Dipula tše matla tšeo di thomilego ka June 19, 2013, di bakile mafula profenseng ya Alberta, kua Canada. Batho ba bane ba hlokofetše ka baka la mafula ao gomme badudi ba 100 000 ba lahlegetšwe ke magae. Dihlatse tša Jehofa tše 298 di ile tša hudušwa lefelong leo, gomme matšatši a kopano ya selete ya Dihlatse yeo e bego e swanetše go swarelwa Saddledome, e lego lepatlelo le legolo la kua Calgary, Alberta, a ile ya swanelwa ke go fetošwa. Motseng wa High River, mafula a ile a senya dintlo tše 58 tša Dihlatse tša Jehofa gomme Ntlo ya tšona ya borapedi ya senyega kudu. Komiti ya tša tlhakodišo ya bagolo ba Dihlatse ba lefelong leo e ile ya thuša, gomme moemedi wa ofisi ya lekala ya Canada o ile a etela mafelo ao a kgomilwego ke mafula gore a yo kgothatša batho ka Beibele.

 

Ba Ditaba:

Bakeng sa Ditšhabatšhaba: J. R. Brown, Ofisio ya Ditaba tša Boditšhaba, mogala +1 718 560 5000

Canada: Mark Ruge, mogala +1 905 873 4100