Ka March 2020, mo bo ba go Bereka ka tsa go Yalafa Lefaseng ka Mokana ga Lona ba kwelela ka taba yowa ya COVID-19, ba go tlala ne ba sa tshepi tsa gore bolwele byowa bo ka tseya nako ya go lefa. Bolwele byo bya go sabalala bo yye bya kwisa batho ba go tlala go baba, gana hone go kena le Dihlatse tsa Jehova fote bya maka le gore ba hlupege ga tso tsa ditšheleta. Dihlatse tsa Jehova di yye dya gelepa ka mokgo mang ga bothatha byowa?

 Mo ba kene ba yetetsa ke Komiti ya Bagahlanisi ya ba Mogoba wa go Lawola ya Dihlatse tsa Jehova, lefaseng ka mokana ga lona go makiwwe Dikomiti Tsa go Gelepa mo go Makegiye Dikotsi Tsa Hlago tsa go teya ka ku ga 950 gore di thogo gelepa ga bolwele byo bya COVID-19. Ka dinako tse dingwana ke mo ba gelepa ke batho ba mo ne ba dula gona, fote le Dihlatse di yye dya gelepa ke bo ba go bereka ka tsa go yalafa ba mmušo. Ba Komiti ya go Gelepa mo go Makegiye Dikotsi Tsa Hlago ba yye ba nyaka batho ba go tlala gore ba thogo gelepa.

 Mo re beyisa, bona tso di yyeng dya makega hala Paraguay. Kuranta ye nngwana yi yye ya ngwala gore bolwele byowa bya go sabalala bo makiye gore ikhonomi yi ye tlase, le gore “batho ba go tlala ba go dula Paraguay ba bolaya ke tlala ka ho mitšing ya bona.” Mara ka nthago ga mabeke ka mabedi, ba Komiti ya go Gelepa mo go Makegiye Dikotsi Tsa Hlago ne ba šele ba thomisiye go neya batho tsa go ja, tsa go yedisa le tse dingwana tsa gore mitši ya gore ba dula ba le kanne ba ka di berekisa. Mutši wo mongwana le wo mongwana ne wo kraya dilo tsa go lekana R411.47.

 Bo ba go gelepa mo go makegiye dikotsi tsa hlago ba maka byang gore bona le batho ba bangwana ba dule ba pasopegiye ga bolwele byowa bya COVID-19? Ba yapara tsa go thiba nko le molomo fote ba yema kgole le kgole. Fote ba maka so ba ka se kgonang gore bo ba leyang tsa go ja ba latelela molawo wa COVID-19. Tsone di rela gore ka moka bo ne ba nyoko ba ba tshwere dilo tsone ne di nyaka gore ba be ba yapare dikobo tsa go ba pasopa le gore ba yedise dikoloyi tsa bona fote ba beye dilo tsone ga gore go yediye. Se sengwana fote ke gore bo ne ba leya morwalo wone ne di nyaka ba yeme kgole le kgole le magageru ya ne ma tl’le tseya morwalo wonone.

 Go tlugisela ka January 2021, ba Komiti ya Bagahlanisi ba dumele gore go berekisiwe R342 919 750.00 go gelepa bo ba yammeng ke bolwele bya COVID-19. Ba makala le ba Komiti ya go Gelepa mo go Makegiye Dikotsi Tsa Hlago ba berekisa moneyelo gabutši, mo ba kene ba reka dilo tso di nyakegang. Mo re beyisa, hala Chile magageru ya ne ma gelepa ga mmereko wowa, ne ma nyaka go reka 750 ya dikhiloghremo ya tsa go ja tsa nkare ke dinawa. Mara tšheleta yo ne ba tlwayele go reka ka yona yi yye ya yeketsega gabedi ka kgwedi ka yyoši! Ka nthago ga diawara ka dipedi mo se ba fetsiye ka gore ba nyoko reka tsa go ja tsone tsa nkare ke dinawa ka tšheleta yone ya go tura, yewa wa go rekisa o yye a ba botsa gore ye mongwana wa gore ne a rekiye o di buyisiye. Byalo aa nyaka go ba rekisela ka tšheleta yo ne ba kwanne ka yona mathomisong mara o yye a ba rekisela tsona tsa gore ba di buyisiye ka tšheleta ya tlase!

 Mara mo magageru ma tl’le tseya tsa go ja tsone, ye wa go rekisa o yye a sa sa nyaka go ba neya a ba jikela, a hlaya gore ba kgana ka tsa go ja ka taba la gore ba fo di sabalatsa go fo tshwana le mekgahlo ye mengwana. Ka nthago mogageru o yye a teya thapelo ya go sa lefa a ntoši, o yye a hlayisela yewa wa go rekisa gore ga phutego ye nngwana le ye nngwana go na le bo ba hlayyeng gore ba gayela tsa go ja tsone. Magageru ma yye ma hlatolla le gore ka taba la gore seyemo sa batho a se tshwane, tsa go ja tsone ne di nyoko sepela le tse dingwana tsa gore mitši yone ya di gayela gore di thogo ba gelepa. Ke mokane ba botsa ye wa go rekisa gore tšheleta yone ke ya moneyelo ka mokana ga yona. Fotefote ba yye ba botsa yewa wa go rekisa gore moneyelo le mmereko wo wo makang ke Dihlatse tsa Jehova ba wo maka ba sa tšhofe ke motho. Ne a makele. Yewa wa go rekisa aa f’lo dumela go poma tšheleta yo ne ba tshwanele go reka ka yona fela, mara o yye a ba yeketsela 400 ya dikhiloghremo ya tsa go ja tsone mo magageru ma tl’le rekeng fote.

 Lusu wa hala Liberia wa gore o šele a gudiye fote o hlokofalele ke monna o dula le kaphetha ya batho ka mutšing wage. Mo ba kene ba ja le go bala sepukwane sa go Nyakolla Mangwalo, motlogolo wa Lusu wa go ba le kašupa ya mengwaga o yye a bona gore tsa go ja tso ba di jang ke tsa mafelelo a go sa na tse dingwana. O butsisiye gore, “Mara re nyoko ja ying?” Lusu o mmutsiye gore o šele a rapele ka taba yone gore ba ba gelepe fote ne a sa kamake gore Jehova o nyoko ba gelepa. Ka sethewo, Lusu o fowunele ke mogolo wa phutego yage gore a tle a tseye tsa go ja. O hlayye gore: “Motlogolo waka o re wa di tšiba gore Jehova wa theetsela fote o fetola merapelo ya rune ka gore o fetodiye waka.”

 Mosadi ye mogwana wa hala Democratic Republic of Congo wa gore moyagelane wage ke Hlatse. Ka nthago ga gore a bone dihlatse tse dingwana di leyela mutši wone tsa go ja o hlayye gore, “Mo bolwele byo bya go sabalala bo fela le rune re nyoko ba Dihlatse tsa Jehova ka taba la gore le šupetsiye magageru gore le hlupega ka wona ga dinako tso tsa go thathafa.” Monnage a mutsisa a re, “O nyoko ba hlatse ya Jehova ka taba la lesaka la rayise?” A re, “Awwa mara lesaka lone la rayise la šupetsa gore ba nyakanana tsa mannete.”

 Dihlatse tsa Jehova di yakgoswiye di gelepa magageru ka tso ma di gayelang ga dinako tso tsa bolwele byo bya go sabalala ka taba la moneyelo wo wa lune wa gore le wo ntsha le sa tšhofe ke motho. Re leboga moneyelo wa lune wo le wo makang le berekesa mokgwa wo wa donate.pr418.com.