LVIV, Ukraine—Ofisi ya Lekala ya Dihlatse tša Jehofa kua Ukraine e begile gore ka June 17, 2014, Hlatse ya Jehofa kua bohlabela bja motse wa Kramatorsk, Ukraine e bolailwe ge pomo e be e thuthupa kgauswi le koloi ya yona. Ga go na Dihlatse tše dingwe tšeo di bolailwego goba go gobala o šoro ka baka la ntwa ya selegae ye e thomilego nageng yeo dikgwedi tše sego kae tše fetilego. Lega go le bjalo, Dihlatse tše makgolo di hudušitšwe mafelong ao a kgomilwego ke ntwa ye ao a lego ka bohlabela bja Ukraine. Dihlatse tšeo di hudušitšwego di dula malapeng a badumedigotee le tšona.

Go sa šetšwe ntwa yeo e tšwelago pele, Dihlatse tša Ukraine di tšwela pele di bolela ka molaetša wo o homotšago wa Beibele le baagišani ba tšona. Dibekeng tša mathomo tša June 2014, Dihlatse di ile tša swara dipokano tše mmalwa tše dikgolo le tša khutšo kua bohlabela bja Ukraine, tšeo di bego di akaretša dipolelo tšeo di theilwego Beibeleng le dipontšho tša kamoo di ka dirišago keletšo ya Beibele maphelong a tšona a letšatši le letšatši. Batho ba ka godimo ga 5 200 ba ile ba ba gona. Dihlatse di tla swara dikopano tša selete tše 40 kua Ukraine le Crimea, moo go tlago go gatelelwa mantšu a Beibele mabapi le bokamoso bja khutšo ka tlase ga Mmušo wa Modimo. Go letetšwe gore batho ba ka bago 165 000 ba be gona ditiragalong tše, go akaretšwa le ba 7 500 kua Crimea.

Ba Ditaba:

Bakeng sa Ditšhabatšhaba: J. R. Brown, Ofisi ya Ditaba tša Boditšhaba, mogala +1 718 560 5000

Ukraine: Vasyl Kobel, mogala +38 032 240 9323