“Go thanakiwe Modimo wa ku magedimong, fote lefase lowa le bebe ga batho ba gore Modimo o kwana nabo.”—Luka 2:14, Bhayibele ya Matewu go Segela ga Kutullo.

 “Gadimisaneng Modimo wa ku magedimong! Batho ka mokana ga bona bo ba jabodisang Modimo ba bebe ho lefaseng.”—Luka 2:14, Contemporary English Version.

 Mantsu yawa ya go thanaka ma hlayye ke mangeloyi nakwela Jeso a belegiwa, go šupetsa gore bo ba dumelang ga Jeso ba nyoko yamogela ke Modimo fote ba nyoko jabolela go beba.

 “Go thanakiwe Modimo wa ku magedimong.” Ga mantsu yawa, mangeloyi ne ma šihlela taba ya gore Modimo dya mo tshwanela gore a gadimisiwe ga dilo ka mokana ga tsona. Fote mantsu yawa ne ma rela le taba ya gore go belegiwa ga Jeso le mmereko wage wa go tšhomayela ho lefaseng, tsotsone ne di nyoko thanakisa Jehova a Modimo ka matla. Mo re beyisa, Jeso ne a dula a gadimisa Modimo ga tso ne a di tšhutisa go tshwana le tso a di hlayyeng mo a re: “Tsowa ke di tšhutisang a yi tsaka mara ke tsa ye a nrommeng.” (Johane 7:16-18) Mo Jeso a maka mohlolo bo ne ba mo lebelele ba yye ba “thomisa go gadimisa Modimo.” (Luka 5:18, 24-26; Johane 5:19) Le mong likgu la Jeso le yye la thanakisa Modimo. Di makiye gore tso Modimo ne a nyaka go di segelela ka lefase lowa di makege, tsa gore lefase lowa le tlale ka batho ba go loka ba gore fote ba kwana le go beba.—Genesi 1:28.

 “Go beba ho lefaseng.” Go beba howa a go rele gore go fediye ka dintwa tso di makegang. Go rela go beba kela go beba ga ka ku teng teng, ga gore go kgonega fela mo motho a yamogele ke Jehova. Re leboga Jeso, gore batho ba na le senghana sa gabutši le Modimo. (Jakobo 4:8) Ka gore Jeso ke Kgoši ya Mmušo wa Modimo, o nyoko leya go beba ga go ya go yye lefaseng ka mokana ga lona.—Pisalema 37:11; Luka 1:32, 33.

 “Batho ba gore Modimo o kwana nabo.” Mantsu yawa ma rela batho ba gore ba jabodisa Modimo kela ba gore o kwana nabo, ka taba la gore ba šupetsiye gore ba dumela gage tsa mannete le ga ye a mo rommeng Jeso. A ma rele gore Modimo o tshwara batho ka mokana ga bona gabutši, a sa hlupege ka maphelelo ya bona kela dilo tso ba di makang fote a ma rele batho ba go makela ba bangwana tsa gabutši. Ga dihlatollo tse dingwana tsa Bhayibele go tshwana le ye ya King James Version, yi berekisiye mantsu yawa “Modimo o šupetsiye gore o kwana le batho.” Mara, mangwalo ya botala ya Segerika ya gore ma tshepega ma thega Bhayibele ya New World Translation le Dibhayibele tse dingwana tsa go tlala tsa matšatši yawa, tsona di berekisiye mantsu yawa ya gore batho ba gore ba yamogele ke Modimo ba bebiye.—lebelela Luka 2:14 “ Ga Dihlatollo Tse Dingwana.”

 Luka tema 2 yi bolabola ka tsa lephelo la Jeso nakwela a sa le ye monyana. Ka nthago ga mo a belegiwwe, lengeloyi le yye la nyarela ga bo ba go disa ba gore “ne ba dula ba le mašahleng ba pasopiye merape ya bona bošego.” b (Luka 2:4-8) Lengeloyi le hlayye “ditaba tsa go bafala tsa go jabodisa” le botsa bo ba go disa le re: “Lekgono, howa mutšing wa Dafita go belegiwwe ye a nyoko le phonisang wa gore ke Kreste Morena.” (Luka 2:9-11) Bo ba go disa ba ba butsiye gore leseya lone ba nyoko le kraya kaye, ke mokane ba sepela ba bolabola ka dilo tso lengeloyi lone le ba butsiyeng tsona ba kene ba thanaka Modimo. Mo ba šele ba le thina le go segela Bhetlelehema, bo ba go disa ba krayye Mariya, Josefa le leseya la bona Jeso. (Luka 2:12-16) Ka nthago ga tso ba di bonneng tsa gore di ba šiyye ba yahlamme, bo ba go disa ba yye ba boyela ga merape ya bona, “Ba thanaka ba boya ba gadimisa Modimo ga dilo ka mokana ga tsona tso ba di bonneng le tso ba di kwileng.”—Luka 2:17-20.

 “Go thanakiwe Modimo wa ku magedimong, fote lefase lowa le bebe ga batho bo a kwanang nabo.”—Luka 2:14, New International Version.

 “Go thanakiwe Modimo wa ku magedimong, fote bo ba mo jabodisang ba bebe ho lefaseng!”—Luka 2:14, Good News Translation.

 “Go thanakiwe Modimo wa ku malenghelengheng, fote bo a kwanang nabo ba bebe ho lefaseng!”—Luka 2:14, English Standard Version.

 Lebelela vidiyo yo ye kopana o bone tsa go go lekisa tsa puku ya Luka.