Ee. Re dumela go Jesu, yena yoo a itšego: “Ke nna tsela le therešo le bophelo. Ga go yo a tlago go Tate ge e se ka nna.” (Johane 14:6) Re dumela gore Jesu o ile a tla lefaseng a etšwa legodimong gomme a fana ka bophelo bja gagwe bjo bo phethagetšego e le sehlabelo sa topollo. (Mateo 20:28) Lehu la gagwe le tsogo di dira gore bao ba bontšhago tumelo go yena ba hwetše bophelo bjo bo sa felego. (Johane 3:16) Le gona re dumela gore gona bjale Jesu o buša e le Kgoši ya Mmušo wa Modimo wa legodimong, woo kgauswinyane o tlago go tliša khutšo lefaseng ka moka. (Kutollo 11:15) Lega go le bjalo, re lebelela Jesu go ya ka seo a se boletšego ge a be a re: “Tate o mpheta ka bogolo.” (Johane 14:28) Ka gona ga re rapele Jesu, ka ge re sa dumele gore ke Modimo Ramatlaohle.