JULY 4, 2014
RUSSIA
Dihlatse tša Jehofa di a Sekišwa Kua Taganrog
Tsheko ya Dihlatse tša Jehofa tše 16 kua Taganrog, Russia—yeo e lego kgweding ya yona ya bo–14 e tšwela pele ka kgwedi ya July 2014. Ge tsheko e dutše e tšwela pele, kgoro ya tsheko e ile ya hlahloba dibolumu tše fetago tše 60 tšeo go thwego di na le bohlatse tšeo tše dintši tša tšona di bego di swere dikgatišo tša ditirelo tša bodumedi, dithapelo, le mmalo wa Beibele—ditirelo tše swanago le tšeo Dihlatse tša Jehofa di di swarago lefaseng ka bophara.
Tokelo ya tokologo ya bodumedi ya balatofatšwa ba le Dihlatse tše dingwe tše 800 kua Taganrog e kotsing. Dihlatse ka moka tše 16 di boletše gore di ka se latole tumelo ya tšona e bile di tla tšwela pele e le Dihlatse tša Jehofa go sa šetšwe phetho yeo e tšewago.
Bidio ye e bontšha ba bangwe ba balatofatšwa le boramolao ba bona ge ba dutše ba lwela gore tokologo ya bona e se šitišwe e le gore ba ka phetha ditirelo tša bona tša bodumedi le ge ba pharwa ka molato wa bosenyi ntle le toka.
You May Also Like
DITABA TŠE DI LOKOLOTŠWEGO
Tokologo ya Bodumedi e a Gatakelwa Kua Russia
Balaodi ba mmušo ba butše molato wa bosenyi kgahlanong le Dihlatse tša Jehofa toropong ya Taganrog. Holo ya tšona ya Mmušo e tswaletšwe gomme dipuku le dipukwana tša tšona di tšerwe.
DITABA TŠE DI LOKOLOTŠWEGO
Kgoro ya Yuropa ya Ditokelo tša Batho e Dumelelana le Tokelo ya Dihlatse tša Jehofa Kua Russia ya go Bokana Bakeng sa Borapedi
ECHR e sa dutše e dumela gore Russia e gatakela ditokelo tša Dihlatse tša Jehofa go akaretša le tokelo ya tšona ya go rapela ka khutšo.
DITABA TŠE DI LOKOLOTŠWEGO
Badudi ba Russia ba Lebane le Molato wa Bosenyi ka Baka la Tumelo ya Bona
Go golegwa ga Dihlatse tša Jehofa tšeo di lebanego le molato wa bosenyi kua Taganrog go tla bea ditokelo tša motheo tša badudi ka moka ba Russia kotsing.
DITABA TŠE DI LOKOLOTŠWEGO
Molato wa Dihlatse tša Jehofa kua Taganrog, Russia o Tšwela pele
Badudi ba 16 ba tshekong, ba latofatšwa ka bosenyi ka baka la go dira mediro ya bona ya bodumedi. Ge ba ka bonwa molato, tokologo ya bodumedi nageng ka moka ya Russia e tla ba kotsing go badudi ka moka.