“O nyoko tšhireletsa bo ba gore ba tisamele ka wene, o nyoko ba neya go beba ga gore a go fele, ka taba la gore ba tshepele gago.”—Jesaya 26:3, New World Translation.

 “O nyoko maka gore ba dule ba bebiye bo ba gore menagano ya bona yi tsikiye, ka taba la gore ba tshepiye wene.”—Jesaya 26:3, New International Version.

 Mantsu yawa ya moporofeta Jesaya ya gore maa tiyisa ma šupetsa gore Modimo o pasopa bo ba gore ba tshepele gage tsa mannete. O maka ka mokgonone gore a gelepe batho bone gore ba tikwe ba tšhireletsegiye fote ba bebiye.

 “O nyoko tšhireletsa bo ba gore ba tisamele ka wene.” Sekopa sa temanyana yowa se bolabola ka bo ba gore ba tshepela ga Jehova a Modimo tsa mannete, ka dinako ka mokana ga tsona. Bo ba gore ba tshepele ga Modimo baa di tšiba tsa gore di nyaka ba tisamele ka yene. Mo re beyisa, a ba fo tshepela ga tso ba di naganang mo ba tshwanele ba segelele dipheto tse dikgolo. Mara, ba di tseyela gedimo tso Modimo a di naganang ga se sengwana le se sengwana so ba se makang. (Diyema 3:5, 6) Ba tseya dilo ka mokgo Modimo a di tseyang ka gona ka go bala Lentsu lage Bhayibele, ba boya ba ghayela ka tso ba di balang. (Pisalema 1:2; 119:15) Mo ba ghulana le dintshitshire, ba rapela Jehova ka dipelo tsa bona ka moka, ba mo kgopela gore a ba gelepe. (Pisalema 37:5; 55:22) Mo ba maka ka mokgonone, ba šupetsa gore ba tisamele ka Modimo, ye a makang gore ba bebe.

 “O nyoko ba neya go beba ga gore a go fele.” Ka mmolabolo wa Seheberu, lentsu lowa la gore “go beba” le nyarela gabedi go šihlela taba fote lentsu lowa le ka rela “go beba ga go sa fele”, “go beba ga mannete” kela “go beba ga go felegelela.” Ka mantsu ya mangwana, batho bo ba gore ba tisamele ka Jehova ba jabolela go beba ga mošaga wonone, go beba ga ka ku tengteng ga gore a go na taba le gore ba ghulana le dintshitshire tsa mošaga mang. (Pisalema 112:7; 119:165) Go beba gone go sipidisana le go ba le senghana sa thina le Jehova le go lwela go maka dilo tsa gabutši mahlong gage.—Diyema 3:32; Jesaya 48:18.

 “Go beba ga go sa fele” a go rele gore Modimo o tšhireletsa bo ba mo rapelang ga dintshitshire ka mokana ga tsona tso ba ghulanang natso. (1 Samuwele 1:6, 7; Jobo 6:1, 2; Pisalema 31:9) Mara o ba gelepa gore ba thogo tiyisela dintshitshire tsone. (Jesaya 41:10, 13) O fetola merapelo ya bona, o maka gore ba hlalefe, o ba neya matšhika fote wa ba kgomoletsa. (Pisalema 94:19; Diyema 2:6; Jesaya 40:29) Le mo go le ka mokgonone, ba tikwa ba bebiye le mo ba ghulana le dintshitshire.—Mafilipi 4:6, 7.

 Moporofeta Jesaya o phidiye ka dinako tsa ku botala tsa bo 8 B.C.E. Majuda ya go tlala ka dinako tsotsone le ka mengwaga ya go latela, ne ma sa rapele Jehova Modimo ka go tshepega. Tsotsone di makiye gore Jehova a nape a fetse ka toropo ya bona ya Jerusalema ka 607 B.C.E.

 Le mo go le ka mokgonone, ga mengwaga ya go teya ka ku ga lekgolo mo yi sokobane yi psyitlanyiwa, Jesaya o ngwadiye koša ya seporofeto so se leng ga Tema 26 a thanaka Jehova. (Jesaya 26:1-6) Koša yone ne yi bolabola ka dinako tsa ku mahlong mo toropo ya naga ya Juda, gabutšibutši mo Jerusalema ba yi tsusetsela.

 Jerusalema ba yi tsusetsele ga mengwaga ya go latela ya bo 537 B.C.E. Mo tsotsone di šele di makegiye, Majuda ya go tshepega ya gore ma boyele nthago Jerusalema ma nyoko tikwa ma pasopegiye ke mokane ma re: “Re na le toropo ya gore yi tiyye.” (Jesaya 26:1) Gabutšibutši, ne ba sa rele mapharo ya mannete ya ba ma yagiyeng toropong ya bona. Mara, so ne se maka gore toropo yone yi dule yi pasopegiye ke gore Jehova ne a ba rufa le go ba tšhireletsa.—Jesaya 26:2.

 Go sa fo ba ka mokgonone le lekgono. Bo ba tisamelang ka Jehova ba tikwa ba pasopegiye ka taba la gore ba mo tseya go le “Letlapa” kela ga go tšhabela gona.—Jesaya 26:4.

 Lebelela vidiyo yo ye kopana o bone tsa go go lekisa tsa puku ya Jesaya.