NEW YORK—Go fetile letšatši la boraro molato o sekwa Kgorongkgolo ya Tsheko ya Russia, gomme Kgoro e laetše gore molato o emišwe go fihlela ka Laboraro la di-12 tša April 2017, ka iri ya lesome mesong. Lehono, Kgoro ye e ile ya theetša bohlatse bja Dihlatse tša Jehofa tše nne tšeo di ilego tša nea mabaka ao a kwagalago a go se dumelelane le taba ya gore Lefapha la Toka le tswalele Ofisi e Kgolo ya tšona le go thibela mediro ya tšona.

Moahlodi o ile a botšiša ba Lefapha la Toka dipotšišo tše dintši, a ba laela gore ba ntšhe bohlatse bjo bo bontšhago gore Dihlatse tša Jehofa di dira mediro e kotsi kudu e bile di nea batho dikgatišo tše kotsi kudu. Ba Lefapha la Toka ba ile ba palelwa ke go ntšha bohlatse. Vasiliy Kalin, e lego setho sa komiti ya go hlokomela Ofisi e Kgolo ya Dihlatse tša Jehofa tša Russia, o ile a botša Kgoro yeo gore: “Ke rata go gopotša ba Lefapha la Toka gore kgopelo ya lena ya go nyaka go thibela mediro ya Dihlatse tša Jehofa e tla kweša bohloko batho bao ba nyakago le dira khutšo le go phela bophelo bjo bo thabišago.”

Ba Ditaba:

Bakeng sa Dinaga tše Dingwe: David A. Semonian, Ofisi ya Ditaba tša Setšhaba, +1-845-524-3000

Russia: Yaroslav Sivulskiy, +7-911-087-8009