Gare ga makgolo ya dimiliyoni tsa batho ba gore ba dula hala Latin Amerikha, go na le dimiliyoni tsa batho ba bangwana ba go bolabola mebolabolo ye mengwana le ba ditšo tsa go sa tshwane. Ga batho bone ba go tlala ba go sa tshwane, go na le magageru ya gore ma tseyela setšo sa wona gedimo ka matla. Gore ma thogo gelepa batho ka tso tsa Modimo, ma hlatolla le go neya batho tsa go bala ka mebolabolo ya teya ka ku ga 130 ya Latin Amerikha. a Mara ba bangwana ba yye ba ganetsiwa ka gore ba kgetiye go berekela Jehova ba sa nyake go kenakena dilo tsa go yelana le tsa ditšo tsa batho bo ba dulang nabo. Byalo moneyelo wa lune wo ba gelepiye ka mokgo mang?

 Hala Mexico, magageru ya gore ma dula Huichol ya gore yi dithabeng tsa Jalisco State, ma yye ba gana ma tinyanafatsiye go kenakena dilo tsa sedumedi tsa gore ne di ka kwaletsa lekwalo la wona. b Fote tsotsone di yye dya kwatisa ba bangwana gana hone. Ka di 4 tsa December 2017, mogoba wo mongwana wo yye wa hlasela batho ba Jehova le ba bangwana ba gore ne ba le nabo. Mogoba wone wo yye wa ba raka ka tšhinghi ga poleke yone, wa ro boya wo sinyanya mo ne ba dula gona, le go ba tshosetsa gore ba nyoko ba bolaya mo ba ka boya.

 Dihlatse tsa gore ne di dula thina le poleke yo magageru yala ma rakiwweng ga yona di yye dya ma gelepa ka go yakgoswa. Mara ne go ka makiwa ying gore magageru yane ma boyele magaye? Mogageru ye mongwana ye ba reng ke Agustin o re, “Ne re se na tšheleta ya go ka hira loyara, fote ne re sa tšibi gore re ka ya ga bomang gore ba re gelepe ka tso tsa Molawo.”

 Ka gore magageru ne ma sa sa lokologiye gore ma ka rapela ma tiketliye, Lekala la Segare sa Amerikha le yye la maka se sengwana ka go yakgoswa. Sa mathomo, ba kgopele maphodisa gore ma nyakisise ka taba yowa. Ke mokane, ba kgopela ba Komoti ya Bagahlanisi ya Mogoba wa go Lawola wa Dihlatse Tsa Jehova gore ba ba dumelele gore ba bereke le Ba go Bereka ka Tsa Molawo hala ntlong ye kgolo le gore magageru ya hala Huichol ma thogo gelepiwa khota. Fote taba yone yi feleletsiye yi segele le ga Khota Ye Kgolo ya Molawo wa Naga, go leng khota ye kgolo hala Mexico.

 Mogoba wa diloyara tsa go tšwa dinagang tse dingwana di yye dya lukiselela, fote di yye dya hlatollela ba bangwana gore, ka taba la gore ba bangwana ba tshwanele go hlompa setšo sa batho ba bangwana, di ra gore batho ka moka di nyaka ba hlompe le go pasopa go lokologa ga batho bo ba dulang nabo. Go lokologa a go na mo go kgerang gona.

 Ka di 8 tsa July 2020, Khota ye Kgolo ya Molawo yi yye ya yema le Dihlatse Tsa Jehova. Ba hlayye gore ka moka bo ba rakiwweng, di nyaka ba boyele mo ne ba dula gona. Agustín yela a bolabodiyeng, o yye a hlaya ka mokgo yene le ba bangwana ba tikwang ka gona mo a re: “Re lebogiye ka matla fote re jabodiye ka taba la tso magageru ma re makeleng tsona. Hala ba sa re gelepa, nke re sa maka selo le ka gonyana.”

