Mo motho a ntshiwa ka phutegong, sosone se pasopa phutego le go wolola bo ba sinyang ba sa tisole. (1Ko 5:6, 11) Mo re thega ka mokgo Jehova a ba wololang, re šupetsa gore re ba nyaka ka matla. Di makega byang tsotsone mola le gore mo motho a ntshiwa ka phutegong di kwisa go baba, ka matlamatla ga mašaga le komiti ya go yahlula?

Mo re maka ka mokgonone, re ko ba re šupetsa gore re hlompa lebitso la Jehova le seyemo sage sa go hlawolega. (1Pe 1:14-16) Fote re šupetsa le ye a ntshiwweng gore le yene re mo nyaka ka matla. Go wolodiwa di ya baba, mara di maka gore go be le “diyengwa tsa gabutši.” (Heb 12:5, 6, 11) Re ko ba re lwisana le molawo wa Jehova mo re tigahlanisa le bo ba ntshwiwweng ka phutegong kela bo ba gore ba šiyye phutego. O sa lebale gore mo Jehova a wolola batho bage o ba wolola “di kwagala.” (Jer 30:11) Mo re thega molawo wa Jehova fote re tlalela ka matla ga tso tsage, re ko ya mahlong re tshepa gore o ko boyela ga Papa wa rune wa go kwelana go baba.—Jes 1:16-18; 55:7.

LEBELELANENG VIDIYO YA GORE ARIYE MAHLONG O TSHEPEGA KA PELO YAGO KA MOKA, KE MOKANE LE FETOLENENG DIPUTSISO TSOWA:

• Babelegi ba Makreste ba tikwa byang mo ngwana wa bona a lesetsa Jehova?

• Phutego yi ka kgomoletsa byang mašaga ya go tshepega?

• Ke taba yifeng ya ka Baebeleng ya go šupetsa gore di nyaka re tshepege ga Jehova go feta ka mokgo re tshepegang ga mašaga ya rune?

• Re ka maka ying gore re tshepege ga Jehova go feta ka mokgo re tshepegelang mašaga ya rune?