Ka di-24 tsa May 2022, go makegiye selo sa go baba la go sa hlayisege ga toropo ye nyana yo ba reng ke Uvalde, hala Texas, U.S.A. Kuranta ya The New York Times yi yitseri “morene mongwana wa gore ke mo a tshwere sethunya o bolayye 19 ya bananyana le bomistresi ka babedi . . . hala Robb Elementary School.”

 Sa go kgongwetsa ke gore matšatši yawa di fo tla di pepulanne tso tsa batho ba go makana lešidi la mohlobo wonone. Kuranta ya USA Today yi yye ya hlaya gore hala United States fela, “mongwaga wa go feta, tso tsa gore batho ba yye ba ba thunya ba le dikolong di makegiye ga 249—ke mo go ro ba mong la mathomo dilo tsa mohlobo wonone di makega go tlugisela gana hala ga 1970.”

 Anthe mara ke ntaba dilo tsa go sasamela di fo tla di kene di lategetsana? Re ka maka byang mo go nyarela dilo tsa go baba ka mokgonone? Nje se gona nyana so se ka makang gore re tshepe gore bokgohlane bo nyoko fela? Bhayibele ya fetola.

•    Bhayibele mo yi bolabola ka nako yo ya rune yi re ke “dinako tsa mafelelo” tsa batho “ba gore ka hlago a ba nyakanane” le “ba go ba le lešidi,” ba go maka dilo tsa go sa hlamatsega la go sa hlayisege. Batho ba mohlobo wonone “ba nyoko fo ya mahlong ba maka tsa go befa fote ba ro napa ba topela.” (2 Thimothi 3:1-5, 13) Mo o nyaka go tšhuta tsa go tlala, bala hlogotaba ya gore “Tso Batho ba di Naganang le Tso ba di Makang Lekgono—Ayitsano Bhayibele yi Hlayye Botala Gore di Nyoko Makega?”

 Batho ba go tlala ba re, ‘Dilo tso tsa go tlerola pelo tsa go tshwana le batho ba go thunyanya ba bangwana dikolong, anthe ke ntaba Modimo a fo di lisetsa di makega a kene a di lebelele?’ Mo o nyaka go bona phetolo ya Bhayibele, bala hlogotaba ya gore “Ke Ntaba Dilo Tsa go Befa di Makega ga Batho ba go Tilokela?”

•    “Tso di ngwadiwweng botala di ngwalediwwe go re tšhutisa, … fote tso re di krayang ka ho Mangwalong di ya re kgomoletsa.”—Maroma 15:4.

 Ditšhiko tsa ka ho Bhayibeleng di ka go gelepa gore o sa nape o kgongwela ka matla ga lefase lo la go ba le dikgohlane tsa go tlala. Mo o nyaka go kraya tsa go tlala, ariye we lebelela makazini wa Hlahlama! ya gore “Ayitsano Bokgohlane bo ko Feleng?”

 Tsa gore di ka gelepa babelegi gore ba yetetse bananyana ba bona go tiyisela mo ba kwa ditaba tsa go tshosa, o ka di bala ga hlogotaba ya gore “Bananyana Bago ba ka Maka Byang mo ba Kwa Ditaba Tsa go Šuhlašuhla Pelo?”

•    “O nyoko ba ntsha ga tsa go ba kgahleletsa le ga bokgohlane.”—Pisalema 72:14.

•    “Ka disabola tsa bona ba nyoko maka matsepe ke mokane marumo ya bona ba ma maka disekele. Setšhaba se ka sa yemisele setšhaba se sengwana lerumo, kela mong go ro hlwa ba sa tšhuta go lwa.”—Mmika 4:3.

 Modimo o nyoko maka dilo tsa gore batho baa šitega go di maka. Mmušo wage wa legedimong wo nyoko tlosa digale ka mokana ga tsona wa boya wa ro fetsa le ka bokgohlane ka mokana ga byona. Mo o nyaka go tšhuta tsa go tlala tsa go yelana le tso Mmušo wa Modimo wo nyoko di segelelang, bala hlogotaba ya gore “‘Go Beba go Nyoko ro Naama’ Mmušong wa Modimo.”