•   “Pego ya hala China yi hlaya gore mongwaga wowa go fisa ka matla fote go na le ‘kgwaakgwa ya go sa hlayisegi’ ya gore a sanka ya ba gona.”—The Guardian, September 7, 2022.

•   “Ga kapheta ya mengwaga ya go lategetsana, go nyoko ba le kgwaakgwa ya go sa hlayisege ga dipoleke tse dingwana tsa Afrikha.”—UN News, August 26, 2022.

•   “Ga dinaga ka dipedi ga kararo ya tsona hala Yuropo ba kene ba di pasopisa ka kgwaakgwa ya go sa hlayisege, ya gore a sanka ya ba gona go tlugisela ga 500 ya mengwaga ya go feta.”—BBC News, August 23, 2022.

 Ba go tlala ba go nyakolla ba hlaya gore kgwaakgwa yi nyoko fo ya mahlong fote yi kene ya yeketsega ka matla. Ayitsano go na le tshepo ya gore ku mahlong go nyoko loka? Bhayibele yi re king?

 Tso Bhayibele yi di hlayyeng botala tsa gore di nyoko makega ga dinako tso tsa rune:

•   “Ga dipoleke tsa go sa tshwane, go nyoko gayela tsa go ja.”—Luka 21:11.

 Kgwaakgwa ga go tlala yi maka gore tsa go ja di gayele. Taba ya go gayela tsa go ja le mehlupego le batho bo ba hlokofalang ka taba la tsotsone, di fo ba di šupetsa tso Bhayibele yi hlayyeng gore di nyoko makega.—Kutullo 6:6, 8.

 Bhayibele yi re wunyullela taba ye kgolo ya gore ke ntaba kgwaakgwa yi fo yeketsega ka matla. Yi re:

•   “Motho ye a sepelang a ka sa di kgone le mong go lawola loto lage gore le gate kaye.”—Jeremiya 10:23.

 Tsotsone di rela gore batho ba ka sa di kgone tsa go ‘tiyetetsa’ kela go tilawola bona beng. Dipheto tsa go sa loka tso ba di segelelang di maka gore go be le kgwaakgwa le go gayela meetši.

•   Ba go tlala bo ba sayinsi ba dumela gore dilo tso di makang ke batho ke tsona di thilafatsang sebakabaka, tsotsone ke tsona di makang gore go tlale kgwaakgwa lefaseng ka moka.

•   Tso di makang ke batho ba go ba le dipawu le batho ba go beya melawo ba sa nagane ka tso di nyoko makegang ku mahlong, di maka gore mašahla ma sinyege, sebakabaka se thilafale fote ba berekisa dilo tsa hlago ka mokgwa wa gore a yi wona. Maphomela ya dilo tsone, ma maka gore re gayele meetši.

 Le mo go le ka mokgonone, Bhayibele yi re neya tshepo.

 Bhayibele yi tshepisa gore Modimo o nyoko lukisa bothatha byo re nang nabyo gana byalo bya go gayela meetši. Ka mokgo mang?

1.  1. Modimo o nyoko “fetsa ka bo ba go sinya lefase.” (Kutullo 11:18) O nyoko fetsa ka bo ba makang gore go gayele meetši—ba go maka tsa go befa, le batho ba go ba le dipawo ba gore tso ba di makang di sinya lefase.—2 Thimothi 3:1, 2.

2.  2. ‘Naga ya go womisa ke go fisa yi nyoko fogafoga meetši.’ (Jesaya 35:1, 6, 7) Modimo o nyoko lukisa dilo tso di sinnyeng ke kgwaakgwa a maka lefase lowa pharadeyisi ya go yela meetši.

3.  3. ‘Wene o hlupega ka lefase ka matla, o maka gore le be le tsa go ja tsa go tlala ka matla fote le none.’ (Pisalema 65:9) Mo Modimo a rufa lefase le nyoko tlala ka tsa go ja tsa gabutši le meetši ya go yela ya go yenetsa batho ka moka.