Bhayibele yi hlayye gore “setšhaba se nyoko lwa le setšhaba se sengwana,” fote go nyoko ba le dikotsi tsa hlago ga “dinako tsa mafelelo.” (Matewu 24:3, 7) Re se bonne se makega seporofeto sowa ga mongwaga wa mmereko wa 2023. a Mara mo go kene go makega dintwa le dikotsi tsa hlago ga dipoleke tsa go teya gana hala ga 100, Dihlatse Tsa Jehova di di bonne tsa gore Jehova o di nyaka ka matla. Ka mokgo mang?

 Ka mongwaga wa mmereko wa 2023, magageru ma makegele ke dikotsi tsa hlago le tsa gore batho ba ro di maka, tsa go teya ka ku ga 200. Mo re balela tšheleta ka moka yo yi berekisiyeng ke Dihlatse Tsa Jehova, yi teya ka ku ga R189 ya dimiliyoni tsa diranta b ya gore yi tšwa ga moneyelo wa mmereko wa lefase ka moka wa tsa go yimulla mo go makegiye dikotsi tsa hlago. Go tokegela le tšheleta yo magageru ma yi ntshiyeng dikhwameng tsa bona gore ba thogo gelepa bo ba ka makegela ke dikotsi tsa hlago. Bona ka mokgo moneyelo wago wo berekisiwweng ka gona go gelepa ga dikotsi ka dipedi tso di makegiyeng le dikotsi tse dingwana tsa hlago tso di yammeng magageru.

 Ga dipoleke tse dingwana hala Nigeria go dula go ba le mogogola. Mara mogogola wo wo makegiyeng ka October 2022 ne wo le wo mogolo ka matla, ne wo tshwana le wo wo biyeng gona ga lesome la mengwaga yo yi fitiyeng. Go sinyegiye poleke ye kgolo ya go lekana le 946 000 ya dighrawondu tsa go kganela bholi ya mawoto, ke mokane batho ba go teya ka ku ga dimiliyoni ka dipedi ba tlugiye magayeng ya bona. Ka go yakgoswa lekala la hala Nigeria le kgetiye ba Komiti ya Tsa go Yimulla mo go Makegiye Dikotsi Tsa Hlago, gore ba ye ba gelepe ba boye ba tiyise Tumelo ya magageru.

•   7 505 ya batšhomayedi ba ba rurisiye

•   860 ya dintlo di sinyegiye

•   90 ya Diholo tsa Mmušo le Holo ya Mogahlano wo Mogolonyana ne di tlele ka meetši

 Tšheleta ya go teya ka ku ga R4 738 138 00 ba yi berekisiye ga tsa go yimulla ba reka dilo tsowa:

•   Tsa go ja tsa go tshwana le rayisi, diponkisi le makaroni

•   Tso di berekisiwang ntlong tsa go tshwana le matrase le dinete tsa go thibela bošunyane

•   Go lukisa kela go yaga dintlo tso di sinyegiyeng

 King tso magageru ma di makiyeng gore ma thogo berekisa meneyelo gabutši? Ma thomisiye ka go pombhola moyago wo mongwana le wo mongwana gabutši gore ma thogo bona mo wo nyaka go lukisiwa kela byang. Mo nkare moyago wone wo tshwanele wo yagiwe ka bonyuwane, ne ba wo yaga ba berekisa polane ya go sa hlupe ya gore yi tlwayelegiye ga poleke yone.

 Magageru ya ba ma gelepiyeng ma leboga ma sa fetsi. Mogageru ye mongwana wa mosadi o hlayye gore: “Mogogola wowa wo re sinyele ka matla ka taba la gore wo sinnye dipolase tsa rune ka moka fote a re sa na le ga go beya hlogo. Ne re jabodiye ka matla mo re bona magageru ka letšatši lone ma tl’le re gelepeng ma boya ma re neya ga go dula ga gore go pasopegiye. Re yitseri ekgu mo ofisi ya lekala yi re leyela tsa go ja. Ne re makele mo re bona go makega tso di leng ga lengwalo la Johane 13:34, 35 ho ga rune. . . . Go nyakanana ga mannete go gona. Nna le ba mutši waka re ma leboga ka matla magageru ya ma tlileng ma re gelepa ka nako yo ne re ma hloka.”

