Batho ba go tlala ba dula ggoši ba soko bane ba šadha. Ba bangwana ba dula ggoši ka taba la gore ba nyaka go bona gore ba ka kgona go dudisana gabutši ba sa lwe le go tshepa gore mošadho wa bona wo nyoko jabodisa mo ba maka ka mokgonone. Ayitsano di gabutši mo le dula ggoši le soko bane le šadha?

Ga hlogotaba yowa re nyoko bolabola ka dilo tsowa

•  Bhayibele yi re king?

•  Ayitsano go dula ggoši le sa šadha le ba le tilukiselela mošadho?

•  Ayitsano go dula ggoši le sa šadha go go gelepa gore o kraye sekwetše?

•  Ayitsano go dula ggoši le sa šadha go nyoko go gelepa gore o sa šadhe le motho wa gore aa tikemisela?

•  Ayitsano go na le se sengwana sa kawone so o ka se makang?

•   Bhayibele a yi dumele gore le make tsa mapaying le soko bane le šadha. Mo re beyisa, Bhayibele yi hlaya gore: “Le kganele kgole le bonghwahla.” (1 Mathesalonika 4:3; 1 Makorente 6:18) Gana hone go kena le taba ya go maka tsa mapaying le soko bane le šadha le mo le tšiba gore le nyoko šadha go se botala. a Melawo ya Bhayibele yi ba tšhireletsa gore mosadi a sa tikraye a yimme a soko bane a šadha le tse dingwana tsa gore a di gabutši tso di ka ba makegelang.

•   Mošadho wo thomisiye ke Modimo. Mo a wo thomisa, o yitseri: “Nka taba lo monna a nyoko šiyang papage le mmane wage a ngangarela mosadi wage, ke mokane go nyoko ba nama ka yyoši.” (Genesi 2:24) Dikano tso le di makang mo le šadha di maka gore mutši wa lune wo tiye fote le dule le nyakanana.

 Ba bangwana ba re eya. Ka taba la gore ba nyoko kgona go tšibana gabutši mo ba kene ba gelepana ka mmereko wa gaye fote ba boya ba kgona go bona gore ye mongwana le ye mongwana mekgwa yage yi byang. Mara, so se makang gore mošadho wo phomelele ke go maka kano.

 Bo ba šadhiyeng ba ka maka byang gore ba fo dula ba mamarelanne mo dilo di sepela gabutši le mo di thathafa? Go dula ggoši tsa “senakonyana” le soko bane le šadha le liketsa go bona gore mošadho wa lune wo nyoko phomelela tsotsone di ka sa le berekele. Mara, mošadho wa lune wo nyoko phomelela mo le tshepega ka babedi ga lune le boya le tshwarisana ggoši gore le thogo hlula dintshitshire.

 Mong taba: Mara go dula ggoši le sa šadha le re la tilukiselela ke go titshwara ka libilibili, ka gore monna le mosadi mo ba dula ggoši ba sa šadha ba tilukiselela go yahlugana.

 Tšhiko ya Bhayibele: “Ka taba la gore so motho a se gašang ke sona so a nyoko se bunang.”—Magalata 6:7.

 Ba bangwana ba re eya. Mokgahlo wa ba go Nyakolla wa Pew wa hala United States, wo hlayye gore bo ba gore ba šele ba gudiye ba go teya ga lesome, kanne ya bona ba dula ggoši gore ba thogo kraya sekwetše. Mara le mo ba fetsiye nako ya go lefanyana ba dula ggoši, ba go tlala ba hlayye gore a ba soko bane ba nyaka go šadha ka gore ba sa na le mathatha ya ditšheleta.

 Go dula ggoši le soko bane le šadha go ka le leyela mathatha ya mangwana ka matlamatla basadi. Mo re beyisa, mo le yahlugana mosadi go ba yene ye a šalang le morwalo wa go gudisa bananyana a le ntoši.

 Mong taba: Maphomela ya go dula ggoši le soko bane le šadha ma baba ka matla go feta ka mokgo ne le naganne gore dilo di nyoko ba ka gona.

 Tšhiko ya Bhayibele: “Nna, Jehova, ke nna Modimo wago, ke Nna ke go tšhutisang tso di nyoko gelepang wene.”—Jesaya 48:17.

 Ba bangwana ba re eya. Mara le mo go le ka mokgonone, “batho bo ba dulang ggoši ba soko bane ba šadha ga tlele a ba di bone gore go nyoko ba ntshitshire mo se di nyaka gore ba yahlugane,” go hlayye puku ya Fighting for Your Marriage. Ke ntaba? Batho ba go dula ggoši ba sa šadha ba tla ba di bona ka nthago gore a ba panelane. Ka taba la gore ba bangwana ba dumelelanne gore ba nyoko gudisa phoolwane ya gaye ggoši, ba sayinne gore ba nyoko ba le ntlo kela mosadi o f’lo yima ba sa di nagana, ba go nyakolla ba di bonne gore batho ba mošaga wonone ba fo ya mahlong ba dula ggoši ka taba la dilo tso ba di gahlaneleng.” b Ka mantsu ya mangwana, “batho ba bangwana ba gore ne di nyaka ba yahlugane mo ba soko šadha ba feleletsa ba šadhiye ka taba la gore di lula go dula ggoši,” go hlaya puku ya Fighting for Your Marriage.

 Mong taba: Go dula ggoši le soko bane le šadha di ka sa go gelepe gore o segelele sepheto sa gabutši mara go nyoko maka gore go tle go be ntshitshire mo le šele le sa sa kwana le nyaka go yahlugana.

 Tšhiko ya Bhayibele: “Wa gore o hlalefiye mo a bona kotsi wa wutama, mara sephokophoko se fo rwalagana sa ya gana ku, sa ye goromeleng.”—Diyema 22:3.

 O ka tšhabelela taba ya go dula ggoši le soko bane le šadha ka go maka so o ka se kgonang gore mošadho wa lune wo phomelele. Ka mokgo mang mara? Ka go latelela melawo ya Bhayibele mo di tla ga taba ya mošadho. Tiphe nako ya go lefanyana o tšibana le ye o tshepisanneng naye gabutši le soko bane le dula ggoši byalo ka monna le mosadi. Di gabutši ka matla go kgeta motho ye o nyoko šadhang naye wa gore le tshwana ka dilo tso le di tseyelang gedimo le tso le di dumelang, go na le gore o fo kgeta motho ka taba go mo nabela.

 Bhayibele yi na le mayele ya gabutši ya ma ka go gelepang gore mošadho wago wo tiye fote wo phomelele. c Mo re beyisa, Bhayibele yi na le ditšhiko tso di ka go gelepang gore o thogo . . .

•   kganela kgole le go sa tshepege

•   ba monna kela mosadi wa gabutši mošadhong wago

•   bona mekgwa ya motho yene o kwanang naye le soko bane le šadha

 Mo o nyaka go tšiba tsa go tlala ka dihlogotaba tsowa, lebelela sengatha sa gore “Mošadho le Mutši” ga jw.org.

 Tšhiko ya Bhayibele: “Mangwalo ka mokana ga wona ma hlohletsele ke Modimo fote ma gelepa ka go tšhutisa.”—2 Thimothi 3:16.