DECEMBER 12, 2014
South Korea
Pego ya Kopano ya Ditšhabatšhaba: Dihlatse di Lokolla Beibele Lepatlelong la World Cup Kua Seoul
David Splane, e lego setho sa Sehlopha se Bušago, o lokolla Beibele e kaonefaditšwego ya Phetolelo ya Lefase le Lefsa ya Mangwalo a Makgethwa ka Sekorea.
SEOUL—Dihlatse tša Jehofa di lokolotše Beibele e kaonefaditšwego ya Phetolelo ya Lefase le Lefsa ya Mangwalo a Makgethwa ka Sekorea Kopanong ya Ditšhabatšhaba ya “Tšwelang Pele le Tsoma Mmušo wa Modimo Pele!” yeo e bego e swaretšwe Seoul kua Korea. Tiragalo ye e be e swaretšwe Lepatlelong la Seoul World Cup ka September 6-8, 2014. Batho ka moka ba 56 867 bao ba bego ba tlile ba ile ba newa Dibeibele tša mahala, gotee le ba 59 091 bao ba bego ba kgokagantšwe ka bidio kua Busan, Daejeon, Gwangju, Jeju, Suwon le Yeosu. Yo mongwe wa batho bao ba bego ba le moo e lego, Joon-yeong Choi o boletše gore: “Selo se segolo seo nka se tsogego ke se lebetše ka kopano ye ke go lokollwa ga Beibele e kaonefaditšwego ya Phetolelo ya Lefase le Lefsa.”
Batho ba fetago 56 000 ba be ba tlile lepatlelong go tlo thabela lenaneo leo le bego le theilwe Beibeleng.
Dihlatse tšeo di tšwago Canada, Finland, Philippines, Poland le United States di ile tša tloga dinageng tša botšona go tla lenaneong la kopano kua Seoul. Dae-il Hong, e lego mmoleledi wa Dihlatse tša Jehofa kua Korea, o boletše gore: “Re šomile ka thata go lokišetša tiragalo ye e kgahlišago ya go ithuta Beibele le gona kopano ye e bile ka tsela yeo re bego re sa e letela. Ruri e tloga e le tokelo e kgolo gore re sware tiragalo ye e kgethegilego.”
Dibeibele tše dikgolo tšeo di bego di kgabišitše lepatlelo.
Bao ba bego ba le gona kopanong kua Lepatlelong la Seoul World Cup ba ile ba kgahlwalilwe kudu ke ge Dibeibele tše dikgolo tšeo di bego di kgabišitše lepatlelo tšeo ba bego ba itiretše tšona di bulwa go ba matamo a kolobetšo. Batho ba 630 ba ile ba kolobetšwa kua Seoul, gwa kolobetšwa gape le ba bangwe ba 596 bao ba bego ba kgokagantšwe ka bidio, gomme palo ya bao ba kolobeditšwego ge e kopanywa e bile 1 226.
Dibeibele tše dikgolo tšeo di bego di dirišwa e le matamo a kolobetšo.
Ba Ditaba:
Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000
Repabliki ya Korea: Dae-il Hong, mogala +82 31 690 0033
You May Also Like
DITABA TŠE DI LOKOLOTŠWEGO
Dihlatse tša Jehofa di Tsebiša ka Dikopano tša Tšona tša Ditšhabatšhaba
Go thoma ka June 2014 go ba go fihla ka January 2015, Dihlatse tša Jehofa di tla swara dikopano tša ditšhabatšhaba tša matšatši a mararo dinageng tše senyane
DITABA TŠE DI LOKOLOTŠWEGO
Dihlatse di Thoma Dikopano tša Ditšhabatšhaba
Kopano ya mathomo ya matšatši a mararo ya ditšhabatšhaba ya Dihlatse tša Jehofa ya 2014/2015 e tla thoma Ford Field kua Detroit, Michigan ka Labohlano mesong June 6, 2014. Dikarolo tša yona di tla swarwa sammaletee ka go kgokaganywa ka bidio mafelong a mangwe a 10 kua United States.
DITABA TŠE DI LOKOLOTŠWEGO
Pego ya Dikopano tša Ditšhabatšhaba: Dihlatse di Swere Dikopano tša Bohlokwa Historing Lepatlelong la MetLife
Diketekete di be di tletše Lepatlelong la MetLife Bohlabela bja Rutherford, New Jersey, USA, dikopanong tša ‘Tšwelang Pele le Tsoma Mmušo wa Modimo Pele!’ ka June 20-22 le June 27-29, 2014.
DITABA TŠE DI LOKOLOTŠWEGO
Pego ya Kopano ya Ditšhabatšhaba: Lepatlelo la Olympic kua Gerika le Amogela Dihlatse tša Jehofa
Kopano ya Ditšhabatšhaba ya “Tšwelang Pele le Tsoma Mmušo wa Modimo Pele!” e be e swerwe lepatlelong la Olympic Athletic Center of Athens, moo go bego go swaretšwe Dipapadi tša di-Olympic tša 2004.
MABAPI LE RENA
Eya Kopanong ya Selete ya 2024 ya—“Bolela Ditaba tše Dibotse!”
Re go mema gore o tle kopanong ya Selete ya Dihlatse tša Jehofa ya matšatši a mararo ya ngwaga wo.
DIKOPANO
Bidio e Kopana: Pego ya Kopano ya Ditšhabatšhaba
Dihlatse tša Jehofa di swara dikopano tše di kgethegilego ditoropong tše itšego lefaseng ka bophara. Ekwa lebaka leo le dirago gore ba bantši ba thabele go ba dikopanong tše.