Ba go yeta mahlong ba lefase le mekgahlo ya dinaga tse dingwana di ba šitiye go maka gore go bebe ho lefaseng. Matšatši yawa, go tlele mekurukuru le dintwa go phala ku botala go tlugisela go thomisiye Ntwa ya Bobedi ya Lefase. Gana hala ga dibhiliyoni ka dipedi tsa batho—ba dula ga dinaga tsa gore di yamme ke dintwa tsone.

 Ke ntaba batho ba sa di kgone go maka gore go bebe? Bhayibele yi re king?

1.  1. Batho ba na le mekgwa ya gore yi ba šitisa go maka gore go bebe. Bhayibele yi hlayye gore ga dinako tso tsa rune, “batho go nyoko ba ba go tipona, ba go kwana ka matla le tšheleta, ba go kganya, ba go ba le magetla, . . . ba go sa tshepege, . . . ba gore a ba nyake go dumelelana ka selo, . . . ba go sa kgone go titshwara, ba go ba le lešidi, . . . ba go woma dihlogo, ba go titseyela gedimo ka matla.”—2 Thimothi 3:2-4.

2.  2. Batho ka mokana ga bona kela ka wo teya ka wo teya a ba kgone go tilukisela mathatha ka bo bona beng mara ba tshepele ga ye a ba Makiyeng, Jehova a Modimo. Bhayibele yi hlaya gore “Motho ye a sepelang a ka sa di kgone le mong go lawola loto lage gore le gate kaye.”—Jeremiya 10:23.

3.  3. Lefase lowa le lawola ke wa pelo ye phifadu Sathane Diyabolo, wa gore o “fokola lefase ka mokana ga lona.” (Kutullo 12:9) Solanka “lefase lowa le lawola ke wa pelo ye phifadu,”go nyoko fo ba le dintwa le mathatha.—1 Johane 5:19.

 Bhayibele yi re botsa gore go nyoko beba mara ke Modimo ye a nyoko makang gore go bebe go seng batho.

•   “‘Ke di tšiba gabutši tso ke le naganelang tsona,’ go hlaya Jehova, ‘ke le naganela dilo tsa go beba, yi seng tsa go baba, dilo tsa gabutši tsa ku mahlong tsa go le neya tshepo.’”—Jeremiya 29:11.

 Modimo o nyoko di segelela byang tso a di tshepisiyeng? “Modimo wa gore o maka gore le bebe o nyoko le neya matšhika ya gore le fetse ka Sathane.” (Maroma 16:20) Modimo o nyoko berekisa mmušo wa legedimong, wo Bhayibele yi hlayang gore ke “Mmušo wa Modimo,” gore wo leye go beba lefaseng ka mokana ga lona. (Luka 4:43) Mo go šele go lawola Jeso Kreste go le Kgoši ya Mmušo wone, batho ba nyoko ba tšhutisa gore ba phidisane byang le ba bangwana.—Jesaya 9:6, 7.

•   Mo o nyaka go tšhuta tsa go tlala, bala hlogotaba ya gore “King so Mmušo wa Modimo wo Nyoko se Segelelang?”