Moya wa go hlawolega ke matšhika ya Modimo ya a ma berekisang, ya gore maa bereka. (Mmika 3:8; Luka 1:35) Modimo o romela moya wage ka go lukiselela gore o ye go gongwana le go gongwana mo yene a nyakang, gore a thogo segelela so yene a se nyakang.—Pisalema 104:30; 139:7.

 Ka ho Bhayibeleng lentsu “moya” le hlatolliwwe le tšwa ga Seheberu go le ruʹach fote ka Segerika go le pneuʹma. Ga go tlala, mantsu yawa ma šupetsa matšhika ya Modimo ya go bereka kela moya wa go hlawolega. (Genesi 1:2) Le mo go le ka mokgonone, Bhayibele fote yi berekisa mantsu yane ka mekgwa ye mengwana:

•   Go hema.—Habakuku 2:19; Kutullo 13:15.

•   Moya.—Genesi 8:1; Johane 3:8.

•   Selo se segolo ka matla, so se makang gore dilo ka moka di phele.—Jobo 34:14, 15.

•   Ka mokgo motho a makang dilo ka gona.—Dipalo 14:24.

•   Batho ba moya, go kena Modimo le mangeloyi.—1 Magoši 22:21; Johane 4:24.

 Tsotsone ka moka di rela gore batho ba ka sa kgone go ba bona, mara tso ba di makang di ya bonala. Mo re beyisa, moya wa Modimo “go tshwana le moya, a wo bonale, a wo tshwaregi fote wo na le matšhika.”—An Expository Dictionary of New Testament Words, ka W. E. Vine.

 Bhayibele fote yi tshwanisa moya wa go hlawolega wa Modimo le “matsogo” kela “manwana” yage. (Pisalema 8:3; 19:1; Luka 11:20; tshwanisa le Matewu 12:28.) Go fo tshwana le motho wa go maka dilo ka matsogo o berekisa matsogo le manwana yage gore a thogo maka mmereko wage, Modimo o berekisiye matšhika yage go maka dilo tsowa:

•   Dilo ka moka tso di leng ho lefaseng le legedimong.—Pisalema 33:6; Jesaya 66:1, 2.

•   Bhayibele.—2 Petro 1:20, 21.

•   Mehlolo yo yi yyeng ya maka ke malata yage ya botala le ka mokgo ne ma tšhomayela ka gona ma na le matšato.—Luka 4:18; Mebereko 1:8; 1 Makorente 12:4-11.

•   Mekgwa ya gabutši yo yi šupetsiyeng ke bo ba mo theetselang.—Magalata 5:22, 23.

Moya wa go hlawolega a yi motho

 Mo go tshwanisiwa moya wa Modimo le “matsogo,” “manwana” kela “mohemo”, Bhayibele yi šupetsa gore moya wa go hlawolega a yi motho. (Eksoda 15:8, 10) Wa go maka dilo ka matsogo a ka sa kgone go bereka a sa berekise monagano le mmele wage, go fo tshwana le moya wa Modimo wa go hlawolega o bereka fela mo yene mong a wo yetetsa. (Luka 11:13) Bhayibele fote yi tshwanisa moya wa Modimo le metši fote yi šagisa tumelo le go tšiba dilo. Dilo tsowa ka mokana ga tsona di šupetsa so moya wa go hlawolega wo leng sona.—Jesaya 44:3; Mebereko 6:5; 2 Makorente 6:6.

 Bhayibele yi bolabola ka lebitso la Jehova Modimo le la Morwayi wage Jeso Kreste, mara a go na mo yi bolabolang ka lebitso la moya wa go hlawolega. (Jesaya 42:8; Luka 1:31) Nakwela Mokreste ye mongwana ye ba reng ke Stephen a bolayiwa ka taba la tso a di dumelang, o yye a bona mmono wa mohlolo ku legedimong, o bonne batho ka babedi fela aa bona ka bararo. Bhayibele yi re “Ne a tlele ka moya wa go hlawolega, o yye a wokamela legedimong ke mokane a bona go gadima ga Modimo, Jeso a yemme ga letsogo la Modimo la go ja.” (Mebereko 7:55) Moya wa go hlawolega ne go le matšhika ya Modimo a ma berekisang, ke wona wo makiyeng gore Stephen a bone mmono wone.