 Batho ba bangwana ba ho polekeng ba bonne ka mokgo magageru ma re gelepiyeng ka gona. Ndhuna ya hone polekeng ya Sabagreia, ye ba reng ke Bayelsa State o hlayye gore: “Go na le mekgahlo ya go tlala kela dikereke lefaseng ka mokana ga lona, mara ke Dihlatse Tsa Jehova fela tso di makiyeng dilo tsa mošaga wowa. . . . Mokgahlo wa [lune] wo phala ye mengwana ka moka.”

 Ka February 2023, go biye le mollo wa gore wo sinnye ka matla hala Chile, wa gore wo makegiye go feta ka ku ga 400. Go sinyegiye poleke ye kgolo ya go feta 602 000 ya dighrawondu tsa go kganela bholi ya mawoto, go tokegela le dipoleke tse dingwana tsa Chile tsa gore ne di na le dilo tso ba di tseyelang gedimo. Ke mokane gana hala ga 8 000 ya batho ba ba tlusiye mo ba dulang. Ka nthago nyana ga mo go makegiye kotsi yowa, ofisi ya lekala yi yye ya thomisa go lukiselela komiti ya go yimulla.

•   222 ya batšhomayedi ba rurele go gongwana

•   20 ya dintlo di sinyegiye

 Ba berekisiye tšheleta ya go teya ka ku ga R3 790 370 00 ga tsa go yimulla mo go makegiye dikotsi tsa hlago, gana hone go kena le:

•   Tsa go ja le meetši

•   Oyili, tsa go yedisa le dihlare

•   Ba go yaga dintlo tsa gore di sinyegiye

 Mutši wo mongwana wo šele wo tapegiye matšhika mo wo kraya gore dilo ka moka tso ne ba le natso di sinyegiye go tokegela le ntlo ya bona le bhizinisi. Tsotsone di makiye gore ba fo šala ba yi tsa, ba sa sa na sa go tiphidisa ka sona. Ka nthago ga matšatši nyana mo di sa tšwa go makega, mutši wone wo yye wa kgongwela ka matla mo wo bona mo ne go na le ntlo ya bona ya botala go sa sa na selo. Mara ba yye ba tiyelela mo ba bona gore ba ba yagela dintlo tse dingwana fote. Mo ba bona go nyakanana ga mannete ga gore ne ba go šupetsa ke bo ne ba tl’le ba gelepeng ba napiye ba kgona go tiyisela. Mutši wone wo tikisegiye dipelo mo wo bona tsotsone, wo napiye wo ngwadisa gore le wona wo nyaka go gelepa ga tsa go yaga gore wo thogo yagela magageru ya mangwana ya ma ka sinyegela ke dintlo.

 Magageru ya go tlala ma jabodisiye ke mmereko wowa wa go yimulla. Mogageru ye mongwana o yitseri: “Tso Jehova a re lukiseleleng tsona a berekisa Komiti ya go Yimulla mo go Makegiye Dikotsi Tsa Hlago, ye lune dya makatsa. Ka motshwana wa gona ne ba šele ba le gana hone go makegiyeng kotsi ba re neya tso re di gayelang. Di tiyisa ka matla mo o bala ka tso ba komiti ya ba go yimulla ba di makiyeng ga dipoleke tse dingwana lefaseng ka mokana ga lona. Mara mo di makegela wene, o fo šala o lelemela. Mo o bona ka mokgo magageru ma kopiselang mekgwa ya Jehova ma boya ma hlupega ka matla gore ma re neye tso re di gayelang gore re thogo phela, di re tiyisa tumelo le go maka gore re bebe fote o napa o leboga mokgahlo wowa o sa fetsi. Re di bonne tsa gore Jehova o re nyaka ka matla ka tso a re makelang tsona.”

 Mo re kene re bakiye mafelelong ya masipidiselo yawa ya dilo, re ko fo ya mahlong re bona dikotsi tsa hlago di yeketsega. (Luka 21:10, 11) Mara Kgoši ya rune Jeso Kreste wa gore o re nyaka ka matla o berekisa phutego ya Sekreste fote re ya di bona gore o na le rune “ka moka matšatši go segela lefase lowa le fela.” (Matewu 28:20) Moneyelo wa lune wa mmereko wa lefase ka moka wo le wo ntshang le sa tšhofe ke motho le berekisa donate.pr418.com le mekgwa ye mongwana, go tokegela le nako le matšhika ya lune tsotsone di šupetsa gore le kwana le Kgoši yowa le Mmušo wa yona. Re di leboga ka matla tsa gore le ya mahlong le neyela le sa tšhofe ke motho.