Na Dihlatse tša Jehofa ke Bakriste?
Ee. Re Bakriste ka mabaka a latelago:
Re leka go latela kgauswi dithuto tša Jesu Kriste le tsela yeo a bego a phela ka yona.—1 Petro 2:21.
Re dumela gore Jesu ke tsela e nnoši ya gore re phološwe, gore “ga go leina le lengwe ka tlase ga legodimo leo le neilwego batho leo ka lona re tlago go phološwa.”—Ditiro 4:12.
Ge batho ba eba Dihlatse tša Jehofa, ba kolobetšwa leineng la Jesu.—Mateo 28:18, 19.
Re rapela Modimo ka leina la Jesu.—Johane 15:16.
Re dumela gore Jesu ke Hlogo, goba yo a filwego matla a go laola motho yo mongwe le yo mongwe.—1 Bakorinthe 11:3.
Lega go le bjalo, re fapana ka ditsela tše dintši le madumedi ao a ipolelago gore ke a Bokriste. Ka mohlala, rena re dumela gore Beibele e ruta gore Jesu ke Morwa wa Modimo, e sego karolo ya Borarobotee. (Mareka 12:29) Ga re dumele taba ya gore moya wa motho ga o hwe le gore Mangwalo a re Modimo o tlaiša batho diheleng tša ka mo go sa felego, le gona ga re dumele taba ya gore bao ba etelelago pele bodumeding ba swanetše go bitšwa ka direto tšeo di ba phagamišago.—Mmoledi 9:5; Hesekiele 18:4; Mateo 23:8-10.
You May Also Like
DIPOTŠIŠO TŠEO DI BOTŠIŠWAGO KUDU
Na Dihlatse tša Jehofa di Dumela go Jesu?
Bona lebaka leo ka lona go lego bohlokwa gore Bakriste ba therešo ba dumele go Jesu.
DIPOTŠIŠO TŠEO DI BOTŠIŠWAGO KUDU
Ke ka Baka La’ng Dihlatse tša Jehofa di sa Diriše Sefapano Borapeding bja Tšona?
Gaešita le ge re le Bakriste, ga re diriše sefapano borapeding bja rena. Ka baka la’ng?
DIPOTŠIŠO TŠA BEIBELE DI A ARABJA
Na Jesu ke Modimo Ramatlaohle?
Ke eng seo Jesu a se boletšego ka boemo bja gagwe ge bo bapetšwa le bja Modimo?
MABAPI LE RENA
Ke ka Baka la Eng o Swanetše go Ithuta Beibele?
Beibele e nea dikarabo tša dipotšišo tša bohlokwa go batho ba dimillione lefaseng ka bophara. Na o ka rata go ba yo mongwe wa bona?
MABAPI LE RENA
Kgopela Thuto ya Mahala ya Beibele
Ithute Beibele, goba o ithute ka mo go oketšegilego ka Dihlatse tša Jehofa.