NEW YORK—Dihlatse tša Jehofa di thoma dikopano tša selete tša 2015 nageng ya United States ka May 22. Dikopano tše tša selete tša 2015 tšeo di nago le sehlogo se rego “Ekiša Jesu!” di tla tšwela pele lefaseng ka bophara go fihla ka January 2016. Dibeke tše tharo pele ga kopano Dihlatse tša Jehofa di tla thoma lesolo la go laletša batho go tlo theetša lenaneo la mahala la kopano.

J. R. Brown, e lego mmoleledi wa Dihlatse tša Jehofa ntlongkgolo ya lefase ka bophara ya Dihlatse tša Jehofa Brooklyn New York, o boletše gore: “Sehlogo sa kopano ya lenyaga se bolela kudu ka Jesu Kriste ka ge e le motho yo a tsebegago kudu e bile e le mohlala o mobotse bathong ba mengwaga, ditlogo le ditšo ka moka. Re dumela gore batho ba tla thabela dipolelo tše di kgahlišago mabapi le ditiragalo tše bohlokwa bophelong bja Jesu. Lenaneo leo le kgahlišago le tla akaretša dibidio tšeo di rutago le tše kgahlišago tšeo di bontšhago mehola ya go ekiša Jesu bophelong bja rena bja letšatši le letšatši.”

Matšatši le mafelo a Dikopano tša Selete tša 2015 tša “Ekiša Jesu!” a tla hwetšwa Wepesaeteng ya jw.org. Boraditaba ba ka ikgokaganya le ofisi ya lekala ya kgauswi ya Dihlatse tša Jehofa bakeng sa go hwetša ditaba ka botlalo, go akaretša le leina la boraditaba ba lefelong leo bao ba rulaganyago go bolela ka kopano ye.

Ba Ditaba:

Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000