Jesu o rutile gore Mmušo wa Modimo o tla rarolla mathata ka moka a batho. (Mateo 6:10) Go Mateo 13:44-46, o ile a nea dipapišo tše pedi tše di latelago go bontšha bohlokwa bja Mmušo wa Modimo:

•   Monna yo a itšego o be a šoma ka mašemong ke moka a hwetša lehumo le le fihlilwego a se a letela.

•   Mmapatši wa mosepedi yo a tsomago diperela tše dibotse o ile a hwetša perela e tee ya theko e kgolo.

 Banna ba ka bobedi ga bona ba ile ba rekiša sohle seo ba bego ba na le sona gore ba hwetše lehumo le. Banna ba ba emela batho bao ba bonago Mmušo wa Modimo e le wa bohlokwa kudu mo ba bilego ba neela ka dilo tša bona ka moka gore ba hwetše ditšhegofatšo tša wona. (Luka 18:29, 30) Bidiong ye, a re boneng batho ba babedi bao ba swanago le banna bao ba lego dipapišong tša Jesu.