“Nkare Jehova a ka go jabodisa ka matla, fote o nyoko go neya tso di nabelang ke pelo yago.”—Pisalema 37:4, New World Translation.

 “Jabodisa ke MORENA, fote o nyoko go neya tso pelo yago yi di nyakang.”—Pisalema 37:4, English Standard Version.

 Mopisalema o botsa malata ya Modimo gore di nyaka ma natefele ke go jabolela go ba le senghana sa thina Naye. Ka mokana ga bona bo ba jabolelang senghana sowa, a ba kamake gore Jehova a Modimo o nyoko ba neya dilo ka moka tso ba di nyakang.

 “Nkare Jehova a ka go jabodisa ka matla.” Lentsu lowa le ka fo rela gore “kraya go jabola ga mannete ga go tšwa ga Jehova,” “jabodisa ke go berekela MORENA,” kela “jabodisa ke tso MORENA a go tshepisiyeng tsona.” Gabutšibutši tsotsone di rela gore re nyoko “jabola la go sa hlayisege” mo re rapela Modimo wa mannete. (Pisalema 37:4, setwaba) Ke ntaba re reyane?

 Bo ba rapelang Jehova ba lebelela dilo ka mokgo yene mong a di lebelelang ka gona, go ya ka mokgo Bhayibele yi hlayang. A ba fo tšiba Modimo fela mara ba mo theetsela go šupetsa gore ba hlalefiye. Maphomela ya gona ke gore ba dula ba na le lekwalo la go yela fote ba kganela kgole le dilo tsa go kekema. (Diyema 3:5, 6) Mo re beyisa, mo batho ba go ba le dipawo kela ba go sa tshepege ba phomelela, batho ba Modimo a ba ba jelasele ga dilo tsone ba nang natso. (Pisalema 37:1, 7-9) Batho ba Modimo ba jabodisa ke gore go se botala o nyoko fetsa ka dilo ka mokana ga tsona, tsa go tshwara batho lešidi fote o nyoko rufa bo ba go dula ba tshepega. (Pisalema 37:34) Fote ba jabola ka matla go tšiba gore ba yamogela ke Papa wa bona wa ku magedimong le gore ba mo jabodisa.—Pisalema 5:12; Diyema 27:11.

 “Fote o nyoko go neya tso di nabelang ke pelo yago.” Mantsu yawa fote ma ka rela gore “o nyoko fetola merapelo yago” kela “o nyoko go neya tso o kwanang natso ka matla.” Mara, Jehova a ka sa fo re neya se sengwana le se sengwana so re se kgopelang. Go fo tshwana le mmelegi wa gabutši, Jehova o tšiba tso di tshwaneleng bana Bage. Go tokegela gana hone, tso re di kgopelang le maphelelo ya rune di nyaka di sipidisana le melawo yage le tso di nyakang ke yene. (Diyema 28:9; Jakobo 4:3; 1 Johane 5:14) Mo go le ka mokgonone, re ka rapela “Wa go theetsela merapelo” re sa kamake gore o nyoko re kwa.—Pisalema 65:2; Matewu 21:22.

 Pisalema 37 yi ngwadiye ke Kgoši Dafita wa ku Israyele ya botala. O ngwadiye puku yowa ya pisalema ka dihlaka tsa go lategetsana kela ka mokgwa wa gore dihlaka tsone di maka mantsu le mo o di bala di ya tlase. b

 Dafita ba yye ba mo maka lešidi ga tleletlele. Ne a dula a tšhaba Kgoši Sawulo le ba bangwana bo ne ba nyaka go mmolaya. (2 Samuwele 22:1) Mara Dafita ne a dula a tshepiye Modimo ka pelo yage ka mokana ga yona. Dafita ne a di tšiba tsa gore Jehova o nyoko wolola bo ba go maka tsa go befa. (Pisalema 37:10, 11) Le mo ba bonala nkare ba phomelela, go tshwana le “mabyang ya matala mo ma thomisa go hluga” ba nyoko nyamalala ka go yakgoswa.—Pisalema 37:2, 20, 35, 36.

 Pisalema 37 yi bolabola ka tsa go jabodisa tso di nyoko makegelang bo ba theetselang melawo ya Modimo le tsa go sasamela tso di nyoko makegelang bo ba go tiwomisa dihlogo. (Pisalema 37:16, 17, 21, 22, 27, 28) Pisalema yowa yi re gelepa gore re hlalefe fote re thogo ba batho bo Modimo a ba yamogelang.

 Lebelela vidiyo yo ye kopana o bone tsa go fo go lekisa tsa puku ya Pisalema.