APRIL 3, 2017
RUSSIA
Dibidio tša Kamoo Ditsebi di Ikwago ka Gona ka go Thibelwa ga Mediro ya Dihlatse tša Jehofa Kua Russia
Go letetšwe gore ka di-5 tša April 2017, Kgorokgolo ya Tsheko ya Russia e ntšhe kahlolo ya go thibela goba go se thibele mediro ya mekgatlo ka moka ya semmušo ya Dihlatse tša Jehofa nageng ya Russia. Ge go ka dirwa phetho ya gore mediro ya tšona e thibelwe, go ra gore bodumedi bja tšona bo tla ba bo se molaong. Ditsebi tše mmalwa tša ditokelo tša batho tša Russia le tša dinageng tše dingwe, di re botša ka mediro ya go hloka toka ya mmušo wa Russia. E bile di re botša kamoo go thibelwa ga mediro ya Dihlatse tša Jehofa go tla kgomago Dihlatse, botumo bja naga ya Russia gotee le tokologo ya bodumedi ya badudi ba moo.
Heiner Bielefeldt o itše: “Ke nagana gore ge e ba Dihlatse tša Jehofa di dira mediro e kotsi kudu, gona ka moka ga rena re dira mediro e kotsi kudu”
E be e le Mmegi yo a Kgethegilego wa Ditšhaba tše Kopanego Ditabeng tša Tokologo ya Bodumedi
Richard Clayton, QC: “Wo ke mohlala o makatšago wa ka tsela yeo molao wo o sa kgahlišego o ka dirišetšwago mabaka a sa kwagalego.”
Ramolao wa Dinaga tše Dingwe wa Ditokelo tša Batho le Moemedi wa UK Komišeneng ya Venice
Dr. Massimo Introvigne o re: “Selo feela seo Dihlatse tša Jehofa di se tsebago ka bošoro ke gore tšona di swarwa ka bošoro”
Setsebi sa Ditaba tša Setšhaba le yo e Kilego ya ba Moemedi wa Mokgatlo wa OSCE wa go Thibela go Hloyana ga Merafo le Kgethollo
Annika Hvithamar o re: ‘Ge e ba Dihlatse tša Jehofa di dira mediro e kotsi kudu, gona madumedi a mantši a Bokriste a na le molato o swanago’
Moprofesara/Moetapele Lefapheng la Dithuto tša Setšo le Bodumedi, Yunibesithing ya Copenhagen
Lyudmila Alekseyeva o re: “Ye ga se phošo e nyenyane eupša ke molato o mogolo”
Modulasetulo wa Sehlopha sa Moscow Helsinki, Setho sa Lekgotla la Mopresidente wa Russia la Ditaba tša Setšhaba le Ditokelo tša Batho
Anatoly Vasilyevich Pchelintsev o re: “A re emeleleng Dihlatse tša Jehofa!”
Motšweletši yo Mogolo wa Kgatišo ya Bodumedi le Molao
Vladimir Vasilyevich Ryakhovskiy o re: “Ka mehla batho ba pele ba go tlaišwa ke Dihlatse tša Jehofa ke moka gwa latela ba bangwe”
Setho sa Lekgotla la Mopresidente la Ditaba tša Setšhaba le Ditokelo tša Batho
Maksim Shevchenko o re: “Taba ye e dira gore batho ba se newe tokelo ya bohlokwa ya go ba le tokologo ya go dira dilo go ya ka letswalo”
Mopresidente wa Lefelo la Dithuto tša Bodumedi le Dipolotiki
Dr. Hubert Seiwert: ‘Dilo ka moka tšeo Dihlatse tša Jehofa di bego di latofatšwa ka tšona kgorong ya tsheko, go be go se na mo di theilwego gona.’
Moprofesara wa Dithuto tša Bodumedi Yunibesithing ya Leipzig
Mercedes Murillo Muñoz: “Mmušo o tshepa sehlopha se sa bodumedi.”
Professor of Ecclesiastical Law at the University of King Juan Carlos (Spain)
Consuelo Madrigal: “Ga ke bone [Dihlatse tša Jehofa] di le kotsi le ganyenyane.”
Lawyer and Former Attorney General of Spain