Segareng ga 1990 le 2015, nombhoro ya bo ba yyeng ba hlalana ba go ba le 50 ya mengwaga le go feta gana hone yi yye ya hlahlamana hala United States fote yi fo ya yi kene yi yeketsega le ga bo ba go ba le mengwaga ya go teya ka ku ga 65. Ba go nyakolla ba berekisiye mantsu yawa ya gore le sa “hlalane le šele le gudiye” go hlatolla ka mokgo nombhoro ya batho ba go hlalana ba šele ba tsofele yi rotogang ka gona. King tso di makang gore le “hlalane le šele le gudiye?” O ka maka byang gore o tšhireletse mošadho wago gore tsotsone di sa makege?

Ga hlogotaba yowa

•  King tso di makang gore le hlalane le šele le gudiye?

•  Tso o ka di makang

•  Tso di ka go gelepang

•    Ga go tlala, monna le mosadi ba gore ba hlalana ba šele ba gudiye ba yahlugana ka gonyana ka gonyana. Go tokegela gana hone, bo ba gore ba šadhiye ba ka thomisa go jabolela dilo tsa go tlala tsa go sa tshwane ke mokane wa kraya tso ba tshwanang ka tsona go fo ba paranyana. Ka nthago ga mo bana ba šele ba gudiye ba sa sa dula le nabo, monna le mosadi wage ba thomisa go di bona gore ne ba tlalele ka matla ga taba ya go ba babelegi, tsa go šinya ba lebala gore ke monna le mosadi.

•    Ga mengwaga yo yi sa tšwang go feta, digele ga tso tsa mošadho di butsiye bo ba gore ba šadhiye gore ba tlalele ka matla ga dilo tso bona beng ba di nyakang. ‘Ayitsano mošadho waka wa njabodisa?’ ‘Ayitsano wo maka gore ke be motho wa gabutši?’ ‘Ayitsano ye ke šadhiyeng naye o ntseyela gedimo?’ Mo nkare a go ka mokgonone, batho ba nagana gore mo diphetolo tsa diputsiso tsowa go le awwa, di nyaka o hlale o ye mahlong ka lephelo.

•   Batho a ba sa tseya go hlalana go le selo sa go befa. “A yi botala” Eric Klinenberg wa gore o tšhutele tsa go gelepa batho a ngwadiye gore, “mo ye mongwana a sa jabodisi ke monna kela mosadi wage fote a nyaka go hlala di nyaka a hlalose gore ke ntaba a segelela sepheto sone. Mara lekgono dilo a di sa le ka mokgonone: Mo nkare a o sa jabolela mošadho wago, di nyaka o hlalose gore ke ntaba o fo ya mahlong o dula ga mošadho wone, ka taba la gore batho ba go tlala lekgono ba dumela gore dilo tso o tshwaneleng go hlupega ka tsona ka matla ke tso di go jabodisang wene mong” a

 Gabutšibutši, di fo ba lekgwaying gore mo motho a hlala o tloga ga mathatha ya mangwana a kena ga ya mangwana. Mo re beyisa, ye mongwana wa gore o tšhutegiye o hlayye gore go “hlalana le šele le gudiye go maka gore le be le mathatha ya ditšheleta ka matlamatla basadi.”

 Go na le tso o tshwaneleng go thomisa o nagana ka tsona. “Le mo o ka liketsa go tšhentšha lephelo lago mara so se šalang ke gore o ka sa boyele bonyaneng,” tsotsone di hlayye ke puku ya Don’t Divorce. “O makiye byang gore o tšhentšhe ka mokgo o bolabolang le ye o šadhiyeng naye ga gore a gwa le berekela? King so o se makang mo nkare go na le tso le sa dumelelaneng ka tsona?” b

•   Yamogela seyemo. A go na mošadho wa gore a wo tšhentšhatšhentšhi. Di ka makega gore mošadho wa lune wo tšhentšhe ka taba la gore bana ba lune a le sa dula nabo kela a le sa jabolela dilo tsa go tshwana. Go na le go dula le nagana ka dilo tsa ku nthago, naganang gore le ka se lukisa byang seyemo sa gana byalo gore se le jabodise.

   Tšhiko ya Bhayibele: “O sa hlaye o re, “Ke ntaba dinako tsa ku botala di le kawone go phala tsa gana byalo?’ ka taba la gore tsotsone o di butsisang ke mong bophokophoko.”—Mmolabodi 7:10.

•   Maka gore senghana sa lune se tiye. Ayitsano o ka tšhentšha mayemo yago gore o thomise go jabolela dilo tso ye o šadhiyeng naye a di jabolelang kela o ka mo kgopela gore a go thege ga dilo tso o di jabolelang? Ayitsano o ka maka selo se sengwana sa nyuwane kela wa tšhuta dilo tse dingwana tso le di jabolelang ka mokana ga lune? So di nyakang o se segelele ke gore le fetse nako ya go tlala ggoši ke mokane tsotsone di nyoko maka gore wene le ye o šadhiyeng naye le tikwe gore se le monna le mosadi, yi seng motho fela wa go fo dula naye ntlong ka yyoši.

   Tšhiko ya Bhayibele: “Motho a sa fo dulela go maka tsa go jabodisa yene a ntoši, mara a ye mahlong a maka le tsa go jabodisa ba bangwana.”—1 Makorente 10:24.

•   Karakarela go ba le mekgwa ya gabutši. O sa lisetsi go ya mahlong o kene o hlompa yi le ka taba la gore le na le nako yago lefa le dula ggoši. Bolabodisana le ye o šadhiyeng naye ka hlompo fote o be le mekgwa ya gabutši yo ne o le nayo nakwela le sa tshepisanne. Hlaya gore ke ya “kgopela” le gore ke ya “leboga.” Ariye mahlong o šupetsa ye o šadhiyeng naye gore o mo nyaka tsa nkare ke moka fote o mo leboge le ga dilo tso a go makelang tsona.

   Tšhiko ya Bhayibele: “Mara le tshwarane gabutši, le kwelane go baba fote le tshwarelane le sa kokole.”—Maefeso 4:32.

•   Nagana ka dilo tsa gabutši tso le di jaboleleng ggoši. Lebelelaneng dinepe tsa lune tsa mošadho le le ggoši le tse dingwana tso le yyeng la di khata ga menyanya ye mengwana. Tsotsone di nyoko le gelepa gore le ye mahlong le kene le nyakanana le boya le hlompana mošadhong wa lune.

   Tšhiko ya Bhayibele: “Monna ye mongwana le ye mongwana o tshwanele a nyake mosadi wage go fo tshwana le mo yene mong a sa tinyenyi, ka nthoko ye nngwana di nyaka mosadi a hlompe monna wage ka matla.”—Maefeso 5:33.