Monyanya wa Paseka a wo tšwe ka Bhayibeleng. Mo o lebelela tso di makegiyeng ku botala, o nyoko napa o di bona gabutši gore Paseka yi rela ying—ke dilo tsa botala tsa setšo tsa go yelana le gore mobu le diphoolwane di nyoko tsifa. Lebelela tso di latelang.

1.   Lebitso: Encyclopædia Britannica yi re: “Lebitso lowa la Sekgowa la Easter a le nape le tšibega gabutši gore le tšwa kaye, moprista wa Anglo-Saxon ye ba reng ke Venerable Bede wa gore o phidiye ka bo 800 BC, o le krayye ga Anglo-Saxon, modimo wa mosadi wa sethombhe so ba reng ke Eostre.” Dipuku tse dingwana di hlaya gore le sipidisana le Astarte, wa gore ke modimo wa mosadi wa Lefunišiya wa go maka gore mobu le diphoolwane di tsife, wa gore ne a berekisana le Ishtar wa Bhabhilona.

2.   Memmutla: Ke setwaba sa go fo šupetsa gore go tsifiye “sa gore se tšwa ga mešupetso le menyanya ya ku botala ya mo go soko thomisa selemo, ya gore ne yi makega hala Segareng sa Bohlabela bya Yuropo ya gore yi thomisiye ke batho ba go sa rapele Modimo.”—Encyclopædia Britannica.

3.   Makata: Go ya ka Funk & Wagnalls Standard Dictionary of Folklore, Mythology and Legend, go nyakiwa ga makata ya Paseka ya gore di ka fo makega tsa gore ne ma tšwa ga mmutla wa Paseka, “ne go sa fo ba taba ya go kgana fela, mara ne di šupetsa taba ya dilo tsa go kgwelela tso batho ne ba dumela ga tsona tsa go sipidisana le go tsifa ga mobu le diphoolwane.” Ditšo tse dingwana ne di tshepa gore go kgabisiwa ga lekata lowa la Paseka “ne di ka maka mohlolo wa gore batho ba jabole, ba phomelele, ba philege fote ba tšhireletsege.”—Traditional Festivals.

4.   Dikobo tsa nyuwane tsa Paseka: “Ne di šupetsa go sa hlompe fote motho ne a tileyela senyama mo a tamisa modimo wa mosadi wa ku Scandinavia kela Eastre, mo o sa yapara dikobo tsa nyuwane.”—The Giant Book of Superstitions.

5.   Menyanya ya mo go hlaba letšatši: Menyanya yone ke mo yi maka ke bo ne ba rapela letšatši, “yi makiwa ka dinako tsa mo motshegare wo lefiye go lekana le bošego mo go yamogediwa letšatši le matšhika ya lona ya go maka gore dimelane ka mokana go tsona di hluge.”—Celebrations—The Complete Book of American Holidays.

 The American Book of Days yi di beya gabutši mo Paseka yi thomisiyeng gona, yi re: “A re kamake gore mo Kereke yi sa thomisa yi yamogele setšo sa ku botala ke mokane ya maka gore Makreste ma se yamogele.”

 Bhayibele yi re pasopisa ka taba ya go rapela Modimo re berekisa ditšo kela dilo tse dingwana tsa gore dya mo silikisa. (Mareka 7:6-8) Makorente wa bobedi 6:17 yi re: “‘Le sa nghanelane nabo,’ ‘le lisetse go tshwara dilo tsa dithila, go hlaya Jehova.’” Batho bo ba nyakang go jabodisa Modimo di nyaka ba kganele kgole le monyanya wa Paseka.