MARCH 6, 2018
DITABA TŠA LEFASE KA MOKA
Dihlatse tša Jehofa di Thoma Lesolo la Tšona la Ngwaga le Ngwaga la go Mema Batho ka Moka go tla Segopotšong sa Lehu la Kriste
Ka di-3 tša March 2018 Dihlatse tša Jehofa di ile tša thoma lesolo la lefaseng ka moka la go laletša batho go tla Selalelong sa Morena seo gape se bitšwago Segopotšo sa Lehu la Kriste. Dihlatse tša Jehofa tšeo di lego dinageng tše 240 di tla be di bokane gotee ka di-31 tša March bakeng sa tiragalo ye e bohlokwa. Le gona ditaletšo tša segopotšo di laletša batho ka moka go tlo kwa polelo e kgethegilego yeo e theilwego Beibeleng yeo e nago le sehlogo se se rego: “Ge e le Gabotse Jesu Kriste ke Mang?” Polelo ye e tla newa bekeng e thomago ka di-19 tša March.
David A. Semonian, e lego mmoleledi wa Dihlatse tša Jehofa o itše: Ka 2017 mo e ka bago batho ba 20 milione ba bile gona segopotšong, gomme ba 12 milione e be e se Dihlatse tša Jehofa. Ka gona Segopotšo ke tiragalo e bohlokwa kudu go Dihlatse tša Jehofa le go batho ba bangwe ba dimilione bao e sego Dihlatse tša Jehofa bao ba bago gona tiragalong ye. Morero wa rena ke gore re laletše baagišani ba rena ka moka gore ba be gona segopotšong kgauswi le moo ba dulago gona.”
Ba Ditaba:
Bakeng sa Dinaga tše Dingwe: David A. Semonian, Ofisi ya Ditaba tša Setšhaba, +1-845-524-3000
You May Also Like
MABAPI LE RENA
Segopotšo sa Lehu la Jesu
Ngwaga le ngwaga batho ba dimilione ba bokana gotee go gopola lehu la Jesu. Re go mema gore o tle o kwe gore tiragalo ye e bohlokwa e go ama bjang.
DIPOTŠIŠO TŠEO DI BOTŠIŠWAGO KUDU
Go Reng Dihlatse tša Jehofa di Swara Selalelo sa Morena go Fapana le Dikereke tše Dingwe?
E bile se bitšwa gape gore ke Selalelo sa Mafelelo goba Segopotšo sa Lehu la Kriste, ye ke tiragalo e kgethwa ya Dihlatse tša Jehofa. Hlokomela seo Beibele e se bolelago ka tiragalo ye.