“Mo re re phaphara, re nyoko kraya setlakala se tupiye ka lefase lo. Ditoropo tse dikgolo di nyoko šinya di phinya ka teng ga meetši. Re ro thoma le go di bona tsa gore go tšutla moya wa go fisa la go sa tlwayelega. Didingwane tsa go tshosa. Meetši maa gayela ga dipoleke tsa go tlala. Dimilane le diphoolwane tsa go teya ga dimiliyoni di fo pomega di pomegiye. A re ya tshwara ya go kgana kela go fo tlatsa le meetši. Sayinse yi re go nyoko ba ka mokgonone mo nkare mmušo wo nyoko fo gorolela seyemo sowa maahlo.”—Tsowa di hlayye ke António Guterres, mabhalane ye mogolo wa Ditšhaba Tsa go Mamarelana, mo a bolabola ga pego yo ba yi ntshiyeng ka di-4 tsa Aporele 2022 ya go yelana le Ba go Maka Gore Mmušo wo Tšhele Letsogo ga tsa go Tšhentšha ga Tsa go Fisa Kela go Bata.

 “Ba sayinse ba tšhoga gore mo mengwaga yi kene yi takamela, go nyoko fela ka dipoleke ka mokana ga tsona tsa go teya ga 423 tsa gore go dula diphoolwane [hala United States], tsa gore di hlupa ke go fisa ka matla kela go bata ka matla. Ditaba tsowa tsa go befa di fo titshwanela le ditaba tsa go tshosa tso Bhayibele yi hlayyeng gore di nyoko makega: mollo le mogogola, go tologa ga meetši ya gore ma gahliye, go yeketsega ga meetši mawatleng le moya wa go fisa ka matla.”—“Bothatha Bya Mogogola Hala Yellowstone, bo Šupetsa Tsa go Tshosa Tso di sa ga Tla,” The New York Times, June 15, 2022.

 Ayitsano mathatha yawa ya lefase ma ka lukisega? Mo nkare go ka mokgonone, ma ka lukisa ke mang? Theetsela gore gabutšibutši Bhayibele yi re king.

 Bhayibele yi re Modimoo o nyoko “fetsa ka bo ba go sinya lefase.” (Kutullo 11:18) Temanyana yowa ya Bhayibele yi re tšhutisa kararo ya dilo:

1.  1. Tso batho ba di makang di nyoko sinyanya lefase lo ka matla.

2.  2. Tsa go sinyanya lefase di nyoko segela le mo di felang.

3.  3. Ke Modimo ye a nyoko lukisang bothatha byowa bya dipolanete, a yi batho.

 Bhayibele yi re “lefase le nyoko fo dula le le gona go ya go yye.” (Mmolabodi 1:4) Le nyoko fo dula le na le ba go dula ga lona.

•   “Ba go loka ba nyoko dula lefaseng, ba nyoko phela ho ga lona go ya go yye.”—Pisalema 37:29.

 Lefase lo la rune le nyoko lukisega la bafala wa šala o sa tshepe.

•   “Hala mašahleng le ga poleke ya kgwaakgwa go nyoko ba le go jabola, fote poleke ya gore yi fo ba lekgwaying ya gore go f’lo re khwaša yi nyoko jabola ya boya ya mila mabhlomu ya disaforone.”—Jesaya 35:1.