BUENOS AIRES, Argentina—Go thoma ka di-29 tša March 2017, go fihla ka di-9 tša April 2017, go nele dipula tše matla tše di bakilego mafula diprofenseng tša Argentina e lego Buenos Aires, Chaco, Chubut, Catamarca, Jujuy, Misiones, La Pampa, Salta, San Juan, Santa Cruz, Santa Fe, Santiago del Estero le Tucumán. Ofisi ya lekala ya Dihlatse tša Jehofa kua Argentina e begile gore ga go na Dihlatse tša Jehofa tše di hlokofetšego goba go gobala kotsing ye.

Ditikologo tšeo di senyegilego kudu e bile Chubut le Salta. Toropong ya Comodoro Rivadavia kua Chubut, moo ka matšatši a sego kae go ilego gwa na pula yeo gantši e nago ngwaga ka moka, malapa a ka godimo ga a 60 a Dihlatse a ile a swanelwa ke go tšhaba magaeng a ona. Go oketša moo, mafelo a mabedi a borapedi goba Diholo tša Mmušo, di ile tša senyega kua Chubut le kua Salta. Ofisi ya lekala ya Dihlatse tša Jehofa kua Argentina, e hlomile komiti ya tlhakodišo diprofenseng tšeo ka bobedi go rulaganya modiro wa tlhakodišo woo o tlago go tšwela pele dibekeng tše mmalwa tše di latelago.

Ba Ditaba:

Bakeng sa Dinaga tše Dingwe: David A. Semonian, Ofisi ya Ditaba tša Setšhaba, +1-845-524-3000

Argentina: Omar A. Sánchez, +54-11-3220-5900