NEW YORK—Ka morago ga go seka molato ka matšatši a tshelelago dibekeng tše pedi tša go feta, lehono Kgorokgolo ya Tsheko ya Russia e dumelelane le taba ya ba Lefapha la Toka ya gore Ofisi e Kgolo ya Dihlatse tša Jehofa ya Russia e tswalelwe, le gore mekgatlo e mengwe ka moka ya bodumedi e 395 yeo e dirišwago ke Dihlatse tša Jehofa nageng ka moka ya Russia e fedišwe. Phetho ye e tla thoma go dirišwa gateetee.

Yaroslav Sivulskiy yo e lego seboleledi sa Dihlatse tša Jehofa kua Russia o re: “Phetho ye e re nyamišitše kudu e bile re tshwenyegile kudu le ka gore e tla kgoma bjang mediro ya rena ya bodumedi. Re tla dira boipiletšo ka phetho ye kgorong ya tsheko, gomme re holofela gore ditokelo tša rena tša semolao di tla šireletšwa ka mo go feletšego, le gore re tla šireletšwa ka ge re le sehlopha sa bodumedi seo se nago le khutšo.”

Dihlatse tša Jehofa tša Russia di neilwe matšatši a 30 gore di dire boipiletšo bjo bo tlago go ahlaahlwa ke baahlodi ba bararo.

Ba Ditaba:

Bakeng sa Dinaga tše Dingwe: David A. Semonian, Ofisi ya Ditaba tša Setšhaba, +1-845-524-3000

Russia: Yaroslav Sivulskiy, +7-911-087-8009