Lefapha la Tšhireletšo ya Naga la Azerbaijan le okeditše nako ya go golegwa ga Dihlatse tša Jehofa tše pedi e lego Irina Zakharchenko le Valida Jabrayilova ge ba sa letetšwe go sekišwa. Ka di-17 February, 2015, lefapha le le ile la bulela Dihlatse tše molato le go di golega ka baka la go phatlalatša dipuku tšeo di theilwego Beibeleng ntle le seo go thwego ke tumelelo ya maleba. Ka di-7 May 2015, Kgoro ya Tsheko ya Selete ya Sabail e ile ya tšea phetho ya go golega Dihlatse tše ka nakwana go fihla ka di-17 July. Kgoro e ile ya se amogele seo ramolao wa Dihlatse tše a se boletšego ge a be a re di se išwe kgolegong ka nakwana eupša di newe kotlo ya go golegwa ka ntlong (house arrest). Boramolao ba Dihlatse ba dirile boipiletšo mabapi le kotlo ye ya go hloka toka gomme ba boletše gore ba tshwenyegile ka gore basadi ba ba Dihlatse ba ka ba le kgateletšo ya monagano, maikwelo le go babja mmeleng. Dihlatse tše dingwe di sa dutše di nyakišišwa.