Ka di-10 le di-11 tša February 2018, Ledimo le Matla leo le bitšwago Gita le ile la senya sehlakahlakeng sa Samoa le sa Samoa ya Amerika. Ke moka ka di-12 tša February 2018, ledimo leo le ile la senya sehlakahlakeng sa Tonga. Ledimo leo le thomile e le le lenyenyane ke moka la feleletša e le le matla kudu, moo le ilego la senya dihlakahlakeng tšeo le go baka mafula.

Ga go na Hlatse ya Jehofa yeo e gobetšego kudu goba yeo e bolailwego ke ledimo leo. Lega go le bjalo, dintlo tše mmalwa di ile tša senyega kudu. Dikomiti tša Tlhakodišo di ile tša thuša batho bao ba amilwego ke ledimo leo ka go ba nea dijo le ditente.

Dintlo tše 10 tša sehlakahlakeng sa SAMOA di ile tša senyega kudu.

Dintlo tše tharo tša sehlakahlakeng sa SAMOA YA AMERIKA di ile tša senywa ke mafula. Dihlatse tša Jehofa tša moo di ile tša nea batho bao ba bego ba amilwe ke ledimo leo marobalo.

Dintlo tše 6 tša sehlakahlakeng sa TONGA di be di senyegile kudu. Dihlatse tša Jehofa tšeo di bego di se na marobalo di ile tša yo robala Holong ya Mmušo.

Se se thabišago ke gore ga go na Hlatse ya Jehofa yeo e bego e gobetše kudu kotsing yeo ya Ledimo, le gore Dihlatse tša Jehofa di ile tša thuša bana babo tšona bao ba bego ba amilwe ke kotsi yeo. Thekgo e bjalo e bontšha lerato leo Jesu a boletšego gore le be le tla bonagala gare ga balatedi ba gagwe.—Johane 13:34, 35.

Ba Ditaba:

Bakeng sa Dinaga tše Dingwe: David A. Semonian, Ofisi ya Ditaba tša Setšhaba, +1-845-524-3000

American Samoa: Ben Hur Monotaga, +1-684-699-1764

Samoa: Sio Taua, +685-20629

Tonga: Palu Kanongata’a, +676-25736