Ka di-23 tsa May 2022, Mokgahlo wa Tsa go Philega wa Lefase ka Moka (WHO), wo hlayye gore 6,27 ya dimiliyoni tsa batho ba bolayye ke COVID-19. Mara ga ditaba tsa gore di tšwile ka di-5 tsa May 2022, ba WHO ba yye ba re gabutšibutši nombhoro ya batho bo ba hlokofeleng yi teya kgole ka matla ga yo ba yi hlayyeng ka ho kgakala. Ba yitseri ka 2020 le 2021, “nombhoro ya go felegelela ya batho ba gore ba bolayye ke bolwele bya go sabalala bya COVID-19 . . . yi taboga gana hala ga 14,9 ya dimiliyoni.” Ayitsano Bhayibele yi hlaya se sengwana ka ditaba tsa mohlobo wonone tsa go tlerola pelo go baba?

•    Jeso o hlayye botala gore go nyoko ba le malwele ya go bolaya, a re go nyoko sabalala ‘malwele ya go makatsa,’ mo go segela tso ba reng ke “dinako tsa mafelelo.”—Luka 21:11, Contemporary English Version; 2 Thimothi 3:1.

 Tso Jeso a di hlayyeng di makega re kene re di lebelele. Mo o nyaka go tšhuta tsa go tlala, bala hlogotaba ya gore “Re Bona ka Ying Gore ke ‘Matšatši ya Mafelelo,’ Kela ‘Dinako Tsa Mafelelo’?”

•    “Modimo wa go kgomoletsana, wa gore o re kgomoletsa ga dilo ka mokana ga tsona tso di re ghulang.”—2 Makorente 1:3, 4.

 Ba go tlala ba gore go timele mašaga ya bona kela bo ba dulang nabo ka ho mutšing ba yye ba kgomoletsa ke molayetsa wa Bhayibele. Ditaba tsa gona di ho ga hlogotaba ya gore “Tso o ka di Makang Lekgono mo Nkare wa Genu o Timele” le ya gore “Sa go Napa se Berekela ba Gore ba Hlokofalele ke Magagabo.”

•    “Lisetsa Mmušo wago wo tle, fote go makege tso wene o di nyakang, legedimong le lefaseng.”—Matewu 6:10.

 Go se botala, “Mmušo wa Modimo” wo nyoko maka gore re di bone tso tsa gore “aa šiyo wa gore o nyoko re: ‘Ke ya lwala.’” (Mareka 1:14, 15; Jesaya 33:24) Lebelela vidiyo ya gore Mmušo wa Modimo ba ra Ying? gore o thogo di kwelela tsa mmušo wowa wa legedimong le gore wo nyoko maka ying.

 Barena tšhuta tsa go tlala ka tso Bhayibele yi di hlayang gore wene le ba genu le thogo hlalefa le boye le kwe dilo tsa go jabodisa tso yi re tshepisang tsona.