 Magageru ya hala San Juan de Ilumán, mutši wa Ecuador wa gore go dula batho ba go tlala ba go dula magayeng ya Otavalo Valley, ba hlakanne le ntshitshire ya go ganetsiwa. Ka 2014, ka nthago ga gore ba yamogele mangwalo ya go ba dumelela gore ba dule, ba thomisiye go yaga Holo ya Mmušo. Mara ye mongwana wa go yeta kereke mahlong o yye a yetetsa batho ba go teya ka ku ga 100 gore ba ba yemise ba sa yi mahlong ba yaga. Ke mokane bo ba dulang gana hone ba yye ba yemisa Dihlatse Tsa Jehova gore di sa sa gahlana ggoši gore di rapele.

 Bo ba go bereka ka tsa molawo ku ga lekala la Ecuador le ba ku ga ntlo ye kgolo ba yye ba gahlana gore ba yemelele phutego yone ga bo ba gore ne ba yi šitisa go rapela ggoši. Magageru ma yisiye taba yone khota. Tsone di makiye gore bo ne ba ganetsa ba lisetse ke mokane magageru ma ya mahlong ma gahlana ggoši ma kena megahlanong fote ma ye mahlong ma yaga Holo ya Mmušo. Mara gore magageru ma dule ma lokologiye, bo ba go re yemela ba kgopele bo ba khota gore ba segelele sepheto ga putsiso ye nngwana ya gore: Ayitsano batho ba go dula magayeng ba tshwanele ba hlompe go lokologa ga batho ba bangwana?

 Ka di 16 tsa July 2020, Khota ya Tsa Molawo ya hala Ecuador, ye kgolo ya gona hone polekeng yi yye ya kwelela ka taba yone. Magageru ya gore ke diloyara ku Ecuador ne ma yemelela phutego. Go tokegela gana hone, magageru ya mangwana ka mane ya go gelepa lefaseng ka moka ya gore fote ne ma tšiba tsa go tlala, ma yye ma bolabola hala khota. Ka taba la melawo ya COVID-19, ma bolabodiye ma le dinageng tsa go sa tshwane ma berekisa vidiyo. Fote ne go le la mathomo khota yi dumelela bo ba go bereka ka tsa molawo ba go yemela Dihlatse Tsa Jehova ba bolabola khota ka mokgwa wowa. c Magageru yane ma yye ma kgopela ba khota ya tsa molawo lefaseng ka moka gore ba yedise taba ya gore, motho aa tshwanela go šitisa batho go maka dilo tse dingwana ka go fo re ba dula magayeng.

 Magageru ya hala Otavalo Valley ma yye ma yemela sepheto sa Khota ye kgolo. Mo ba kene ba sa litiye, ma yye ma tikisa nka mokgo ne ma thegiwa ka gona. César, wa go bereka go le mogolo hala Phutegong ya Ilumán Quichua, o re: “Jehova ke yene a le ntoši wa gore o berekisa mokgahlo wage, a maka dilo tse dikgolo a makela ba gore a baa tlala.”

 Diloyara ka moka tso di gelepang magageru ke Dihlatse tsa Jehova fote di jabolela go gelepa mahala. Mara go lukiselela go seka molato wone le go ye bolaboleng khota di nyaka nako le tšheleta. Diloyara tsa rune le magageru ya mangwana ba fetsiye ka ku ga 380 ya diawara ba lukiselela tso baa di bolabolang, ba boya ba fetsa le 240 ya diawara ba hlatolla tso ba di bolabolang hala Mexico. Gana hala ga 40 ya diloyara tsa go tšwa dinageng tsa go sa tshwane di fetsiye diawara tsa go tlala ka matla di lukiselela gwe seka tsa hala Ecuador. Re di kgonne ka mokgo mang go krayela magageru tso ma di gayelang tsa go sipidisana le go yemelela magageru khota? Ka moneyelo wa lune wa gore le wo maka le berekisa mekgwa yo yi leng ga donate.pr418.com. Re le leboga ka matla gore a le konane.