Ka 2022 digale tso ba di rekiyeng di segele ga nombhoro ya gedimo ya R44 035 040 000 000.00, go ro ba mong la mathomo ba berekisa tšheleta ya go tlala ka mokgo go tlugisela go thomme ntwa ya Russia le Ukraine. Tsowa ke pego yo yi tšwileng ka April 2023 ya gore yi hlayye ke mokgahlo wa Lefase ka Mokana ga Lona wa go Maka Gore go Bebe wa hala Stockholm (SIPRI), ka 2022:

•   Hala Yuropo tšheleta yo ba yi berekisiyeng mo ba reka digale tso tsa ntwa yi “rotogiye ka 13 ya diphesente ka mongwaga, ba berekisiye tšheleta ya go feta yo ba yyeng ba yi berekisa ga dintwa tsa ku botala.”

•   “Russia…yi yeketsiye tšheleta yo yi yi berekisang ya gore yi ka fo ba yi teya gana hala ga 9.2 ya diphesente, yi tlugiye ga nombhoro ya kapheta ya ya ga ya boraro mo go badiwa dinaga tso di yyeng dya berekisa tšheleta ya go tlala.”

•    Naga ya United States ke yona ya mathomo yo yi berekisiyeng tšheleta ya go tlala yi reka dithulusi tsa ntwa, mo re “balela yi berekisiye 39 ya diphesente ga digale tsa ntwa.”

 “Taba ya gore mmušo wo yeketsiye tšheleta yo wo yi berekisang go reka dithulusi tsa ntwa ga mengwaga yo yi sa tšwang go feta, tsotsone di šupetsa gabutši gore re phela ga lefase la go sa tšhireletsega,” di hlayye ke Dr. Nan Tian, wa go ngwala dipego tsa SIPRI.

 Bhayibele yi hlayye gore bo ba go yeta mahlong ba gore ba na le matšhika ya magolo, ba nyoko fo ya mahlong ba gogana ka dinko fote yi boya yi re botsa so se nyoko leyang go beba ga mannete.

•   Bhayibele yi hlaya dinako tso re phelang ga tsona gore ke “dinako tsa mafelelo.”—Daniyele 8:19.

•   Puku yowa ya Daniyele yi hlaya gore ga dinako tsotsone, ba go yeta mahlong ba nyoko phadisana ka matšhika. Memmušo ya lefase lowa yi nyoko “šuhlašuhlana,” kela go lwa le memmušo ye mengwana gore go bonale wo wo nang le matšhika. Memmušo yowa yi maka so yi ka se kgonang ka go berekisa “dilo tso yi nang natso,” kela ditšheleta.—Daniyele 11:40, 42, 43.

 Mo o nyaka go tšhuta tsa go tlala ka seporofeto sowa sa go jabodisa lebelela vidiyo ya gore Go Makega ga Seporofeto—Daniyele Tema 11.

•   Bhayibele yi hlaya gore Modimo o nyoko fetsa ka memmušo ya batho. O “nyoko hloma mmušo wa gore go ka sa fele ka wona. Mmušo wone wo ka sa neyiwi batho ba bangwana. O nyoko psyitlanya memmušo yo ye mengwana ka mokana ga yona fote wona wo nyoko dula wo le gona go ya go yye.”—Daniyele 2:44.

•   Jehova a Modimo o nyoko maka tso batho ba šitegang go di maka gana byalo, go leng go leya go beba ga mannete ga go ya go yye. Byang mara? Mmušo wage wa ku legedimong wo nyoko fetsa ka dilo ka moka tsa go lwa ka tsona le bokgohlane ka mokana ga byona.—Pisalema 46:8, 9.

 Mo o nyaka go tšiba tsa go tlala ga tso Mmušo wa Modimo wo nyoko di segelelang, bala hlogotaba ya gore “Mo go Šele go Lawola Mmušo wa Modimo go ‘Nyoko Beba ka Matla.’”