Ledimo le matla la Wipha le hlasetše lebopo la ka bohlabela bja Japane ka October 16, 2013. Sehlakahlaka se senyenyane sa Oshima, seo se lego bokgole bja dikhilomithara tše 120 ka borwa bja Tokyo, se bile gare ga mafelo ao a kgomilwego kudu ke ledimo le. Ledimo leo le nago le dipula tša matlorotloro, tša disenthimithara tše 84, le bakile gore dinoka di tlale wa go falala le go baka go elela ga maraga gomme seo sa dira gore batho ba 35 ba hlokofale. Ofisi ya lekala ya Dihlatse tša Jehofa ya Japane e begile gore ga go Hlatse le e tee ya phuthego ya Oshima yeo e hlokofetšego goba e gobetšego. Tlhaka ya ntlo ya lapa le lengwe la Dihlatse e ile ya senyega gomme ditho tša phuthego di ile tša thuša go e lokiša. Dihlatse tša lefelong leo di ile tša thuša baagišani ba tšona ka go ba homotša ka mangwalo.

Ba Ditaba:

Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000

Japane: Shiro Hayasaki, mogala +81 46 233 0005