Bao ba tšeelago bodumedi godimo ba swanetše go ba ba nagana gore bodumedi bjoo ba bo kgethilego bo amogelwa ke Modimo le Jesu. Go sego bjalo, ke ka baka la’ng ba swanetše go tšea karolo go bjona?

Jesu Kriste ga se a ka a dumelelana le kgopolo ya gore go na le madumedi a mantši goba ditsela tše dintši tšeo di lebišago phološong. Go e na le moo, o itše: “Kgoro e išago bophelong ke e tshesane gomme tsela ya yona e pitlagane, le gona ke ba sego kae ba ba e hwetšago.” (Mateo 7:14) Dihlatse tša Jehofa di dumela gore di hweditše tsela yeo. Ge e ba go be go se bjalo, di be di tla nyaka bodumedi bjo bongwe.