 Matsaka: Moya wa go hlawolega ke motho fote wo wela ga Mabitso ka Mararo ya ma leng ga 1 Johane 5:7, 8 ga Bhayibele ya King James version.

 Nnete: Mo ga Bhayibele ya King James version ga lengwalo la 1 Johane 5:7,8 mantsu yawa “ku legedimong, Papa, Lentsu, le Moya wa go Hlawolega: dilo tsowa ka diraro ke selo ka ssoši . Fote go na le dilo ka diraro tso di neyang bohlatse ho lefaseng.” Le mo go le ka mokgonone, bo ba go nyakolla ba krayye gore mantsu yane, ne ma sa ngwala ke Johane wa lepostola fote a ma tšwi ka ho Bhayibeleng. Phrofesa Bruce M. Metzger o ngwadiye gore: “Mantsu yawa ma nyakisisiwwe gore ke matsaka fote a ma tshwanela go ngwadiwa ka ho ga Testamente ya Nyuwane.”—A Textual Commentary on the Greek New Testament.

 Matsaka: Bhayibele yi phidisa moya wa go hlawolega, so sone se napa se šupetsa gabutši gore ke motho.

 Nnete: Mangwalo ka dinako tse dingwana ma fela ma tshwanisa moya wa go hlawolega le motho, mara so sone a se hlayi gore moya wa go hlawolega ke motho. Bhayibele fote yi fela yi maka nkare go hlalefa, likgu le sinyama ke motho. (Diyema 1:20; Maroma 5:17, 21) Mo re beyisa, go hlalefa go šupa ka “mebereko” le “bananyana,” fote sinyama se bonala se tantetsana, se ya bolaya, fote se maka gore motho a nabele tsa ba bangwana.—Matewu 11:19; Luka 7:35; Maroma 7:8, 11.

 Go fo tshwana le Johane wa lepostola mo a ngwala tso di hlayyeng ke Jeso, o yye a maka gore di kwagale nkare Moya wa go hlawolega ke motho, o wo tshwanisiye le wa go gelepa (moya wa go hlawolega) wa gore wo nyoko hlatsela, wa yetetsa, wa bolabola, wa theetsela, wa sabalatsa, wa gadimisa wa boya wa yamogela. O yye a berekisa mantsu ya go tshwana le ya gore ” yewa” kela “yene” mo a bolabola ka ye wa go “gelepa” aa berekisa lebitso lage. (Johane 16:7-15) O makiye ka mokgonone, ka taba la gore lentsu la Segerika la gore go “gelepa” (pa·raʹkle·tos) go ya ka molawo wa mmolabolo wa Segerika le ka fo rela selo kela motho. Mo Johane a bolabola ka moya wa go hlawolega o berekisiye lentsu pneuʹma, ne a sa nyake gore di kwagale nkare ke motho o berekisiye lebitso la go yemela “selo”.—Johane 14:16, 17.

 Matsaka: Mo o kolobetsiwa ka lebitso la moya wa go hlawolega so sone se šupa gore moya wa go hlawolega ke motho.

 Nnete: Ka dinako tse dingwana Bhayibele yi berekisa “lebitso” go yemela matšhika kela go lawola. (Dotoronoma 18:5, 19-22; Esitere 8:10) Go fo tshwana le ka sekgowa mo ba re “ka molawo” so sone a se re le gore molawo wone ke motho. Motho wa gore o kolobetsiwwe “ka lebitso la” moya wa go hlawolega o thogo bona matšhika le go bereka ga moya wa go hlawolega, ka go segelela so se nyakang ke Modimo.—Matewu 28:19.

 Matsaka: Mapostola ya Jeso le bo ne ba mo latelela ba botala ne ba di tshepa tsa gore moya wa go hlawolega ke motho.

 Nnete: Bhayibele le dilo tsa botala a di bolabole ka tsotsone. Encyclopædia Britannica yi re: “Hlatollo ya gore Moya wa go hlawolega ne go le motho wa go hlawolega . . . yi tšwa ga mokgahlo wa Constantinople wa ad 381.” Tsowa di makegiye ka nthago ga mengwaga ya go teya ka ku ga 250, mo mapostola ya mafelelo ma šele ma timele.