Bhayibele yi re Jehova ke Modimo wa mannete, ye a Makiyeng dilo ka mokana ga tsona. (Kutullo 4:11) Moporofeta Abrahama le moporofeta Moše ba yye ba mo rapela, go fo tshwana le ka mokgo Jeso a yyeng a mo rapela ka gona. (Genesi 24:27; Eksoda 15:1, 2; Johane 20:17) Ke yene Modimo, mara yi seng wa motho ka wwoši mara wa ‘batho ka mokana ga bona’.—Pisalema 47:2.

 Jehova ke lebitso la Modimo lo le nyarelang ka ho Bhayibeleng la gore a le tshwane le mabitso ya mangwana. (Eksoda 3:15; Pisalema 83:18) Le tšwa ga lentsu la Seheberu lo le relang gore “ye a makang gore dilo di be gona,” ba go tlala ba gore ba tšhutegiye ba nagana gore lebitso lone le rela gore “O ba so a nyakang go ba sona.” Hlatolla yowa yi napa yi re kwatla, mo go bolabodiwa ka dilo tso Jehova a di Makiyeng le mmereko wage. (Jesaya 55:10, 11) Bhayibele yi re gelepa gore re tšibe Jehova, ka matlamatla ka mokgo a re nyakang ka gona.—Eksoda 34:5-7; Luka 6:35; 1 Johane 4:8.

 Lebitso la Modimo ka Seheberu mo le hlatolliwa ka Sekgowa ke Jehova—dihlaka tsowa ka dine יהוה (YHWH) di tšibega go le Thetragramathone. Le ga Seheberu sa botala a go tšibege gore lebitso lowa la go hlawolega le bitsiwa byang. Le mo go le ka mokgonone, lebitso “Jehova” le na le ditaba tsa go tlala tsa botala ka Sekgowa, le nyarela la mathomo ga hlatollo ya Bhayibele ya William Tyndale ya 1530. a

Ke ntaba ka mokgo go bitsiwang lebitso la Modimo ka Seheberu sa botala go sa tšibegi?

 Seheberu sa botala ne se ngwadiwa se se na dihlaka tsa go kgona go yema di le ntoši, ne se berekisa dihlaka tsa go sa kgone go yema di le ntoši. Ne di ba lula ga batho ba go kgona go bolabola Seheberu gore ba berekise dihlaka tsa go kgona go yema di le ntoši. Mara le mo go le ka mokgonone, ka nthago ga gore Mangwalo ya Seheberu ya (“Testamente ya Botala”) ma fele, Majuda ya mangwana ma yye ma thomisa go dumela dilo tsa go tšiba ke bona, tsa gore a di gabutši go berekisa lebitso la Modimo. Mo ba bala mangwalo ya gore ne ma na le lebitso la Modimo, ne ba tšhela mabitso ya go tshwana le ya gore “Morena” kela “Modimo.” Mo nako yi kene yi ya, tso ne ba di dumela le ka mokgo ne ba le bitsa ka gona di yye dya fela. b

 Ba bangwana ba nagana gore lebitso lowa la go hlawolega ne le bitsiwa ka mokgo “Yahweh,” mola ba bangwana ba nagana ka mokgwa wo mongwana. Lengwalo la go Phutiwa la sekopa sa Lefitiko la go tšwa Lewatleng la go Kgwa, mo le hlatolla lebitso lowa ka Segerika le re ke Iao. Ba mathomo bo ne ba ngwala Segerika ba bolabodiye gore lebitso lowa la gore Iae le bitsiwa ka mokgo, I·a·beʹ, le ka mokgo I·a·ou·eʹ, mara a gona mokgwa wa go šupetsa gore ne go bolabodiwa byang ku botala ka Seheberu. c

Tso ba di bolabolang ka lebitso la Modimo ka ho Bhayibeleng tsa gore a yi tsona

 Matsaka: Lebitso lowa la go hlawolega, a di nyake le ngwadiwa ka ho Bhayibeleng ka taba la gore a le nape le tšibega gabutši gore le bitsiwa byang ka Seheberu.

 Nnete: Taba yowa yi napa yi ro šupetsa gabutši gore Modimo o lebelele gore batho ba mebolabolo ka moka, ba bitse lebitso lage ka mokgo le bitsiwang ka gona ka mebolabolo ya bona. Le mo go le ka mokgonone, Bhayibele yi hlaya gore bo ne ba rapela Modimo ku botala, ba go bolabola mebolabolo ya go sa tshwane ba bitsiye lebitso lowa gabutši ka mebolabolo ya bona.

 Bona mošupetso wa Leisrayele lo ba reng ke Jošuwa la go yahlula. Makreste ya ku botala ya gore ne ma bolabola Seheberu ne ma bitsa lebitso lage gore ke Yehoh·shuʹaʽ, mola le gore ya ne ma bolabola Segerika ne ma re ke I·e·sousʹ. Bhayibele yi bolabola ka hlatollo ya lebitso la Seheberu la Jošuwa, yi šupetsa gore Makreste ma latelele mokgwa wa gabutši wa go berekisa lebitso lo, ka mmolabolo wa bona.—Mebereko 7:45; Maheberu 4:8.

 Molawo wowa o sa na o bereka mo re hlatolla lebitso lowa la go hlawolega. Sa go jabodisa ka matla, ke gore lebitso la Modimo le busetsiwwe polekeng ya lona ka mo Bhayibeleng.