Jehova a ba mo nyake?
Di nyaka re sa kgane ka mollo. Nka taba lo di nyakang re keketlele ku kgole le tsa go tijabodisa tso re bonang nkare a di ya loka
4. Berekisa nako yago gabutši
Kgana VIDIYO, ke mokane le petapete ka diputsiso tsa go latela.
-
Ga vidiyo yowa, dilo tso mogageru yewa ne a di lebelela ke mo di sa befa, mara bothatha byage ne go le ying?
Bala Mafilipi 1:10, ke mokane le petapete ka putsiso yowa:
-
Temanyana yowa yi ka re gelepa byang gore re thogo meta nako yo re yi fetsang ga dilo tsa go tijabodisa?
5. Kgeta tsa go tijabodisa tsa gabutši
Tse dingwana tsa go tijabodisa, Jehova aa kwane natso, mara di tlele tso re ka tijabodisang ka tsona tsa gore o kwana natso. Bala Mmolabodi 8:15 le Mafilipi 4:8, ke mokane le petapete ka putsiso yowa:
-
Wene ke dilo difeng tsa gabutši tsa gore o kwana le go tijabodisa ka tsona?
Le wene o ka kgona go tijabodisa ka dilo tsa gabutši
BATHO BA BANGWANA BA RE: “A go na bothatha ka dilo tsa go tijabodisa tsa gore di na le bokgohlane, bonghwahla kela dilo tsa go yelana le madimona, solanka nna ke sa di make dilo tsone.”
-
Wene o ka re king ga motho yenene?
MONOPO
Jehova o nyaka re kgete dilo tsa go tijabodisa tsa gore di gabutši.
Tigopotse
-
Makreste di nyaka ma kganela kgole le tsa go tijabodisa tsa mošaga mang?
-
Ke ntaba di nyaka re pasope gore re fetsa nako ya go segela kaye re tijabodisa?
-
Ke ntaba wene o nyaka go kgeta tsa go tijabodisa tsa gore di jabodisa Jehova?
NYAKELA
Lebelela gore ke mang ye a go kgetelang tso o tijabodisang ka tsona.
Lebelela gore mo o kgeta tsa go tijabodisa, o ka segelela dipheto tsa gabutši byang.
“Ayitsano Tso o Tijabodisang ka Tsona di ya Yagisa?” (Sewokamelo sa October 15, 2011)
Ga hlogotaba ya gore “Ke Napiye ke Hlula Taba ya go Hlawolana,” o ko kweng gore ke ntaba morene mongwana a yye a napa a tšhentšha tso ne a tijabodisa ka tsona.
“Bhayibele yi Tšhentšha Maphelo” (Sewokamelo sa February 1, 2010)
Mmane ye mongwana ke mo a tijabodisa ka go lebelela ditori tsa go yelana le madimona, lebelela gore o yye a segelela sepheto sa gabutši byang.
Kganela Kgole le Tsa go Tijabodisa Tsa Gore di Sipidisana le Madimona (2:02)
