Mogahlano wa Ditšhaba tsa go Mamarelana wa COP27 wa go bolabola ka go sinyega ga Lefase wo fediye ka Lesonto la di 20 November 2022. Bo ba go yeta mahlong le ba bangwana bo ne ba le gona ga mogahlano wone, ba segelele sepheto sa go neya dinaga tsa gore dya tihlupegela tšheleta tso di makegelang ke dikotsi tsa hlago, mara batho ba go tlala ne ba sa kwane nayo taba yone ka gore ne yi sa lukise bothatha.

•   Ka di 19 tsa November 2022 António Guterres, mabhalane ye mogolo wa Ditšhaba Tsa go Mamarelana o hlayye gore: “Ke jabodisiye ke sepheto so ba se segeleleng sa gore go ntshiwe tšheleta ya go gelepa dinaga tso di makegelang ke dikotsi tsa hlago. “Mara ra di tšiba tsa gore tsotsone a dya yenela . . . lefase la rune le sa na le le kotsing ye kgolo.”

•   Ka di 20 tsa November 2022, Mary Robinson wa gore ne go le presidente ya Ireland fote ne a le ga mokgahlo wo mogolo wa UN wa go Yemelela Batho o hlayye gore, “Go se botala lefase lowa le nyoko fo ya mahlong le fisa le go bata ka matla.”

 Bo ba gore ba sa gola ba šekedisa ke gore go nyoko makega ying ka lefase lowa ku mahlong. Le mo go le ka mokgonone, ayitsano ditšhaba di ka berekisana ggoši gore di thogo maka tso di di tshepisiyeng tsa go lukisa go sinyega ga lefase? Bhayibele yi re king?

 Bhayibele yi hlaya gore le mo mmušo wo karakara ka matla wo liketsa go lukisa bothatha byo bya go sinyega ga lefase, wo ka sa nape wo di kgona tsa go lukisa bothatha byowa gore go fele ka byona. Bona ditaba tsowa ka dipedi tso di hlatollang gore ke ntaba:

•   “Tsa gore di kekemme di ka sa wolologe.”—Mmolabodi 1:15.

   Tso di relang tsona: Memmušo ya šitega ka taba la gore batho a baa ba makela gore ba tiyetetse bona beng. (Jeremiya 10:23) Le mo ditšhaba di karakara ka matla go berekisana ggoši ga taba yowa, di ka kgone go lukisa bothatha byo bo leng gona ho lefaseng.

•   “Ka gore batho go nyoko ba ba go tipona, ba go kwana ka matla le tšheleta, . . . ba gore a ba nyake go dumelelana ka selo.”—2 Thimothi 3:2, 3.

   Tso di relang tsona: Bhayibele yi hlayye botala gore batho ba go tlala ga dinako tso re phelang ga tsona ba nyoko tinaganela bona ba ntoši fote a ba nyake go berekisana le ba bangwana gore ba thogo maka dilo gabutši.

 Le mo go le ka mokgonone, tso di sa nyoko makegang ku mahlong ka lefase la rune a dya tikokotlela ka tso memmušo ya batho yi di tshepisang. Modimo o kgetiye wa gore o nyoko Lawola lefase lowa gabutši go leng Jeso Kreste. Tso Bhayibele yi di hlayang ka yene:

•   “Mmušo wo nyoko ba wo le ho magetleng yage. Lebitso lage ba nyoko re ke wa go Yahlula ka go Loka, Modimo wa Matšhika, Papa wa go ya go Yye, Kgoši ya go Beba.”—Jesaya 9:6, setwaba.

 Jeso ke Kgoši ya Mmušo wa Modimo kela mmušo wa legedimong. (Matewu 6:10) O na le matšhika, o hlalefiye fote o ko pasopa lefase lowa le bo ba dulang ho ga lona. (Pisalema 72:12, 16) Mo mmušo wage wa legedimong wo šele wo lawola o nyoko fetsa ka bo ba “sinyang lefase” fote o nyoko lukisa tso ba di sinnyeng ho ga lona.—Kutullo 11:18, setwaba; Jesaya 35:1, 7.

 Mo o nyaka go tšiba tsa go tlala ga tso di ka gelepang lefase, bala hlogotaba ya gore “Bhayibele yi re go Nyoko Makega Ying ka Rune ga Lefase lo la go fo Fisanya Kela go Batanya.”