Mathomong a June, dipula tše matla kua bogareng bja Yuropa di ile tša baka mafula kua Austria, Czech Republic, Jeremane, Hungary, Slovakia le Switzerland. Go hlokofetše batho ba 20 gomme bao e ka bago ba 100 000 ba ile ba hudušwa tikologong yeo. Dipego tša morago bjale di bolela gore ga Hlatse yeo e hlokofetšego goba e gobetšego kudu tiragalong ye. Lega go le bjalo, Dihlatse tše 100 kua Jeremane le malapa a lesome kua Czech Republic a ile a swanelwa ke go hudušwa magaeng a ona. Dihlatse tšeo di hudušitšwego di ile tša hwetša madulo magaeng a ba leloko goba a Dihlatse tša tikologong yeo. Holo e nngwe ya Mmušo kua Jeremane le e nngwe kua Austria di ile tša senywa. Bagolo ba Dihlatse ba tikologong yeo ba ile ba rulaganya go hlakodiša batho bao ba kgomilwego ke kotsi yeo ka go hlokomela dinyakwa tša bona tša nama le tša moya.

Ba Ditaba:

Bakeng sa Ditšhabatšhaba: J. R. Brown, Ofisi ya Ditaba tša Boditšhaba, mogala. +1 718 560 5000

Jeremane: Wolfram Slupina, mogala +49 6483 41 3110

Slovakia: Rastislav Eliaš, mogala +421 2 49107611