Ka di-4 tša April 2018, Nursultan Nazarbayev e lego mopresidente wa Kazakhstan o ile a kgopela Teymur Akhmedov tshwarelo gomme a mo lokolla kgolegong. Eupša pele ga moo, ka di-27 tša March 2018 balaodi ba mmušo ba ile ba dumelela Ngwanabo rena Akhmedov gore a ye sepetlele seo se lego toropong ya Almaty go yo dira ophareišene ka pelapela e bile o gare o a kaonefala.

Ngwanabo rena Akhmedov yo a nago le mengwaga e 62 o be a golegilwe ka di-18 tša January 2017. Ngwanabo rena yo o be a golegilwe ka baka la tumelo ya gagwe. O ile a thaba kudu ka ge a ile a boela gae gore a be le ba lapa la gagwe.

Ka moka ga rena re thabišwa ke gore Jehofa o ile a phološa mohlanka wa gagwe yo a botegago.—2 Samuele 22:2.