Sebokeng se se kgethegilego seo se swerwego ka October 5, 2013, Dihlatse tša Jehofa di ile tša tsebiša go lokollwa ga Phetolelo ya Lefase le Lefsa ya Mangwalo a Makgethwa yeo e kaonefaditšwego ya Seisemane. Komiti ya bjale ya Phetolelo ya Beibele ya Lefase le Lefsa e ile ya phetha ka go sepedišana le leleme leo le bolelwago mehleng ye gomme ya fetoša le go kaonefatša dipolelwana tše dingwe tša Beibele, e le go kaonefatša mmalelo le kwešišo ya yona. Ka morago ga go hlahloba lefsa Mangwalo a go Phuthwa a Lewatle le le Hwilego le dingwalwa tše dingwe tša bogologolo, phetolelong ye le yona go ile gwa tsenywa leina la Modimo mafelong a mangwe a tshelelago moo le bego le tšwelela gona, e lego go Baahlodi 19:18; 1 Samuele 2:25; 6:3; 10:26; 23:14, 16. Faele ya PDF ya tokollo ye gotee le bešene ya elektroniki ka go JW Library di ka taoneloutwa mahala go www.pr418.com.

Ba Ditaba:

Bakeng sa ditšhabatšhaba: J. R. Brown, Ofisi ya Ditaba tša Boditšhaba, mogala +1 718 560 5000