Ee. Dihlatse tša Jehofa ka moka di botša batho ba bangwe ka Beibele goba ke baebangedi—go akaretša le basadi ba dimilione tše mmalwa. Ka ge Beibele e boletše e sa le pele: “Basadi bao ba bolelago ditaba tše dibotse ke lekoko le legolo.”—Psalme 68:11.

Basadi bao e lego Dihlatse tša Jehofa ba latela mohlala wo o beilwego ke basadi ba ka Beibeleng. (Diema 31:10-31) Gaešita le ge e se baetapele ba phuthego, ba tšea karolo ka botlalo modirong wa go botša ba bangwe ka Beibele phatlalatša. Ba boetše ba ruta bana ba bona melao ya motheo ya Beibele. (Diema 1:8) Ka mantšu le ka ditiro, basadi bao e lego Dihlatse ba šoma ka thata gore ba be le tutuetšo e botse.—Tito 2:3-5.