23 MAY 2024
RUSSIA

“Jehofa o Tla ba le Nna”

BAPALA

E se kgale Kgorotsheko ya Urupskiy yeo elego Seleteng sa Karachayevo-Circassian Republic, e tlo tšea phetho mabapi le molato wa ngwanabo rena Aleksey Pasynkov. Molaodi wa Kgorotsheko ga se a tšwa a fana ka kotlo yeo a bonago e swanetše ngwanabo rena.

Tša Bophelo

Aleksey Pasynkov

O Belegwe: 1988 (Moscow, Moscow Region)

Tlhaloso ya Bophelo: O godišitšwe ke mmagwe a noši. Aleksey o šoma mošomo wa go kgabiša le wa plumbing

Mmagwe o thomile go ithuta le Dihlatse tša Jehofa ge Aleksey a be a na le mengwaga e lesome. O ile a kgahlwa ke tsela yeo Dihlatse di hlomphago Beibele ka gona e bile di ena le lerato, ka gona o ile a kolobetšwa ka 2000 mola Aleksey yena a kolobeditšwe 2002

O nyalane le Yuliya ka 2013. Ba na le morwa yo a golofetšego

Dintlha tša Tlaleletšo

Ke temana efe ya Beibele yeo e thušago wena le mosadi wa gago go kgotlelela?

Gantšhi ke naganišiša ka 1 Bakorinthe10:13, yeo e rego: “Ga go moleko wo o le wetšego ge e se woo o tlwaelegilego bathong. Eupša Modimo o a botega gomme a ka se le lese le lekwa go feta kamoo le ka kgonago go kgotlelela ka gona, eupša ge go etla moleko o tla bula tsela ya go tšwa e le gore le kgone go o kgotlelela.” Nna le mosadi wa ka re ile ra kopana le mathata mengwaga e mmalwa e fetilego. Morwa wa rena o belegwe a na le bolwetši bja monagano. Ga bjale o na le mengwaga e seswai gomme o hloka tlhokomelo e kgolo. Ka 2021, batswadi ba mosadi wa ka ba ile ba hwetša kotsi ya koloi. Tatagwe o ile a hlokofala gomme mmagwe a golofala. Gomme re ile ra thoma go tlaišwa. Temana ye e nkgopotša gore mathata a go swana le a, a a nyamiša lefaseng le la Sathane. Eupša re ile ra bona gantšhi gore Jehofa o kgauswi le rena le gore o re nea matla a go kgotlelela. Ke tloga ke nyaka go bona mathata a ka moka a fedile ka pela. Ke kgodišegile gore le ge mathata a ka a ka se fele ka pela, Jehofa o tla ba le nna.

Re thabišwa ke go tseba gore go sa šetšwe mathata ao re kopanago le ona, re ka dula re tšhabela go Jehofa gomme ra thaba.—Psalme 5:11.

Tatelano ya Ditiragalo

November 23, 2021

Balaodi ba ile ba golega Aleksey mo a šomago gona ba ba ba putuka legae la gagwe
December 8, 2022

Ba ile ba šišinya gore a bulelwe molato
March 3, 2023

Legae la bona le ile la putukwa gape. Aleksey le Yuliya ba ile ba sekišwa
March 31, 2023

Legae la mmago Aleksey le la bana babo, le ile la putukwa
October 4, 2023

Ba ile ba se sa dumelelwa go hudugela dinageng tše dingwe
December 14, 2023

Ba ile ba thoma go ya tshekong ya molato

DITABA TŠE DI LOKOLOTŠWEGO