Ka Mošupologo, April 14, 2014, tšhišinyego ya lefase ya bogolo bja 5,1 e ile ya senya kua leboabodikela bja Managua, Nicaragua. Ye e bile e nngwe ya ditšhišinyego tšeo di diregilego morago bjale go latela ditšhišinyego tšeo di bilego gona tikologong yeo matšatšing a mane a fetilego; tšhišinyego e kgolo e bile ya bogolo bja 6,6 mo sekaleng sa Richter. Ofisi ya Lekala ya Bogareng bja Amerika ya Dihlatse tša Jehofa kua Mexico e kgonthišitše gore ga go na Dihlatse tšeo di gobetšego. Magae a 7 a Dihlatse a sentšwe gomme a 21 a senyegile o šoro. Holo ya Mmušo e tee, e lego lefelo la borapedi la Dihlatse tša Jehofa, yeo e lego toropong ya Nagarote le yona e sentšwe o šoro. Ka baka leo, diphuthego tše pedi tša Dihlatse tša Jehofa di ile tša kopanela lefelong la go emiša dikoloi la Holong ya Mmušo go swarela segopotšo sa ngwaga le ngwaga sa lehu la Jesu Kriste. Batho ba fetago 530 ba ile ba ba gona mantšiboeng ao, go akaretša le ba bantši bao e bego e se Dihlatse. Ofisi ya lekala e ile ya nea badumedigotee bao ba senyagaletšwego ke magae thušo le madulo a nakwana.

Ba Ditaba:

Bakeng sa Ditšhabatšhaba: J. R. Brown, Ofisi ya Ditaba tša Ditšhabatšhaba, mogala +1 718 560 5000

Bogareng bja Amerika: Gamaliel Camarillo, mogala +52 555 133 3048