“O lla ka ying ka gore ke go kwela go baba, ka taba la gore mo o lelemela matšhika yaka ma napa ma bonala gabutši”—2 Makorente 12:9, Bhayibele ya Matewu go Segela ga Kutullo.

 “Ke go kwele go baba ka matla, ka gore matšhika yaka ma bonala gabutši mo o kgongwele.”—2 Makorente 12:9, New International Version.

 Modimo o tshepisiye Pawulo wa lepostola gore o nyoko mo neya matšhika ya a ma gayelang gore a thogo tiyisela dintshitshire le tso di mo kgerelang.

 “O lla ka ying ka gore ke go kwela go baba.” Modimo o fetodiye dithapelo tso Pawulo a di boyeleleng ga tleletlele fote di hlatodiwa ka mokgo “so o se nyakang ke gore ke go kwele go baba fela.” Ka mantsu ya mangwana, go kwelana go baba ga Modimo go ko ba go yenele go gelepa Pawulo gore a thogo tiyisela dintshitshire tso ne a ghulana natso. Byang mara? Lentsu lowa “go kwelana go baba,” kela “lešoko,” le rela selo so Modimo a re neyyeng sona mahala sa gore a se re tshwanele. Tso Pawulo a di ngwadiyeng di šupetsa gabutši gore di mmerekele ka matla nakwela Modimo a mo kwela go baba. Le mo Pawulo a yye a hlorisa Makreste, Modimo o mo neyye matšhika ya ne a ma hloka gore a thogo lahla mekgwa yo yage fote a gelepe le ba bangwana gore ba be Makreste. (1 Makorente 15:9, 10; 1 Thimothi 1:12-14) Byalo, Pawulo ne a sa kamake fote ne a tisamele ka Modimo gore a mo gelepe a thogo hlula mathatha ka moka ya ne a ghulana nawo.

 “Ka taba la gore mo o lelemela matšhika yaka ma napa ma bonala gabutši.” Morena Jehova a o gopotsiye Pawulo gore matšhika Yage ma bonala gabutši mo ma bereka ga batho ba go lelemela ba go sa yenela. (2 Makorente 4:7; 12:8) Mo Makreste ma tšiba mo ma kgerang gona fote ma tisamela ka Jehova gore a ma gelepe, ma ba ma lisetsa matšhika ya Modimo gore ma bereke ho ga wona. (Maefeso 3:16; Mafilipi 4:13) Gabutšibutši, matšhika ya Modimo go ba go le bohlatse ga batho bo ba lelemelang.

 Pawulo o ngwadiye lengwalo la go hlohletsela Makreste ya Korente gana hala ga 55 C.E. Mafelelong ya lengwalo lage o hlatolliye gore ba mo neyye matšhika ya go ba lepostola. O kwile di mo tšhofa gore a hlaye tsotsone ka gore ba bangwana ba go timaka mathitšere ya go woma dihlogo ne ba mo tewolanya, ba mo yahlula ka mokgo a lebelelegang kela mokgo a bolabolang ka gona.—2 Makorente 10:7-10; 11:5, 6, 13; 12:11.

 Mo a kene a tiyemelelela, Pawulo o šihlele le gore a yi matšhika yage ya ma makiyeng gore a kgone go maka mmereko wo wa go tšhomayela le go tiyisela dintshitshire tsa go baba ka matla. (2 Makorente 6:4; 11:23-27; 12:12) Ga tema 12, o bolabola ka mošupetso wa go tshwanisela wa “mmutlwa mo mmeleng,” gabutšibutši ne a rela mathatha ya ma mo gumeleng ya go sa fele gore ma mo kwisa go baba ho mmeleng le ka ku tengteng. (2 Makorente 12:7) Le mo Pawulo a sa napa a hlaya dilo tso di makang gore a hlupege, ne a di tšiba gore o nyoko tiyisela mo a gelepa ke Modimo.

 Makreste le wona lekgono ma ka hlupegisiwa le go tshwariwa. Ma ka kgomoletsa ke go tšiba gore matšhika ya Modimo ma ka ba gelepa gore ma tiyisele dintshitshire ka moka tso ma ghulanang natso. Go fo tshwana le Pawulo ma ka hlaya ma šišimele ma re: “mo ke lelemela, ke na le matšhika.”—2 Makorente 12:10.

 Lebelela vidiyo yo ye kopana o bone tsa go go lekisa tsa puku ya 2 Makorente.