E le go latela mohlala wa Bokriste bja lekgolong la pele la nywaga, Dihlatse tša Jehofa ga se tša aroganywa ka gore ba bangwe ke baruti gomme ba bangwe ke batho feela. Ditho ka moka tšeo di kolobeditšwego ke badiredi bao ba ineetšego gomme di tšea karolo modirong wa go bolela ka Mmušo wa Modimo le go ruta batho ka wona. Dihlatse di rulagantšwe ka diphuthego tšeo di nago le ditho tše ka bago tše 100. Ka phuthegong e nngwe le e nngwe banna bao ba godilego tsebong ba hlankela e le “bagolo.” (Tito 1:5) Ga ba lefše bakeng sa modiro woo ba o dirago.